മണ്ണഞ്ചേരി: (https://truevisionnews.com/) മണ്ണഞ്ചേരി അമ്പലമുക്ക് ജംഗ്ഷനിലുണ്ടായ വാഹനാപകടത്തിൽ കലവൂരിലെ ആധാരമെഴുത്തുകാരി മരിച്ചു. മാരാരിക്കുളം സബ് രജിസ്ട്രാർ ഓഫീസിന് സമീപം ആധാരമെഴുത്തുകാരിയും വെണ്ടറുമായി ജോലി ചെയ്തിരുന്ന എസ്. ലളിത (61) ആണ് മരിച്ചത്. മാരാരിക്കുളം വടക്ക് പഞ്ചായത്ത് 11-ാം വാർഡിൽ എസ്.എൽ. പുരം 'ചിത്രശാല'യിലെ താമസക്കാരിയാണ് ലളിത.
കലവൂരിലെ ഓഫീസിൽ നിന്നും ബുധൻ ഉച്ചയോടെ പ്ലസ് ടു വിദ്യാർത്ഥിയായ മകൻ്റെ തണ്ണീർമുക്കത്തെ സ്കൂളിലേക്കുള്ള യാത്രയിൽ ലളിത സഞ്ചരിച്ചിരുന്ന ഓട്ടോ റിക്ഷയിലേക്ക് മണ്ണഞ്ചേരി - അമ്പലമുക്ക് ജംഗ്ഷനിൽ വടക്കുനിന്നും വന്ന ഇരുചക്ര വാഹനം ഇടിക്കുകയായിരുന്നു.
മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടം നടപടികൾക്ക് ശേഷം സംസ്കാരം നാളെ വീട്ടു വളപ്പിൽ നടക്കും. ഭർത്താവ്: പരേതനായ ശാന്തകുമാർ. മക്കൾ: ചിത്ര, ശ്യാം. മരുമകൻ: ഷാൻ
accident in Mannancherry; Document writer dies tragically
