---
title: "ആവേശം അതിരുവിട്ടു; രാഗം തിയേറ്ററിൽ ഇനി ഫാൻസ് ഷോകളില്ല"
english_title: "No more fan shows at Ragam Theater"
publisher: "moviemax.in"
canonical_url: "https://moviemax.in/news/357560/no-more-fan-shows-at-ragam-theater"
published_at: "2026-05-06T07:48:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69faa52106077_ragam.jpg"
keywords: []
---

# ആവേശം അതിരുവിട്ടു; രാഗം തിയേറ്ററിൽ ഇനി ഫാൻസ് ഷോകളില്ല

> **Lead Summary:** ** കേ**രളത്തിലെ തിയേറ്ററുകളില്‍ ഫാൻ ഷോകൾ നടത്തുന്ന തിയേറ്ററുകളുടെ പട്ടികയിൽ പ്രധാന കേന്ദ്രങ്ങളിലൊന്നാണ് തൃശ്ശൂരിലെ രാഗം തിയേറ്റര്‍.

## Article Content

** കേ**രളത്തിലെ തിയേറ്ററുകളില്‍ ഫാൻ ഷോകൾ നടത്തുന്ന തിയേറ്ററുകളുടെ പട്ടികയിൽ പ്രധാന കേന്ദ്രങ്ങളിലൊന്നാണ് തൃശ്ശൂരിലെ രാഗം തിയേറ്റര്‍.

എന്നാല്‍ ഇനിമുതല്‍ ഫാന്‍സ് ഷോകള്‍ രാഗം തിയേറ്ററില്‍ നടത്തില്ല. ആരാധകർ അതിരുവിടുന്നതാണ് പ്രധാന കാരണം. സോഷ്യൽ മീഡിയയിൽ ഈ വാർത്ത വ്യാപകമായി പ്രചരിക്കുന്നുണ്ട്. രാഗത്തില്‍ ഫാന്‍സ് ഷോകള്‍ നിര്‍ത്തിവെക്കുമ്പോള്‍ ഈ ഷോകളില്‍ ലഭിച്ചിരുന്ന ആവേശം ഇനി ലഭിക്കില്ലെന്ന നിരാശയിലാണ് ആരാധകര്‍.

ഫാന്‍സ് ഷോകളില്‍ അതിര്‍ വരമ്പ് കടക്കുന്നത് പതിവായതിനാല്‍ ഇത്തരം ഷോകള്‍ ഇനിമുതല്‍ ഉണ്ടായിരിക്കില്ലെന്നാണ് ഫേസ്ബുക്ക് വഴി രാഗം തിയേറ്റര്‍ നടത്തിപ്പുകാര്‍ അറിയിച്ചിരിക്കുന്നത്.

ഫാന്‍സ് ഷോയ്ക്ക് മുമ്പ് ആരാധകരുടെ ഭാഗത്ത് നിന്നുണ്ടാകുന്ന ആവേശപ്രകടനത്തിന്റെ ഭാഗമായി തിയേറ്ററിന് സമീപത്തെ കടക്കാര്‍ക്കും മറ്റ് സ്ഥാപനങ്ങളിലുള്ളവര്‍ക്കും നേരിടേണ്ടി വരുന്ന ബുദ്ധിമുട്ടുകളെ തുടര്‍ന്നാണ് നടപടിയെന്നാണ് പുറത്തുവരുന്ന വിവരം.

### Related Links & Sources
- [Original Story Source](https://moviemax.in/news/357560/no-more-fan-shows-at-ragam-theater)