---
title: "'അറിയാത്തവർക്ക് വില്ലൻ, കൂടെയുള്ളവർക്ക് രസികൻ'; സന്തോഷ് നായർക്ക് ആദരാഞ്ജലി അർപ്പിച്ച് സുരാജ് വെഞ്ഞാറമൂട്"
english_title: "Suraj Venjaramoodu pays tribute to late actor Santosh Nair"
publisher: "moviemax.in"
canonical_url: "https://moviemax.in/news/357453/suraj-venjaramoodu-pays-tribute-to-late-actor-santosh-nair"
published_at: "2026-05-05T13:56:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69f9ab51a5760_WhatsApp_Image_2026-05-05_at_2.02.08_PM.jpeg"
keywords: []
---

# 'അറിയാത്തവർക്ക് വില്ലൻ, കൂടെയുള്ളവർക്ക് രസികൻ'; സന്തോഷ് നായർക്ക് ആദരാഞ്ജലി അർപ്പിച്ച് സുരാജ് വെഞ്ഞാറമൂട്

> **Lead Summary:** ** വാ**ഹനാപകടത്തില്‍ അന്തരിച്ച നടന്‍ സന്തോഷ് നായര്‍ക്ക് ആദരാഞ്ജലികള്‍ അര്‍പ്പിച്ച് സുരാജ് വെഞ്ഞാറമൂട്. എല്ലാവരെയും പൊട്ടിച്ചിരിപ്പിക്കുന്ന രസികനായ ഒരാളാണ് സന്തോഷ് നായരെന്നും വിയോഗ വാര്‍ത്ത ഒരുപാട് വേദനിപ്പിച്ചുവെന്നും സുരാജ് സോഷ്യല്‍ മീഡിയയില്‍ കുറിച്ചു.

## Article Content

** വാ**ഹനാപകടത്തില്‍ അന്തരിച്ച നടന്‍ സന്തോഷ് നായര്‍ക്ക് ആദരാഞ്ജലികള്‍ അര്‍പ്പിച്ച് സുരാജ് വെഞ്ഞാറമൂട്. എല്ലാവരെയും പൊട്ടിച്ചിരിപ്പിക്കുന്ന രസികനായ ഒരാളാണ് സന്തോഷ് നായരെന്നും വിയോഗ വാര്‍ത്ത ഒരുപാട് വേദനിപ്പിച്ചുവെന്നും സുരാജ് സോഷ്യല്‍ മീഡിയയില്‍ കുറിച്ചു.

***'രാവിലെ എഴുന്നേല്‍ക്കുമ്പോള്‍ കേള്‍ക്കുന്നത് ഒരുപാട് വേദന തരുന്ന സന്തോഷ് അണ്ണന്റെ വിയോഗവര്‍ത്തയാണ്…ഞാന്‍ സിനിമയില്‍ വരുന്ന കാലത്തൊക്കെ അദ്ദേഹം വില്ലന്‍ വേഷങ്ങളില്‍ തിളങ്ങി നില്കുകയായിരുന്നു…***

***കൂടെ അഭിനയിച്ചു തുടങ്ങിയപ്പോള്‍ ആണ് ഇത്രയും രസികന്‍ ആയ ഒരാള്‍ ആയിരുന്നോ ഇദ്ദേഹമെന്നു അത്ഭുതം തോന്നിയത്..എപ്പോഴും എന്തെങ്കിലും ഒക്കെ പറഞ്ഞു ചിരിപ്പിച്ചു കൊണ്ടേയിരിക്കും…***

***അവസാനം മോഹിനിയാട്ടമാണ് ഒരുമിച്ച് ചെയ്ത സിനിമ…ആ സിനിമയുടെ സെറ്റിലും അദ്ദേഹത്തിന്റെ ഒപ്പം പങ്കിട്ട നിമിഷങ്ങള്‍ എല്ലാം പൊട്ടിച്ചിരികളുടേതായിരുന്നു…അത്യധികം വേദനയോടെ വിട'- ***സുരാജ് കുറിച്ചു.

നൂറിലധികം സിനിമകളില്‍ അഭിനയിച്ചിട്ടുള്ള സന്തോഷ് നായരുടേതായി പുറത്തിറങ്ങിയ അവസാന ചിത്രം മോഹിനിയാട്ടമാണ്. 1982 ല്‍ പി ജി വിശ്വംഭരന്‍ സംവിധാനം ചെയ്ത 'ഇതു ഞങ്ങളുടെ കഥ' എന്ന സിനിമയിലൂടെയാണ് സന്തോഷ് അഭിനയരംഗത്തേക്കെത്തുന്നത്.

'ഏപ്രില്‍ 18', 'ഇവിടെ തുടങ്ങുന്നു' എന്നീ സിനിമകളിലെ വില്ലന്‍ വേഷങ്ങള്‍ ശ്രദ്ധിക്കപ്പെട്ടതൊടെ തിരക്കുള്ള നടനായി മാറുകയായിരുന്നു. 1985 ല്‍ പതിനെട്ടോളം സിനിമകളില്‍ സന്തോഷ് അഭിനയിച്ചു. മിക്കതും വില്ലന്‍ വേഷങ്ങളായിരുന്നു. കൊതി തീരും വരെ, ഇത് നല്ല തമാശ എന്ന സിനിമകളിലെ നായകവേഷങ്ങളും ഇതിനിടയില്‍ ചെയ്തു.

### Related Links & Sources
- [Original Story Source](https://moviemax.in/news/357453/suraj-venjaramoodu-pays-tribute-to-late-actor-santosh-nair)