(moviemax.in)സോഷ്യല് മീഡിയയിലെ മിന്നും താരമാണ് രഞ്ജി കുഞ്ചു എന്ന രഞ്ജിന തോമസ്. തന്റെ ഡാന്സ് വീഡിയോകളിലൂടെ രഞ്ജിനി സോഷ്യല് മീഡിയയില് ഓളം തീര്ക്കാറുണ്ട്.
സ്വന്തമായി ഡാന്സ് ഇന്സ്റ്റിറ്റ്യൂട്ട് നടത്തുകയും ചെയ്യുന്ന രഞ്ജിനി ഡാന്സിംഗ് സ്റ്റാര്സ് എന്ന റിയാലിറ്റി ഷോയിലെ മത്സരാര്ത്ഥിയുമായിരുന്നു.
നടന് സണ്ണി വെയ്ന്റെ ഭാര്യയുമാണ് രഞ്ജിനി.എന്നാല് രഞ്ജിനിയുടേയോ സണ്ണി വെയ്ന്റേയോ സോഷ്യല് മീഡിയ പേജുകളിലൊന്നും ഒരുമിച്ചുള്ള ചിത്രങ്ങളും വീഡിയോകളുമൊന്നും കാണാറില്ല.
വളരെ അപൂര്വ്വമായി മാത്രമേ ഇരുവരും ഒരുമിച്ചുള്ള ചിത്രങ്ങള് പങ്കുവെക്കാറുള്ളു. അതിന് പിന്നിലെ തങ്ങളുടെ ഒരു തീരുമാനമാണെന്നാണ് രഞ്ജിനി പറയുന്നത്. മഹിളാരത്നത്തിന് നല്കിയ അഭിമുഖത്തിലാണ് രഞ്ജിനി അക്കാര്യം തുറന്ന് പറഞ്ഞത്.
താരത്തിന്റെ വാക്കുകള് വായിക്കാം തുടര്ന്ന്.ഭര്ത്താവ് സണ്ണി വെയ്ന്റെ പിന്തുണ അദ്ദേഹം എന്റെ പ്രൊഫഷണല് കാര്യങ്ങളില് ഇടപെടില്ല.
എന്റേതായൊരു ഇടം തന്നു എന്നതു തന്നെയാണെന്നാണ് രഞ്ജിനി പറയുന്നത്. കല്യാണം കഴിഞ്ഞ സമയത്ത് നടന് സണ്ണി വെയ്ന്റെ ഭാര്യ എന്ന ലേബല് മുന്നോട്ട് പോകും തോറും ഒരു ഭാരമായോ എന്ന് തോന്നീട്ടുണ്ട്.
കാരണം വളരെ ഇന്ഡിപെന്ഡന്റ് ആയിട്ടാണ് ഞാന് ഓരോ കാര്യങ്ങളും ചെയ്തു കൊണ്ടിരുന്നത്. അദ്ദേഹത്തിന്റെ പ്രൊഫഷന് ആയ സിനിമയും എന്റെ പ്രൊഫഷനും തമ്മില് ഒരുപാട് വ്യത്യാസങ്ങളുണ്ടെന്നുമാണ് രഞ്ജിനി പറയുന്നത്.
താന് ഇന്സ്റ്റിറ്റ്യൂട്ട് തുടങ്ങിയപ്പോഴും മുന്നോട്ട് പോകുമ്പോഴും മറ്റേതൊരു സ്ത്രീയേയും പോലെ തന്നെ സ്ട്രഗിള് ചെയ്തിട്ടുണ്ടെന്നും രഞ്ജിനി പറയുന്നു. പക്ഷെ പലപ്പോഴും ആ ശ്രമങ്ങള്ക്ക് ഈ ലേബല് കൊണ്ട് അഭിനന്ദനങ്ങള് ലഭിക്കാറില്ലെന്നും രഞ്ജിനി ചൂണ്ടിക്കാണിക്കുന്നു.
നിങ്ങള് നടന്റെ ഭാര്യ അല്ലേ, നിങ്ങള്ക്ക് എന്തും ചെയ്യാല്ലോ എന്ന മട്ടിലായിരുന്നു എല്ലാവരും കണ്ടിരുന്നതെന്നാണ് രഞ്ജിനി പറയുന്നത്.അതോടെ താനും ഭര്ത്താവും ഒരുമിച്ചൊരു തീരുമാനം എടുത്തു.
സോഷ്യല് മീഡിയയില് വ്യക്തി ബന്ധങ്ങളെ ഒന്നും പബ്ലിഷ് ചെയ്യണ്ട എന്നായിരുന്നു ആ തീരുമാനം. തനിക്ക് തന്റേതായ ഐഡന്റിറ്റി വേണം.
ഈ തീരുമാനത്തോട് മറ്റൊരു എതിര്പ്പും പ്രകടിപ്പിക്കാതെ സമ്മതിച്ചപ്പോഴാണ് ഭര്ത്താവെന്ന നിലയില് തനിക്ക് അദ്ദേഹത്തോട് ഏറെ ബഹുമാനം തോന്നിയതെന്നും രഞ്ജിനി പറയുന്നു.
ഒരു റിയാലിറ്റി ഷോയിലോ സ്റ്റേജിലോ ഒന്നും തന്നെ അദ്ദേഹത്തിന്റെ ലേബല് താന് ആയുധം ആക്കിയിട്ടില്ലെന്നും രഞ്ജിനി പറയുന്നു.
അതേസമയം പലപ്പോഴും തങ്ങള് ഒന്നിച്ചുള്ള ഫോട്ടോകളോ പോസ്റ്റുകളോ കാണാതെ ആയപ്പോള് പലരും ഞങ്ങള് വേര് പിരിഞ്ഞു, ഞാന് അദ്ദേഹത്തെ തേച്ചു എന്നിങ്ങനെ എല്ലാം പ്രചരിപ്പിച്ചിട്ടുണ്ടെന്നും രഞ്ജിനി പറയുന്നു.
പക്ഷെ തങ്ങളുടെ തീരുമാനം കൊണ്ട് തങ്ങളുടെ ബന്ധം കൂടുതല് ബലപ്പെടുകയാണ് ചെയ്തതെന്നാണ് രഞ്ജിനി ചൂണ്ടിക്കാണിക്കുന്നുണ്ട്. ഓരോ സ്ത്രീയ്ക്കും അവരുടേതായ ഐഡന്റിറ്റി വേണമെന്നാണ് താന് വിശ്വസിക്കുന്നതെന്നും രഞ്ജിനി പറയുന്നു.
ഒരാളുടെ ഭാര്യ, ഒരാളുടെ മകള് എന്നീ ടൈറ്റിലുകള്ക്ക് അപ്പുറം ഓരോ സ്ത്രീയ്ക്കും അവരവരുടേതായ ലേബല് വേണം എന്നും രഞ്ജിനി പറയുന്നു.
Content Highlight: #parted #agreed #decision #without #expressing #any #further #objection #felt #most #respectet #Ranjina Thomas
