ബോളിവുഡിലെ മിന്നും താരമാണ് ഷാഹിദ് കപൂര്. താരപുത്രനായിരിക്കുമ്പോഴും ഷാഹിദിന് സ്വന്തമായൊരു ഇടം കണ്ടെത്താന് ഏറെ കഷ്ടപ്പെടേണ്ടി വന്നിട്ടുണ്ട്. ബാക്ക്ഗ്രൗണ്ട് ഡാന്സര് ആയിട്ടായിരുന്നു ഷാഹിദിന്റെ തുടക്കം. എന്നാല് പിന്നീട് തന്റെ ഉള്ളിലെ അഭിനേതാവിനെ പുറത്തെടുക്കാന് സാധിക്കുന്ന വേഷങ്ങളിലൂടെ ഷാഹിദ് കയ്യടി നേടുകയായിരുന്നു. 2003 ല് പുറത്തിറങ്ങിയ ഇഷ്ക് വിഷ്ക് എന്ന ചിത്രത്തിലൂടെയാണ് ഷാഹിദ് ബോളിവുഡില് അരങ്ങേറുന്നത്. പ്രമുഖ നടന് പങ്കജ് കപൂറിന്റെ മകനാണ് ഷാഹിദ്.
എന്നിരുന്നാലും മുംബൈയില് തനിക്ക് നിരന്തരം ബുള്ളിയിംഗ് നേരിടേണ്ടി വന്നിട്ടുണ്ടെന്നാണ് ഷാഹിദ് കപൂര് വെളിപ്പെടുത്തുന്നത്. ഡല്ഹിയില് നിന്നും മുംബൈയിലെത്തിയ കാലത്ത് തനിക്ക് സ്കൂളില് നിന്നും ബുള്ളിയിംഗ് നേരിടേണ്ടി വന്നിട്ടുണ്ടെന്നാണ് ഷാഹിദ് പറയുന്നത്. തന്നെ പുറമേക്കാരനായിട്ടാണ് എല്ലാവരും കണ്ടത്. തന്റെ സംസാര രീതി കാരണം സ്കൂളില് താന് ഒറ്റപ്പെട്ടുവെന്നും ഷാഹിദ് പറഞ്ഞു. ''എനിക്കൊരു കാമ്പിന്റെ ഭാഗമാകാനുള്ള കഴിവുണ്ടായിുരന്നില്ല. എന്റെ ക്ലാസില് എന്നെ ആരും അംഗീകരിച്ചിരുന്നില്ല.
എന്നോട് അവര് മോശമായി പെരുമാറി. ഞങ്ങള് അന്ന് വാടകയ്ക്കാണ് താമസിച്ചിരുന്നത്. എല്ലാ കൊല്ലവും വീട് മാറും. അതിനാല് എപ്പോഴും പുതിയ സുഹൃത്തുക്കളെ കണ്ടെത്തേണ്ടി വരുമായിരുന്നു ഷാഹിദ് പറഞ്ഞു . പിന്നീട് താന് ബോളിവുഡിലേക്ക് കടന്നു വന്നപ്പോഴും ഇത് തന്നെയായിരുന്നു അവസ്ഥ എന്നാണ് ഷാഹിദ് പറയുന്നത്. ഇവിടെ പുറമേക്കാരെ അത്ര പെട്ടെന്ന് അംഗീകരിക്കില്ലെന്നാണ് ഷാഹിദ് കപൂര് പറയുന്നത്. നീ എങ്ങനെ ഇവിടെ എത്തി എന്ന പെരുമാറ്റമാണ്. വര്ഷങ്ങളോളം ഞാനത് നേരിട്ടു.
ക്രിയാത്മകമായി ഇടപെടണമെന്നുള്ളവര്ക്കും ഒരുമിച്ച് ജോലി ചെയ്യാന് ഇഷ്ടമുള്ളവരും ഒരുമിക്കണം. പക്ഷെ അതിനര്ത്ഥം മറ്റുള്ളവരെ തള്ളുകയോ വലിച്ച് താഴെയിടുകയോ അവര്ക്ക് മുന്നില് വാതിലടയ്ക്കുകയോ ചെയ്യരുത്'' എന്നാണ് ഷാഹിദ് പറയുന്നു. ''അന്ന് ഒരു കൗമരക്കാരനായ എനിക്ക് തിരിച്ചടിക്കാനുളള ആത്മവിശ്വാസമുണ്ടായിരുന്നില്ല. പക്ഷെ ഇന്ന് എന്നെ ബുള്ളി ചെയ്യാന് നോക്കിയാല് ഞാന് തിരിച്ച് ബുള്ളി ചെയ്യും. ഗുണ്ടകളോട് ഞാന് ഗുണ്ടായിസം കാണിക്കും, കാരണം അത് അവര് അര്ഹിക്കുന്നുണ്ട്'' എന്നും ഷാഹിദ് പറയുന്നു.
Content Highlight: #Despite #being #star #child #faced #bullying #misbehaved #ShahidKapoor #shared #ordeal
