(moviemax,in)തെന്നിന്ത്യൻ സിനിമാ ലോകത്തെ പ്രിയ താര ദമ്പതികളാണ് നാഗാർജുനയും അമല അക്കിനേനിയും. ഒരുമിച്ച് അഭിനയിക്കവെ പ്രണയത്തിലായ ഇരുവരും വൈകാതെ വിവാഹിതരായി.
1992 ലാണ് നാഗാർജുന അമല അക്കിനേനിയെ വിവാഹം ചെയ്യുന്നത്. അഖിൽ എന്ന മകനും ദമ്പതികൾക്ക് പിറന്നു. വിവാഹ ശേഷം ഏറെക്കാലം അഭിനയ രംഗത്ത് നിന്ന് മാറി നിന്ന അമല പിന്നീട് തിരിച്ചെത്തിയെങ്കിലും പഴയത് പോലെ സജീവമായില്ല.
ആദ്യ വിവാഹ ബന്ധം വേർപിരിഞ്ഞ ശേഷമാണ് നാഗാർജുന രണ്ടാമത് വിവാഹം ചെയ്തത്. ലക്ഷ്മി ദഗുബതി എന്നാണ് നാഗാർജുനയുടെ ആദ്യ ഭാര്യയുടെ പേര്.
തെലുങ്കിലെ പ്രമുഖ നിർമാതാവായിരുന്ന ദഗുബതി രാമനായ്ഡുവിന്റെ മകളാണ് ലക്ഷ്മി ദുഗുബതി. 1984 ൽ വിവാഹിതരായ ഇരുവരും 1990 ൽ വേർപിരിഞ്ഞു.
ഇവർക്ക് പിറന്ന മകനാണ് നടൻ നാഗ ചൈതന്യ. മൂത്ത മകനായ നാഗ ചൈതന്യ നാഗാർജുനയുടെ പാത പിന്തുടർന്നാണ് സിനിമാ ലോകത്തെത്തുന്നത്.
അച്ഛനൊപ്പം പല പൊതുവേദികളിലും നാഗ ചൈതന്യ എത്താറുണ്ട്. അർധ സഹോദരൻ അഖിൽ അക്കിനേനിയുമായും രണ്ടാനമ്മ അമല അക്കിനേനിയുമായും വലിയ അടുപ്പം നാഗ ചെെതന്യക്കുണ്ട്.
നടന്റെ വിവാഹത്തിന് ഇവരെല്ലാം നിറ സാന്നിധ്യമായി ഒപ്പമുണ്ടായിരുന്നു. വേർപിരിഞ്ഞെങ്കിലും ഇത് നാഗ ചൈതന്യയെ ബാധിക്കാതിരിക്കാൻ നാഗാർജുനയും ലക്ഷ്മി ദഗുബതിയും ശ്രദ്ധിച്ചിരുന്നു.
ഇപ്പോഴിതാ ലക്ഷ്മിയുമായി പിരിയേണ്ടി വന്നതിനെക്കുറിച്ച് നാഗാർജുന പറഞ്ഞ വാക്കുകളാണ് ശ്രദ്ധ നേടുന്നത്.വിവാഹമോചനം ജീവിതത്തിലെ വേദനാജനകമായി ഘട്ടമായിരുന്നെന്ന് നാഗാർജുന പറയുന്നു.
ഡിവോഴ്സിന് ശേഷം നാഗ ചൈതന്യയെ അവന്റെ അമ്മയ്ക്കൊപ്പം അയക്കേണ്ടി വന്നു. തനിക്ക് വല്ലാതെ വിഷമം തോന്നിയ നിമിഷങ്ങളായിരുന്നു അതെന്ന് നാഗാർജുന പറയുന്നു.
പക്ഷെ ആ സമയത്ത് അവൻ അമ്മയ്ക്കൊപ്പമാണ് വളരേണ്ടത്. അതിനാൽ അവനെ വിട്ടേ പറ്റൂ. ഇടയ്ക്കിടെ എന്റെയടുത്തേക്ക് വരും. അതിൽ സന്തോഷമുണ്ടായിരുന്നു.സ്കൂൾ പഠനം പൂർത്തിയാക്കിയ ശേഷം അവൻ ചെന്നെെയിൽ നിന്നും ഹൈദരാബാദിലേക്ക് വന്നു.
കുട്ടിയായിരിക്കുമ്പോൾ നാഗ ചൈതന്യ മുഴുവൻ സമയവും തന്നോടൊപ്പം ഇല്ലാഞ്ഞത് ഇന്നും തന്നെ വേദനിപ്പിക്കുന്നെന്നും നാഗാർജുന വ്യക്തമാക്കി.
നാഗ ചൈതന്യയെ വളർന്നത് തന്നോടൊപ്പം അല്ലെന്നും അവന്റെ അമ്മയാണ് അവനെ വളർത്തിയതെന്നും അമലയും നേരത്തെ പറഞ്ഞിട്ടുണ്ട്.
ചെന്നെെയിൽ അമ്മയ്ക്കൊപ്പമാണ് അവൻ താമസിച്ചത്.ഇടയ്ക്ക് ഇങ്ങോട്ട് വരും. കൂടുതൽ സമയവും അച്ഛനൊപ്പമാണ് ചെലവഴിച്ചത്. നല്ല വ്യക്തിത്വമുള്ള കുട്ടി.
നാഗ ചൈതന്യ ഇങ്ങോട്ട് വരുമ്പോൾ അവന്റെ പിന്നാലെയായിരുന്നു അഖിൽ. നാഗ ചൈതന്യ വികൃതിയുള്ള കുട്ടിയല്ലായിരുന്നെന്നും അമല അക്കിനേനി അന്ന് പറഞ്ഞു.
അച്ഛനെ പോലെ തന്നെ നാഗ ചൈതന്യയുടെ ആദ്യ വിവാഹ ബന്ധവും വേർപിരിയുകയാണുണ്ടായത്. നടി സമാന്തയെയാണ് താര പുത്രൻ വിവാഹം ചെയ്തത്.
എന്നാൽ ഈ വിവാഹ ബന്ധം നാല് വർഷത്തിനുള്ളിൽ അവസാനിച്ചു. മറ്റൊരു വിവാഹത്തിന് നാഗ ചൈതന്യ ഇതുവരെ തയ്യാറായിട്ടില്ല.
#nagarjuna #open #up #about #first #marriage #separation #shares #affected #him
.jpg)
