ഗ്രൂപ്പ് ഡിലീറ്റ് ചെയ്യടാ ...: കാലുകൊണ്ട് കഴുത്തുഞെരിച്ചു, ശ്വാസം കിട്ടാതെ പിടഞ്ഞ് പ്ലസ് വൺ വിദ്യാർത്ഥി; തിരുവനന്തപുരത്ത് ക്രൂരമായ റാ​ഗിങ്

തിരുവനന്തപുരം: (https://truevisionnews.com/) കൊടുവഴന്നൂർ ഹയർ സെക്കൻഡറി സ്കൂളിൽ പ്ലസ് വൺ വിദ്യാർത്ഥിക്ക് നേരെ സീനിയർ വിദ്യാർത്ഥികളുടെ ക്രൂരമായ റാഗിംഗ്. പ്ലസ് ടു വിദ്യാർത്ഥികളാണ് സഹപാഠിയെ മർദ്ദിച്ചതും ശ്വാസംമുട്ടിച്ചതും. സംഭവത്തിൽ വിദ്യാർത്ഥിയുടെ രക്ഷിതാക്കൾ നഗരൂർ പോലീസിൽ പരാതി നൽകി.

തിങ്കളാഴ്ച വൈകുന്നേരമാണ് ക്രൂരമായ സംഭവം നടന്നത്. പ്ലസ് വൺ വിദ്യാർത്ഥി സ്വന്തം ബാച്ചിനായി സോഷ്യൽ മീഡിയയിൽ ഒരു ഗ്രൂപ്പ് തുടങ്ങിയിരുന്നു. ഇത് ഡിലീറ്റ് ചെയ്യണമെന്ന് സീനിയർ വിദ്യാർത്ഥികൾ ആവശ്യപ്പെട്ടെന്നും, ഇതിനെത്തുടർന്നുണ്ടായ തർക്കമാണ് ആക്രമണത്തിൽ കലാശിച്ചതെന്നുമാണ് പ്രാഥമിക വിവരം.

ക്ലാസ് കഴിഞ്ഞ് മടങ്ങവെ സീനിയർ വിദ്യാർത്ഥികൾ പ്ലസ് വൺ വിദ്യാർത്ഥിയെ തടഞ്ഞുനിർത്തി ആക്രമിക്കുകയായിരുന്നു. ആക്രമണത്തിനിടെ പ്ലസ് ടു വിദ്യാർത്ഥികളിലൊരാൾ പ്ലസ് വൺ വിദ്യാർത്ഥിയുടെ കഴുത്ത് കാലുകൊണ്ട് ഞെരുക്കി ശ്വാസംമുട്ടിച്ചു.

വിദ്യാർത്ഥി ശ്വാസം കിട്ടാതെ പിടയുന്ന ദൃശ്യങ്ങൾ അക്രമിസംഘം തന്നെ മൊബൈലിൽ പകർത്തിയിട്ടുണ്ട്. ഈ ദൃശ്യങ്ങൾ ഇപ്പോൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്. സംഭവത്തിൽ സ്കൂൾ അധികൃതരിൽ നിന്നും പോലീസ് മൊഴിയെടുത്തിട്ടുണ്ട്.

Also read: 'ഇരുട്ട് എത്ര കനത്താലും ഒരു സൂര്യോദയം അതിനെ മാറ്റിമറിക്കും, കിച്ചു മോനെ, ഞങ്ങൾ നിന്റെ കൂടെയുണ്ട്'; സന്തോഷനിമിഷങ്ങൾ പങ്കുവെച്ച് വിശാഖും തീർത്ഥയും

അതേസമയം റാഗിംഗ് നിയമവിരുദ്ധവും ഗുരുതരമായ കുറ്റകൃത്യവുമാണ്. കേരളത്തിൽ റാഗിംഗിനെതിരെ കർശനമായ നിയമനടപടികളാണുള്ളത്. കേരള പ്രൊഹിബിഷൻ ഓഫ് റാഗിംഗ് ആക്റ്റ്, 1998 പ്രകാരമാണ് ഇതിന് ശിക്ഷ നൽകുന്നത്.

1. ശിക്ഷാ നടപടികൾ

തടവുശിക്ഷ: റാഗിംഗിൽ ഏർപ്പെടുന്ന ഏതൊരാൾക്കും രണ്ടു വർഷം വരെ തടവുശിക്ഷയും, 10,000 രൂപ വരെ പിഴയും ലഭിക്കാം.

സ്ഥാപനത്തിൽ നിന്നുള്ള പുറത്താക്കൽ: റാഗിംഗ് കുറ്റം തെളിയിക്കപ്പെട്ട വിദ്യാർഥിയെ വിദ്യാഭ്യാസ സ്ഥാപനത്തിൽ നിന്ന് ഉടൻ സ്ഥാപനത്തിൽ നിന്നും പുറത്താക്കും. അങ്ങനെ പുറത്താക്കപ്പെടുന്ന വിദ്യാർഥിക്ക് അടുത്ത മൂന്ന് വർഷത്തേക്ക് മറ്റൊരു വിദ്യാഭ്യാസ സ്ഥാപനത്തിലും പ്രവേശനം ലഭിക്കില്ല.

സസ്പെൻഷൻ: റാഗിംഗ് സംബന്ധിച്ച പരാതി ലഭിച്ചാൽ അന്വേഷണം പൂർത്തിയാകുന്നത് വരെ ആരോപണവിധേയനായ വിദ്യാർഥിയെ വിദ്യാഭ്യാസ സ്ഥാപനത്തിൽ നിന്ന് സസ്പെൻഡ് ചെയ്യേണ്ടതാണ്.

Also read: മതം മാറിയ മാധവിക്കുട്ടിയെ നോർത്ത് ഇന്ത്യയിലെ സംഘപരിവാറിന് പേടിയാണ്; 'ആമി'യിൽ നിന്ന് വിദ്യ ബാലൻ പിന്മാറിയത് രാഷ്ട്രീയ സമ്മർദ്ദം കൊണ്ട്: കമൽ

2. വിദ്യാഭ്യാസ സ്ഥാപനങ്ങളുടെ ഉത്തരവാദിത്തം

റാഗിംഗ് തടയുന്നതിൽ വീഴ്ച വരുത്തുന്ന വിദ്യാഭ്യാസ സ്ഥാപന മേധാവികൾക്കെതിരെയും നടപടിയുണ്ടാകും.

ഇത്തരം സംഭവങ്ങൾ ശ്രദ്ധയിൽപ്പെട്ടാൽ അതാത് സ്ഥാപന മേധാവികൾ അടിയന്തരമായി പോലീസിൽ പരാതി നൽകേണ്ടതുണ്ട്.

3. ഇന്ത്യൻ ശിക്ഷാ നിയമം പ്രകാരമുള്ള നടപടികൾ

റാഗിംഗ് നിയമത്തിന് പുറമെ, അക്രമത്തിന്റെ ഗൗരവം അനുസരിച്ച് ഇന്ത്യൻ ശിക്ഷാ നിയമത്തിലെ (നിലവിൽ ഭാരതീയ ന്യായ സംഹിത - BNS) വിവിധ വകുപ്പുകൾ പ്രകാരം കേസ് എടുക്കാറുണ്ട്:

Also read: ദയ സുജിത്തിന്റെ വസ്ത്രധാരണം: വിമർശനവുമായി വ്ലോഗർ, പിന്നാലെ കണക്കിന് കൊടുത്ത് ആരാധകർ; വിവാദ വീഡിയോ പിൻവലിച്ചു

Content Highlight: Kerala School Ragging Plus One Student Attacked In Thiruvananthapuram

#Koduvazhannoor HSS #School Ragging #Thiruvananthapuram News #Student Attack #Nedumangad Police