ഭക്ഷ്യവിഷബാധയിലൂടെ കടന്നുപോയതിനേക്കുറിച്ച് പങ്കുവെച്ച് ബോളിവുഡ്താരം ജാൻവി കപൂർ. കഴിഞ്ഞയാഴ്ചയാണ് താരത്തെ ഭക്ഷ്യവിഷബാധയേറ്റ് ആശുപത്രിയിൽ പ്രവേശിപ്പിച്ചത്.
ആശുപത്രിയിൽ നിന്ന് ഡിസ്ചാർജ് ആയി വന്നതിനുപിന്നാലെയാണ് തന്റെ ആരോഗ്യാവസ്ഥയേക്കുറിച്ച് ആരാധകരുമായി ജാൻവി പങ്കുവെച്ചത്.
മിസ്റ്റർ&മിസിസ് മഹി എന്ന ചിത്രത്തിന്റെ പ്രൊമോഷനുമായി ബന്ധപ്പെട്ട് താൻ തിരക്കിട്ട യാത്രകളിലായിരുന്നു. ഇതിനിടയിലാണ് ഭക്ഷ്യവിഷബാധയേറ്റത്. മൂന്നുദിവസം ആശുപത്രിയിൽ കഴിഞ്ഞു.
എന്താണ് സംഭവിക്കുന്നതെന്നുപോലും മനസ്സിലാകുന്നില്ലായിരുന്നു. ആരോഗ്യം പാടേ വഷളാവുകയും ഡോക്ടർമാർ പരിഭ്രാന്തരാവുകയും ചെയ്തുവെന്ന് ജാൻവി പറഞ്ഞു.
ഫ്ലൈറ്റിൽ കയറുന്നതിന് തൊട്ടുമുമ്പാണ് ശാരീരിക അസ്വാസ്ഥ്യം അനുഭവപ്പെട്ടത്. പാടേ തളർന്നുപോവുകയായിരുന്നു. തനിയെ റെസ്റ്റ് റൂമിലേക്ക് പോകാൻ പോലും കഴിയുമായിരുന്നില്ല.
സംസാരിക്കാനോ, നടക്കാനോ, ഭക്ഷണംകഴിക്കാനോ പോലും കഴിയുമായിരുന്നില്ല. എന്നാൽ ഈ വിശ്രമം തനിക്ക് ആവശ്യമായിരുന്നുവെന്ന് ഇപ്പോൾ തോന്നുന്നുവെന്നും തിരക്കിട്ട ഓട്ടത്തിലായിരുന്നു താനെന്നും ജാൻവി പറഞ്ഞു.
Content Highlight: #janhvikapoor #food #poisoning
