---
title: "'രണ്ട് ദിവസമായി എല്ലാ തിയേറ്ററിലും ഓടി അലഞ്ഞിട്ടും ടിക്കറ്റ് കിട്ടിയില്ല,  'തുടരും' കണ്ടില്ലെങ്കിൽ തീരാ നഷ്ടമായി പോയേനെയെന്ന്  70 കാരി"
english_title: " video grandmother watching thudarum movie going viral."
publisher: "moviemax.in"
canonical_url: "https://moviemax.in/news/286465/video-grandmother-watching-thudarum-movie-going-viral"
published_at: "2025-04-28T17:12:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/680f6a52e41b5_thudarum.jpg"
keywords: []
---

# 'രണ്ട് ദിവസമായി എല്ലാ തിയേറ്ററിലും ഓടി അലഞ്ഞിട്ടും ടിക്കറ്റ് കിട്ടിയില്ല,  'തുടരും' കണ്ടില്ലെങ്കിൽ തീരാ നഷ്ടമായി പോയേനെയെന്ന്  70 കാരി

> **Lead Summary:** ** ** ഇപ്പോൾ എങ്ങും മോഹൻലാൽ മാത്രമാണ് ഉള്ളത് . 'തുടരും' സിനിമകണ്ട് മലയാളി പ്രേക്ഷകരുടെ മനസ്സ് നിറഞ്ഞിരിക്കുകയാണ്. ഇതാ നമ്മൾ കുറെ വർഷങ്ങളായി കാണാൻ കൊതിച്ച മോഹൻലാലാണ് നമുക്ക് മുൻപിൻ ഇപ്പോൾ ഉള്ളത് . ഇപ്പോഴിതാ തുടരും സിനിമ കണ്ടിറങ്ങിയൊരു മുത്തശ്ശിയുടെ വീഡിയോ വ്യാപകമായി പ്രചരിക്കുകയാണ്.

## Article Content

** ** ഇപ്പോൾ എങ്ങും മോഹൻലാൽ മാത്രമാണ് ഉള്ളത് . 'തുടരും' സിനിമകണ്ട് മലയാളി പ്രേക്ഷകരുടെ മനസ്സ് നിറഞ്ഞിരിക്കുകയാണ്. ഇതാ നമ്മൾ കുറെ വർഷങ്ങളായി കാണാൻ കൊതിച്ച മോഹൻലാലാണ് നമുക്ക് മുൻപിൻ ഇപ്പോൾ ഉള്ളത് . ഇപ്പോഴിതാ തുടരും സിനിമ കണ്ടിറങ്ങിയൊരു മുത്തശ്ശിയുടെ വീഡിയോ വ്യാപകമായി പ്രചരിക്കുകയാണ്.

മോഹൻലാൽ- ശോഭന കോമ്പോയിലെ നിരവധി സിനിമകൾ താൻ കണ്ടിട്ടുണ്ടെന്നും തുടരും കണ്ടില്ലായിരുന്നുവെങ്കിൽ തീരാനഷ്ടമാകുമായിരുന്നുവെന്നും മുത്തശ്ശി പറയുന്നു. മോഹൻലാലിന്റെ 25 സിനിമകൾ കണ്ട പ്രതീതിയാണ് തനിക്ക് തുടരുവിലൂടെ ലഭിച്ചതെന്നും ഈ 70 കാരി പറയുന്നുണ്ട്. ഈ വീഡിയോ മോഹൻലാലിന്റെ വിവിധ ഫാൻ പേജുകളിൽ വ്യാപകമായി പ്രചരിക്കുന്നുണ്ട്.

> "രണ്ട് ദിവസമായി എല്ലാ തിയറ്ററിലും ഓടി അലഞ്ഞിട്ടും ടിക്കറ്റ് കിട്ടിയില്ല. ഇന്നലെ ഒരെണ്ണം ബുക്ക് ചെയ്തുവച്ചു. 70 വയസായ എന്റെ കൂടെ ആരും വരാനില്ല. ശോഭനയുടെയും മോഹൻലാലിന്റെയും നല്ല പടമാണെന്ന് വിലയിരുത്തൽ കേട്ടപ്പോ കാണണമെന്ന് തോന്നി. കണ്ടില്ലെങ്കിൽ തീരാ നഷ്ടമായി പോയേനെ.

> കഴിഞ്ഞ് പോകാറായി ഈ ജീവിതം. ഞാൻ കിരീടം പിന്നെ മോഹൻലാലിന്റെ എല്ലാ പടങ്ങളും കണ്ടിട്ടുണ്ട്. ശോഭന ആയിട്ടുള്ളതൊക്കെ. ഇപ്പോ എന്റെ വയസാം കാലത്ത് ഒറ്റക്ക് വന്നിരുന്നു ഈ പടം കണ്ടു. അത് തികച്ചും, എനിക്കൊരു 25 പടം മോഹൻലാലിന്റെ കണ്ട പ്രതീതിയും കിട്ടി. അത്രയ്ക്ക് എനിക്ക് സന്തോഷം കിട്ടി", എന്നായിരുന്നു മുത്തശ്ശിയുടെ വാക്കുകൾ. 

### Related Links & Sources
- [Original Story Source](https://moviemax.in/news/286465/video-grandmother-watching-thudarum-movie-going-viral)