#latest news #Kollam #kidnapping #rape attempt #Kochi
കൊച്ചി: (https://truevisionnews.com/) കൊച്ചിയിൽ ഇരുപത്തിനാലുകാരിയെ കാറിൽ തട്ടിക്കൊണ്ടുപോയി മയക്കുമരുന്ന് നൽകി പീഡിപ്പിച്ചു. യുവതിയുടെ സ്വകാര്യ ദൃശ്യങ്ങൾ കാട്ടി ഭീഷണിപ്പെടുത്തിയ ശേഷമായിരുന്നു അതിക്രമം. സംഭവത്തിൽ നിരവധി ക്രിമിനൽ കേസുകളിൽ പ്രതിയായ കൊല്ലം സ്വദേശി ഫിറോസിനെ നോർത്ത് പൊലീസ് അറസ്റ്റ് ചെയ്തു.
ഞായറാഴ്ച രാത്രിയാണ് കേസിനാസ്പദമായ സംഭവം നടന്നത്. യുവതിയെ നിർബന്ധപൂർവ്വം കാറിൽ തട്ടിക്കൊണ്ടുപോയ പ്രതി, മയക്കുമരുന്ന് നൽകി ക്രൂരമായി പീഡിപ്പിക്കുകയായിരുന്നു. ഭയന്നുപോയ യുവതി പിന്നീട് പൊലീസിൽ പരാതി നൽകിയതോടെയാണ് ക്രൂരത പുറത്തറിഞ്ഞത്. യുവതിയുടെ പരാതിയിൽ ഉടനടി കേസെടുത്ത നോർത്ത് പൊലീസ് പ്രതിയെ വേഗത്തിൽ വലയിലാക്കി.
പിടിയിലായ ഫിറോസ് മുൻപും നിരവധി ഗുരുതര ക്രിമിനൽ കേസുകളിൽ പെട്ടിട്ടുള്ളയാളാണെന്ന് പൊലീസ് വ്യക്തമാക്കി. പോക്സോ (POCSO) വകുപ്പുകൾ പ്രകാരമുള്ള കേസുകളും ഇയാൾക്കെതിരെയുണ്ട്. കൊച്ചിയിലെ കുപ്രസിദ്ധ ഗുണ്ട അട്ടാണി അനീഷിന്റെ അടുത്ത സുഹൃത്താണ് പിടിയിലായ ഫിറോസ്. പ്രതിയെ കൂടുതൽ ചോദ്യം ചെയ്തുവരികയാണെന്ന് പൊലീസ് അറിയിച്ചു.
Content Highlight: Kollam native arrested for kidnapping and raping 24-year-old woman in Kochi
