---
title: "ബോളിവുഡ് ഉപേക്ഷിച്ച് അനുരാഗ് കശ്യപ്; മടുപ്പും വിഷാദവുമാണ് കാരണമെന്ന് വെളിപ്പെടുത്തൽ"
english_title: "Anurag Kashyap reveals the reason for leaving Mumbai"
publisher: "moviemax.in"
canonical_url: "https://moviemax.in/news/310455/anurag-kashyap-reveals-the-reason-for-leaving-mumbai"
published_at: "2025-08-23T16:10:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/68a99aa66c22b_gjhgj.jpg"
keywords: []
---

# ബോളിവുഡ് ഉപേക്ഷിച്ച് അനുരാഗ് കശ്യപ്; മടുപ്പും വിഷാദവുമാണ് കാരണമെന്ന് വെളിപ്പെടുത്തൽ

> **Lead Summary:** **[** പ്രശസ്ത സംവിധായകൻ അനുരാഗ് കശ്യപ് മുംബൈ വിട്ടുപോരാനുള്ള കാരണം വ്യക്തമാക്കി. ഹിന്ദി സിനിമാ വ്യവസായത്തിലെ അന്തരീക്ഷം തന്നെ വിഷാദത്തിലാഴ്ത്തിയെന്നും, ബോക്സ് ഓഫീസ് കണക്കുകളോടുള്ള അമിതമായ ആവേശവും സിനിമകളുടെ ഗുണനിലവാരം കുറഞ്ഞതും തനിക്ക് മടുപ്പുണ്ടാക്കിയെന്നും അദ്ദേഹം പറഞ്ഞു.

## Article Content

**[** പ്രശസ്ത സംവിധായകൻ അനുരാഗ് കശ്യപ് മുംബൈ വിട്ടുപോരാനുള്ള കാരണം വ്യക്തമാക്കി. ഹിന്ദി സിനിമാ വ്യവസായത്തിലെ അന്തരീക്ഷം തന്നെ വിഷാദത്തിലാഴ്ത്തിയെന്നും, ബോക്സ് ഓഫീസ് കണക്കുകളോടുള്ള അമിതമായ ആവേശവും സിനിമകളുടെ ഗുണനിലവാരം കുറഞ്ഞതും തനിക്ക് മടുപ്പുണ്ടാക്കിയെന്നും അദ്ദേഹം പറഞ്ഞു.

ദക്ഷിണേന്ത്യയിലേക്ക് താമസം മാറിയ ശേഷം, മദ്യപാനം ഉപേക്ഷിച്ചുവെന്നും വ്യായാമം ചെയ്യാൻ തുടങ്ങിയെന്നും എക്കാലത്തേക്കാളും കൂടുതൽ എഴുതാൻ തുടങ്ങിയെന്നും കശ്യപ് വ്യക്തമാക്കി. കരിയർ തകർച്ചയിലാണെന്ന് കരുതി ചില സഹപ്രവർത്തകർ അകന്നു. ഈ സമയം, ഞാൻ ഒരു വിഷാദത്തിലേക്ക് പോയി. ഇപ്പോൾ അതിൽ നിന്ന് പുറത്തുവന്നു. ഇപ്പോൾ ഞാൻ എന്നെത്തന്നെ ആസ്വദിക്കുന്നു.

ഹിന്ദി സിനിമകൾ കാണുന്നത് നിർത്തി. ആദ്യമായി സിനിമ ചെയ്യുന്നവരുടെ ധാരാളം സിനിമകൾ ഞാൻ കാണാൻ തുടങ്ങി. ധാരാളം മലയാള സിനിമകൾ കാണാൻ തുടങ്ങി. റൈഫിൾ ക്ലബ്ബിൽ പ്രവർത്തിച്ചത് തന്റെ സൃഷ്ടിപരമായ തീപ്പൊരി വീണ്ടും ജ്വലിപ്പിക്കുന്നതിൽ പ്രധാന പങ്ക് വഹിച്ചുവെന്ന് അദ്ദേഹം കൂട്ടിച്ചേർത്തു.

ബോളിവുഡ് സഹപ്രവർത്തകർ അദ്ദേഹത്തെ പൂർണ്ണമായും ഒഴിവാക്കാൻ തുടങ്ങിയിരുന്നുവെന്നും അദ്ദേഹം പറഞ്ഞു. എന്റെ മദ്യപാനത്തെക്കുറിച്ച് ആളുകൾ സംസാരിക്കുന്നു. വിഷാദത്തെക്കുറിച്ച് ആളുകൾ സംസാരിക്കുന്നു. ഞാൻ വഴിതെറ്റുകയാണെന്ന് ആളുകൾ പറയുന്നു. ഇങ്ങനെയുള്ള ഒരിടത്ത് ഞാൻ എന്തിനാണ് നിൽക്കുന്നത്. അവർ എന്റെ രക്ഷകനാകാൻ ശ്രമിക്കുകയാണെന്നും അദ്ദേഹം പറഞ്ഞു.

മദ്യം ഉപേക്ഷിച്ചത് നിർബന്ധിതമായിരുന്നില്ലെന്നും, അത് തന്റെ ഇഷ്ടപ്രകാരമുള്ള തീരുമാനമായിരുന്നെന്നും കശ്യപ് വ്യക്തമാക്കി. ആളുകളുമായി അധികം ഇടപെഴകാതെ, വ്യായാമം ചെയ്യാനും എഴുതാനും തുടങ്ങിയെന്നും അദ്ദേഹം പറഞ്ഞു. നെറ്റ്ഫ്ലിക്സ് തന്റെ ഡ്രീം പ്രോജക്റ്റായ 'മാക്സിമം സിറ്റി' ഉപേക്ഷിച്ചതിന് ശേഷം തൻ്റെ മാനസികാരോഗ്യം തകർന്നെന്നും അദ്ദേഹം സൂചിപ്പിച്ചു..

### Related Links & Sources
- [Original Story Source](https://moviemax.in/news/310455/anurag-kashyap-reveals-the-reason-for-leaving-mumbai)