കോട്ടയം : ( www.truevisionnews.com) കോട്ടയത്തിന് പിന്നാലെ പാലായിലും കെ സി വേണുഗോപാലിനായി ഫ്ളക്സ്. പാലാ മുൻസിപ്പൽ സ്റ്റേഡിയം, പഴയ ബസ് സ്റ്റാൻഡ്, കൊട്ടാരമറ്റം സ്റ്റാൻഡ് എന്നിവിടങ്ങളിലാണ് ഫ്ളക്സ് ഉയർന്നത്. കേരളം കെ സി നയിക്കട്ടെയെന്നും അശ്വമേധം നയിക്കാൻ കെ സി വരുന്നുവെന്നുമാണ് ഫ്ളക്സിൽ കുറിച്ചിരിക്കുന്നത്.
ഇന്നലെ കോട്ടയം നഗരത്തിലും ഇന്ന് ഡല്ഹിയിലും തിരുവനന്തപുരത്തും കെ സി വേണുഗോപാലിനായി ഫ്ളക്സ് ഉയർന്നിരുന്നു. ഡല്ഹി കേരള ഹൗസിന് മുന്നിലും കെപിസിസി ആസ്ഥാനമായ ഇന്ദിരാഭവന് മുന്നിലുമാണ് ഫ്ളക്സ് പ്രത്യക്ഷപ്പെട്ടത്.
ഇന്ത്യന് നാഷണല് കോണ്ഗ്രസിന്റെയും എന്ജിഒ അസോസിയേഷന്റെയും യൂത്ത് കോണ്ഗ്രസിന്റെയും പേരിലാണ് ഫ്ളക്സുകൾ. 'നയിച്ചവന് നായകന്, The Real Leader' എന്നാണ് ഫ്ലക്സില് കുറിച്ചിരിക്കുന്നത്.
After Kottayam, KC Venugopal is also flexing in Pala
