---
title: "'ആരാധകർ ക്ഷമിക്കണം, ഒഴിവാക്കാനാവാത്ത സാഹചര്യം'; ആട് 3 പ്രൊമോഷൻ റദ്ദാക്കിയതിൽ വിശദീകരണവുമായി വിജയ് ബാബു"
english_title: "Vijay Babu explains why Aadu 3 promotion was cancelled"
publisher: "moviemax.in"
canonical_url: "https://moviemax.in/news/347497/vijay-babu-explains-why-aadu-3-promotion-was-cancelled"
published_at: "2026-03-13T16:22:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69b3ecb63dd20_6.jpg"
keywords: []
---

# 'ആരാധകർ ക്ഷമിക്കണം, ഒഴിവാക്കാനാവാത്ത സാഹചര്യം'; ആട് 3 പ്രൊമോഷൻ റദ്ദാക്കിയതിൽ വിശദീകരണവുമായി വിജയ് ബാബു

> **Lead Summary:** **ഏ**റെ പ്രതീക്ഷയോടെ കാത്തിരിക്കുന്ന ജയസൂര്യ ചിത്രം 'ആട് 3'യുടെ തിരുവനന്തപുരത്തെ പ്രൊമോഷൻ പരിപാടികൾ അവസാന നിമിഷം റദ്ദാക്കി. നായകൻ ജയസൂര്യയും അണിയറപ്രവർത്തകരും പങ്കെടുക്കേണ്ടിയിരുന്ന മാർ ഇവാനിയോസ് കോളേജിലെയും മാൾ ഓഫ് ട്രാവൻകൂറിലെയും പരിപാടികളാണ് ഒഴിവാക്കാനാവാത്ത സാഹചര്യങ്ങളാൽ മാറ്റിവെച്ചത്.

## Article Content

**ഏ**റെ പ്രതീക്ഷയോടെ കാത്തിരിക്കുന്ന ജയസൂര്യ ചിത്രം 'ആട് 3'യുടെ തിരുവനന്തപുരത്തെ പ്രൊമോഷൻ പരിപാടികൾ അവസാന നിമിഷം റദ്ദാക്കി. നായകൻ ജയസൂര്യയും അണിയറപ്രവർത്തകരും പങ്കെടുക്കേണ്ടിയിരുന്ന മാർ ഇവാനിയോസ് കോളേജിലെയും മാൾ ഓഫ് ട്രാവൻകൂറിലെയും പരിപാടികളാണ് ഒഴിവാക്കാനാവാത്ത സാഹചര്യങ്ങളാൽ മാറ്റിവെച്ചത്.

സാധാരണയായി തീരുമാനിച്ച കാര്യങ്ങളിൽ നിന്ന് പിന്മാറാറില്ലെന്നും എന്നാൽ പെട്ടെന്നുണ്ടായ തടസ്സങ്ങൾ കാരണം പരിപാടികൾ റദ്ദാക്കേണ്ടി വന്നതിൽ ഖേദിക്കുന്നുവെന്നും നിർമ്മാതാവ് വിജയ് ബാബു സോഷ്യൽ മീഡിയയിലൂടെ അറിയിച്ചു. തിരുവനന്തപുരത്തെ ആരാധകർക്കായി വരും ദിവസങ്ങളിൽ പ്രത്യേക സർപ്രൈസുകൾ ഉണ്ടാകുമെന്നും അദ്ദേഹം കൂട്ടിച്ചേർത്തു.

ഫ്രൈഡേ ഫിലിം ഹൗസും കാവ്യ ഫിലിം കമ്പനിയും ചേർന്ന് നിർമ്മിക്കുന്ന ഈ വമ്പൻ കോമഡി ഫാൻ്റസി ചിത്രം 2026 മാർച്ച് 19-ന് ഈദ് റിലീസായി തിയേറ്ററുകളിലെത്തും. പശ്ചിമേഷ്യൻ സംഘർഷങ്ങൾ റിലീസിനെ ബാധിക്കില്ലെന്ന് അണിയറപ്രവർത്തകർ വ്യക്തമാക്കിയിട്ടുണ്ട്.

'2018', 'മാളികപ്പുറം' തുടങ്ങിയ ഹിറ്റുകൾ സമ്മാനിച്ച കാവ്യ ഫിലിം കമ്പനിയുടെ സാന്നിധ്യം ചിത്രത്തിന് വലിയ പ്രതീക്ഷയാണ് നൽകുന്നത്. വ്യത്യസ്ത കാലഘട്ടങ്ങളിലൂടെ കടന്നുപോകുന്ന കഥ പറയുന്ന 'ആട് 3 പാർട്ട് 1: വൺ ലാസ്റ്റ് റൈഡ്' മലയാള സിനിമയിലെ തന്നെ ഏറ്റവും വലിയ പ്രൊജക്റ്റുകളിൽ ഒന്നായാണ് വിലയിരുത്തപ്പെടുന്നത്.

### Related Links & Sources
- [Original Story Source](https://moviemax.in/news/347497/vijay-babu-explains-why-aadu-3-promotion-was-cancelled)