---
title: "#hinakhan | ‘അസുഖം മൂന്നാംഘട്ടത്തിൽ, പൂർവാധികം ശക്തിയോടെ തിരിച്ചുവരും’; സ്തനാർബുദമെന്ന് വെളിപ്പെടുത്തി നടി ഹിന"
english_title: "#hinakhan #diagnosis #breast #cancer"
publisher: "moviemax.in"
canonical_url: "https://moviemax.in/news/215681/hinakhan-diagnosis-breast-cancer"
published_at: "2024-06-28T13:32:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/667e6e71225d0_hima.jpg"
keywords: []
---

# #hinakhan | ‘അസുഖം മൂന്നാംഘട്ടത്തിൽ, പൂർവാധികം ശക്തിയോടെ തിരിച്ചുവരും’; സ്തനാർബുദമെന്ന് വെളിപ്പെടുത്തി നടി ഹിന

> **Lead Summary:** **സ്ത**നാർബുദം സ്ഥിരീകരിച്ച വിവരം വെളിപ്പെടുത്തി ടെലിവിഷൻ നടി ഹിനാ ഖാൻ. അർബുദത്തിന്റെ മൂന്നാംഘട്ടത്തിലാണെന്നും ചികിത്സ പുരോഗമിക്കുകയാണെന്നും സമൂഹമാധ്യമത്തിൽ പങ്കുവച്ച കുറിപ്പിൽ നടി പറഞ്ഞു.

## Article Content

**സ്ത**നാർബുദം സ്ഥിരീകരിച്ച വിവരം വെളിപ്പെടുത്തി ടെലിവിഷൻ നടി ഹിനാ ഖാൻ. അർബുദത്തിന്റെ മൂന്നാംഘട്ടത്തിലാണെന്നും ചികിത്സ പുരോഗമിക്കുകയാണെന്നും സമൂഹമാധ്യമത്തിൽ പങ്കുവച്ച കുറിപ്പിൽ നടി പറഞ്ഞു.

‘‘മുന്നോട്ടുപോകുകയാണ്. അസുഖത്തിന്റെ മൂന്നാംഘട്ടത്തിലാണെങ്കിലും ഞാൻ സുഖമായിരിക്കുന്നു. ഈ അസുഖത്തെ നിശ്ചയദാർഢ്യത്തോടെ അതിജീവിക്കാന്‍ ശക്തയും പ്രതിജ്ഞാബദ്ധയുമാണ് ഞാൻ. ചികിൽസ തുടങ്ങിയിട്ടുണ്ട്. പൂർവാധികം ശക്തിയോടെ തിരിച്ചുവരാൻ വേണ്ടതെല്ലാം ചെയ്യാൻ ഞാൻ തയാറാണ്’’–ഇൻസ്റ്റഗ്രാമിൽ ഹിന ഖാൻ കുറിച്ചു.

തന്റെ സ്വകാര്യതയെ മാനിക്കണമെന്നും എല്ലാവരുടെയും സ്നേഹത്തിനും അനുഗ്രഹത്തിനും നന്ദിയെന്നും നടി പറഞ്ഞു. ഈ യാത്രയിൽ ഇതേ സാഹചര്യത്തിലൂടെ കടന്നുപോയവരുടെ വ്യക്തിപരമായ അനുഭവങ്ങളും പിന്തുണച്ചു കൊണ്ടുള്ള നിർദേശങ്ങളും വിലമതിക്കാനാകാത്തതാണെന്നും ഹിന പറഞ്ഞു.

### Related Links & Sources
- [Original Story Source](https://moviemax.in/news/215681/hinakhan-diagnosis-breast-cancer)