---
title: "'മരിക്കും മുൻപ് മമ്മൂക്കയ്‌ക്കൊപ്പം അഭിനയിക്കണം, ഒപ്പം ആ ഒരു ആഗ്രഹവും'; മനസ്സ് തുറന്ന് ദിവ്യ പ്രഭ"
english_title: "Divya Prabha opens up about her two biggest aspirations in cinema"
publisher: "moviemax.in"
canonical_url: "https://moviemax.in/news/364475/divya-prabha-opens-up-about-her-two-biggest-aspirations-in-cinema"
published_at: "2026-06-07T14:02:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6a252d8e78f1c_rfgdfgbv.jpg"
keywords: ["latest news", "Divya Prabha", "mamooty"]
---

# 'മരിക്കും മുൻപ് മമ്മൂക്കയ്‌ക്കൊപ്പം അഭിനയിക്കണം, ഒപ്പം ആ ഒരു ആഗ്രഹവും'; മനസ്സ് തുറന്ന് ദിവ്യ പ്രഭ

> **Lead Summary:** **[**കരിയറിന്റെ തുടക്കത്തിൽ ചെറിയ വേഷങ്ങളിലൂടെ വന്ന് ഇന്ന് മലയാള സിനിമയിൽ തന്റേതായ ഇടം കണ്ടെത്തിയ നടിയാണ് ദിവ്യ പ്രഭ. 'ടേക്ക് ഓഫ്', 'കമ്മാരസംഭവം', 'തമാശ', 'മാലിക്' എന്നീ ചിത്രങ്ങളിലെ പ്രകടനം ശ്രദ്ധിക്കപ്പെട്ടിരുന്നെങ്കിലും മഹേഷ് നാരായണൻ സംവിധാനം ചെയ്ത 'അറിയിപ്പ്' എന്ന ചിത്രത്തിലെ രശ്മി എന്ന കഥാപാത്രമാണ് ദിവ്യയുടെ കരിയർ മാറ്റിയെഴുതിയത്. ഈ ചിത്രത്തിലൂടെ അന്താരാഷ്ട്ര തലത്തിൽ ലൊക്കാർണോ ഫിലിം ഫെസ്റ്റിവലിൽ മികച്ച നടിക്കുള്ള നോമിനേഷനും താരം സ്വന്തമാക്കിയിരുന്നു. കാനിൽ തിളങ്ങിയ 'ഓൾ വി ഇമാജിൻ അസ് ലൈറ്റ്' എന്ന ചിത്രത്തിലും ദിവ്യ പ്രധാന വേഷത്തിലെത്തി.

## Article Content

**[**കരിയറിന്റെ തുടക്കത്തിൽ ചെറിയ വേഷങ്ങളിലൂടെ വന്ന് ഇന്ന് മലയാള സിനിമയിൽ തന്റേതായ ഇടം കണ്ടെത്തിയ നടിയാണ് ദിവ്യ പ്രഭ. 'ടേക്ക് ഓഫ്', 'കമ്മാരസംഭവം', 'തമാശ', 'മാലിക്' എന്നീ ചിത്രങ്ങളിലെ പ്രകടനം ശ്രദ്ധിക്കപ്പെട്ടിരുന്നെങ്കിലും മഹേഷ് നാരായണൻ സംവിധാനം ചെയ്ത 'അറിയിപ്പ്' എന്ന ചിത്രത്തിലെ രശ്മി എന്ന കഥാപാത്രമാണ് ദിവ്യയുടെ കരിയർ മാറ്റിയെഴുതിയത്. ഈ ചിത്രത്തിലൂടെ അന്താരാഷ്ട്ര തലത്തിൽ ലൊക്കാർണോ ഫിലിം ഫെസ്റ്റിവലിൽ മികച്ച നടിക്കുള്ള നോമിനേഷനും താരം സ്വന്തമാക്കിയിരുന്നു. കാനിൽ തിളങ്ങിയ 'ഓൾ വി ഇമാജിൻ അസ് ലൈറ്റ്' എന്ന ചിത്രത്തിലും ദിവ്യ പ്രധാന വേഷത്തിലെത്തി.

ഇപ്പോഴിതാ സിനിമയിലെ തന്റെ വലിയ രണ്ട് ആഗ്രഹങ്ങളെക്കുറിച്ച് മനസ്സ് തുറക്കുകയാണ് ദിവ്യ പ്രഭ. '

> "ഇനി കരിയറിൽ എനിക്ക് പ്രധാനമായും രണ്ട് ആഗ്രഹങ്ങളാണുള്ളത്. ഒന്ന്, ഞാൻ മരിക്കുന്നതിനു മുൻപ് മമ്മൂക്കയ്ക്കൊപ്പം അഭിനയിക്കണം. രണ്ട്, ഞാൻ പ്രധാന 'ക്രൗഡ് പുള്ളർ'  ആകുന്ന തരത്തിലുള്ള, പ്രാധാന്യമുള്ള റോളിൽ ഒരു മാസ്സ് കമേഴ്‌സ്യൽ സിനിമയിൽ അഭിനയിക്കണം."

> "അറിയിപ്പ് എന്ന സിനിമ കണ്ട് മുംബൈയിൽ വെച്ച് എന്നെ നേരിൽ കണ്ടപ്പോൾ, 'ഞാൻ സിനിമയിൽ കണ്ട ആളാണോ ഇത് എന്ന് തോന്നുന്നേയില്ല, കുറച്ചുകൂടി കുട്ടിത്തമുണ്ടല്ലോ' എന്നാണ് സംവിധായിക പായൽ കപാഡിയ പറഞ്ഞത്. ഓഡിഷനിൽ കനി കുസൃതി ചെയ്ത കഥാപാത്രമായിരുന്നു ആദ്യം എനിക്ക് വേണ്ടി കരുതിയിരുന്നത്.

> പിന്നീട് പായൽ അത് മാറ്റി എനിക്ക് ഇപ്പോഴത്തെ വേഷം തരികയായിരുന്നു. കാനിലെ (Cannes) ഓരോ നിമിഷവും ഇന്നും കൺമുന്നിലുണ്ട്." താൻ മനസ്സ് കൊണ്ട് എപ്പോഴും മുന്നോട്ട് മാത്രം ചിന്തിക്കുന്ന ആളാണെന്നും പഴയ കാര്യങ്ങൾ അധികം മനസ്സിൽ വെച്ചുകൊണ്ടിരിക്കാറില്ലെന്നും ദിവ്യ പ്രഭ കൂട്ടിച്ചേർത്തു.

### Related Links & Sources
- [Original Story Source](https://moviemax.in/news/364475/divya-prabha-opens-up-about-her-two-biggest-aspirations-in-cinema)