logo

കമല്‍ഹാസന് വില്ലനായി മലയാളത്തിന്‍റെ പ്രിയനടന്‍ ഫഹദ്

Published at Dec 9, 2020 02:18 PM കമല്‍ഹാസന് വില്ലനായി മലയാളത്തിന്‍റെ പ്രിയനടന്‍ ഫഹദ്

മലയാള സിനിമയിലെ ശക്തമായ കഥാപാത്രങ്ങള്‍ക്ക്  ഉടമയാണ് ഫഹദ് ഫാസില്‍ . വ്യത്യ്‌സ്തനായ നായക നടന്‍ എന്ന സവിശേഷത താരത്തിനുണ്ട് .

സംവിധായകൻ ഫാസിലിന്റെ മകനായ ഫഹദ് നായകനായി തിളങ്ങുമ്പോഴും നെഗറ്റീവ് കഥാപാത്രങ്ങളാകാനും ഒട്ടുംമടിയില്ലാത്ത നടനാണ്. അതുതന്നെയാണ് മറ്റ് നായകൻമാരിൽ നിന്നും ഫഹദിനെ വ്യത്യസ്തനാക്കുന്നതും.

തമിഴകത്തിന്റെ യുവ സൂപ്പർതാരം കാർത്തിയെ നായകനാക്കി കൈതി എന്ന സൂപ്പർഹിറ്റ് ചിത്രത്തിലൂടെ തെന്നിന്ത്യയിൽ ശ്രദ്ധേയനായ സംവിധായകൻ ലോകേഷ് കനകരാജ് ഉലകനായകൻ കമൽഹാസനെ നായകനാക്കി ഒരുക്കുന്ന പുതിയ ചിത്രമാണ് വിക്രം.


ഇപ്പോഴിതാ ഈ സിനിമയിൽ കമൽഹാസന് വില്ലനായി മലയാളികളുടെ പ്രിയതാരം ഫഹദ് ഫാസിൽ എത്തുന്നുവെന്ന് വാർത്തകൾ പുറത്തുവരുന്നു.

എന്നാൽ ഫഹദിനോട് അടുത്ത വൃത്തങ്ങൾ ഇതു നിഷേധിക്കാനോ ശരി വയ്ക്കാനോ തയ്യാറായിട്ടില്ല.തമിഴിലെ പ്രമുഖ മാധ്യമങ്ങളിൽ ഉൾപ്പടെ ഫഹദാണ് വില്ലനെന്ന് വാർത്തകൾ വന്നിട്ടുണ്ട്.

കമൽ ഹാസന്റെ 232ാം ചിത്രമെന്ന പ്രത്യേകതയുമായി എത്തുന്ന വിക്രം നിർമിക്കുന്നത് അദ്ദേഹത്തിന്റെ നിർമ്മാണ കമ്പനിയായ രാജ്കമൽ ഫിലിംസ് തന്നെയാണ്. സിനിമ അടുത്ത വർഷം റിലീസ് ചെയ്യുമെന്നാണ് സൂചന.


ലോകേഷ് കനകരാജ് സ്റ്റൈൽമന്നൻ രജനികാന്തിനെ നായകനാക്കി സിനിമ ചെയ്യാനുള്ള ഒരുക്കത്തിലാണെന്നും അതല്ല കാർത്തി നായകവേഷത്തിലെത്തിയ കൈതി എന്ന ചിത്രത്തിന്റെ രണ്ടാം ഭാഗമാണ് അടുത്ത സിനിമയെന്നും നേരത്തെ റിപ്പോർട്ടുകൾ ഉയർന്നിരുന്നു.

എന്നാൽ വിക്രം ആണ് അദ്ദേഹത്തിന്റെ അടുത്ത സിനിമയെന്ന് സ്ഥിരീകരണം വന്നിട്ടുണ്ട്.അതേ സമയം ദളപതി വിജയ് നായകനായ മാസ്റ്റർ ആണ് ലോകേഷ് കനകരാജ് ഒടുവിൽ സംവിധാനം ചെയ്ത ചിത്രം.

കഴിഞ്ഞ മാർച്ചിൽ റിലീസ് ചെയ്യേണ്ടിയിരുന്ന സിനിമ ലോക്ക്ഡൗൺ മൂലം മാറ്റി വച്ചിരിക്കുകയാണ്.അതേ സമയം മാസ്റ്ററിന്റെ ടീസർ അടുത്തിടെ പുറത്തിറങ്ങിയിരുന്നു.

സർവ്വകാല റെക്കോർഡും തിരുത്തി യൂടൂബിൽ മുന്നേറുകയാണ് മാസ്റ്റർ ടീസർ. ചിത്രത്തിന്റേതായി പുറത്തിറങ്ങിയ ഗാനങ്ങളും ലോകംമുഴുവൻ തരംഗം തീർത്തിരിക്കുകയാണ്.

Fahad Fazil is one of the strongest characters in Malayalam cinema. The actor has the distinction of being a different lead actor

Related Stories
പ്രഭാസിൻ്റ റൊമാൻ്റിക് ചിത്രം രാധേശ്യാം ജനവരി 14 ന് പ്രദർശനത്തിന് എത്തും

Jul 30, 2021 10:42 AM

പ്രഭാസിൻ്റ റൊമാൻ്റിക് ചിത്രം രാധേശ്യാം ജനവരി 14 ന് പ്രദർശനത്തിന് എത്തും

2010 ല്‍ പുറത്തിറങ്ങിയ ഡാര്‍ലിങ് ചിത്രത്തിലായിരുന്നു താരം അവസാനമായി റൊമാന്റിക് വേഷം കൈകാര്യം ചെയ്തിരുന്നത്. രാധാകൃഷ്ണ കുമാറാണ് സംവിധാനം . ...

Read More >>
ആ അധ്യായം അവസാനിക്കുന്നു,വിവാഹ മോചിതയാകുന്നുവെന്ന് മിയ ഖലീഫ

Jul 26, 2021 03:09 PM

ആ അധ്യായം അവസാനിക്കുന്നു,വിവാഹ മോചിതയാകുന്നുവെന്ന് മിയ ഖലീഫ

ഒരുവിധത്തിലുമുള്ള കുറ്റബോധം ഇല്ല, ഞങ്ങൾ ഈ അധ്യായം അവസാനിപ്പിക്കുകയാണ്. പ്രത്യേകം ജീവിതം ആരംഭിക്കുകയാണെങ്കിലും കുടുംബം, സുഹൃത്തുക്കൾ എന്നിവർ വഴി...

Read More >>
Trending Stories