---
title: "'മമ്മൂക്ക 15 വർഷമായി ചോദിക്കുന്നു, ഞാൻ സമ്മതിച്ചിട്ടില്ല!'; തന്റെ രഹസ്യ ഫാമിനെക്കുറിച്ച് മനസ്സ് തുറന്ന് ജയറാം"
english_title: "'Mammookka has been asking for 15 years, I haven't agreed!'; Jayaram opens up about his secret farm"
publisher: "moviemax.in"
canonical_url: "https://moviemax.in/news/364506/mammookka-has-been-asking-for-15-years-i-havent-agreed-jayaram-opens-up-about-his-secret-farm"
published_at: "2026-06-07T15:29:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6a2542156d3ed_dxfgdgfb.jpg"
keywords: ["latest news", "Jayaram", "Mamootty"]
---

# 'മമ്മൂക്ക 15 വർഷമായി ചോദിക്കുന്നു, ഞാൻ സമ്മതിച്ചിട്ടില്ല!'; തന്റെ രഹസ്യ ഫാമിനെക്കുറിച്ച് മനസ്സ് തുറന്ന് ജയറാം

> **Lead Summary:** **[** മലയാളികളുടെയും തെന്നിന്ത്യൻ പ്രേക്ഷകരുടെയും പ്രിയനടൻ ജയറാം അഭിനയത്തിന് പുറമെ മികച്ചൊരു കർഷകനും താളവാദകനുമാണെന്നത് പരസ്യമായ കാര്യമാണ്. എന്നാൽ, കേരളത്തിലുള്ള തന്റെ ഫാമിനെക്കുറിച്ച് ജയറാം പറഞ്ഞ കാര്യങ്ങളാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. തന്റെ പുതിയ തമിഴ് ചിത്രമായ 'പരിമള ആൻഡ് കോ'യുടെ പ്രൊമോഷന്റെ ഭാഗമായിട്ടായിരുന്നു താരത്തിന്റെ പ്രതികരണം.

## Article Content

**[** മലയാളികളുടെയും തെന്നിന്ത്യൻ പ്രേക്ഷകരുടെയും പ്രിയനടൻ ജയറാം അഭിനയത്തിന് പുറമെ മികച്ചൊരു കർഷകനും താളവാദകനുമാണെന്നത് പരസ്യമായ കാര്യമാണ്. എന്നാൽ, കേരളത്തിലുള്ള തന്റെ ഫാമിനെക്കുറിച്ച് ജയറാം പറഞ്ഞ കാര്യങ്ങളാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. തന്റെ പുതിയ തമിഴ് ചിത്രമായ 'പരിമള ആൻഡ് കോ'യുടെ പ്രൊമോഷന്റെ ഭാഗമായിട്ടായിരുന്നു താരത്തിന്റെ പ്രതികരണം.

>  "ഒരു ദിവസം ഉണരുമ്പോൾ സിനിമ ഇല്ലെങ്കിൽ ജയറാം എന്ത് ചെയ്യും?"

> "രാവിലെ എണീക്കുമ്പോൾ സിനിമയില്ല, കോടമ്പാക്കമില്ല, ഒന്നുമില്ലെങ്കിൽ ഞാൻ നേരെ കേരളത്തിലെ എന്റെ ഫാമിലേക്ക് പോകും. ഒരുപാട് വർഷങ്ങളായി എനിക്കവിടെ കൃഷിയുണ്ട്. അത് ഞാൻ പുറമേക്ക് അധികം കാണിക്കാറില്ല, ഫോട്ടോ എടുക്കാറില്ല. ഇത്തരം കാര്യങ്ങളിൽ വലിയ താല്പര്യമുള്ള ആളാണ് മമ്മൂട്ടി സാർ. 'എന്നെ ഒരു തവണ അവിടെ കൊണ്ടുപോയി കാണിക്കാമോ' എന്ന് കഴിഞ്ഞ 15 വർഷമായി മമ്മൂക്ക എന്നോട് ചോദിക്കുന്നുണ്ട്. പക്ഷേ ഞാൻ സമ്മതിച്ചിട്ടില്ല. അത് എന്റെ വ്യക്തിപരമായ സന്തോഷമാണ്, ആരെയും കൊണ്ടുപോകില്ല."

 പുലർച്ചെ 3.30-ന് തുടങ്ങുന്ന ഫാം ജീവിതം കൃഷിക്കൊപ്പം കന്നുകാലി വളർത്തലുമുണ്ട് ജയറാമിന്റെ ഫാമിൽ. സിനിമയിൽ നിന്നുള്ള ഇടവേളകളിൽ താൻ പൂർണ്ണമായും അവിടെയാണ് സമയം ചെലവഴിക്കാറുള്ളതെന്ന് അദ്ദേഹം പറയുന്നു.

 സിനിമയിലാണെങ്കിൽ രാവിലെ 6 മണിക്കാണ് ദിവസം തുടങ്ങുന്നത്. എന്നാൽ ഫാമിൽ പുലർച്ചെ 3.30-ന് എഴുന്നേൽക്കും. പശുവിനെ കറക്കലോടെയാണ് തുടക്കം. അത് രാവിലെ 8 മണി വരെ നീളും. വൈകുന്നേരം വരെ ഫാമിലെ ജോലികളിൽ പൂർണ്ണമായും മുഴുകും.

കൃഷിയിലെ മികച്ച പ്രവർത്തനങ്ങൾക്ക് മൂന്ന് തവണ ജയറാമിന് പുരസ്കാരം ലഭിച്ചിട്ടുണ്ട്. 2005-ൽ മികച്ച പരിസ്ഥിതി സൗഹൃദ ഫാം, മികച്ച ഫാം എന്നിവയ്ക്കുള്ള അവാർഡും, 2022-ൽ മികച്ച കർഷകനുള്ള കേരള സംസ്ഥാന പുരസ്കാരവും അദ്ദേഹത്തിന് ലഭിച്ചു. തമിഴ്‌നാട്ടിൽ നിന്നുള്ളവരാണ് ഈ പുരസ്കാരങ്ങളുടെ പേരിൽ തന്നെ കൂടുതൽ അഭിനന്ദിച്ചതെന്നും ജയറാം ഓർക്കുന്നു. കൃഷി കഴിഞ്ഞും സമയം ലഭിക്കുകയാണെങ്കിൽ താൻ ചെണ്ട കൊട്ടാൻ പോകുമെന്നും ജയറാം ചിരിയോടെ കൂട്ടിച്ചേർത്തു.

### Related Links & Sources
- [Original Story Source](https://moviemax.in/news/364506/mammookka-has-been-asking-for-15-years-i-havent-agreed-jayaram-opens-up-about-his-secret-farm)