#Latest News #Stabbed #Nadapuram #Vanimel
കോഴിക്കോട് : ( www.truevisionnews.com) നാദാപുരം വാണിമേലിൽ യുവാവിന് കുത്തേറ്റു. വാണിമേൽ സ്വദേശി ഏകരം പറമ്പത്ത് അഷ്റഫിന്റെ മകൻ അർഷിദ് ( 23) ആണ് കുത്തേറ്റത്. ഇന്ന് വൈകീട്ട് ആറ് മണിയോടെയാണ് സംഭവം.
അർഷിദിന്റെ സുഹൃത്തായ അൻസിഫാണ്കുത്തിയത് . ഇരുവരും വൈകീട്ട് വാണിമേൽ മുടിക്കൽ പാലത്തിൽ ചായ കുടിക്കാൻ എത്തിയിരുന്നു. ഇതിനിടയിൽ രണ്ടുപേരും തമ്മിൽ വാക്കേറ്റമുണ്ടാവുകയും ഇതിനിടയിൽ അൻസിഫ് അർഷിദിനെ കുത്തി പരിക്കേൽപ്പിക്കുകയായിരുന്നു.
ആക്രമണത്തിന് പിന്നാലെ പ്രതി ഓടി രക്ഷപെട്ടു. അർഷിദിന്റെ വയറിനാണ് കുത്തേറ്റത് . ഗുരുതരമായി പരിക്കേറ്റ യുവാവിനെ വടകര താലൂക്ക് ആശുപത്രിയിൽ പ്രവേശിപ്പിച്ചിട്ടുണ്ട്.
Content Highlight: A young man was stabbed in Nadapuram Vanimel
