വിശ്വാസവഞ്ചനയുടെ ഏറ്റവും വലിയ ആഘാതം നേരിട്ട 'ഹൃദയം' സിനിമയിലെ ദർശന പ്രേക്ഷകരുടെ മനസ്സിൽപ്പതിഞ്ഞ് കഴിഞ്ഞു. തെറ്റിധാരണയും കൂടി ചേർന്നപ്പോൾ കാമുകൻ അരുണുമായുള്ള ബന്ധത്തിൽ നികത്താനാകാത്ത വിള്ളൽ വീഴ്ത്തിയാണ് ആ ബന്ധം അവസാനിച്ചത്. എന്നാലിപ്പോൾ ഏകദേശം സമാനതകളുള്ള ഒരു മാനസികാവസ്ഥയിലൂടെ കടന്നുപോയ യുവതിയുടെ ജീവിതത്തിൽ നിന്നുള്ള ഉദാഹരണം വാർത്തയായിരിക്കുകയാണ്.
ദൗർഭാഗ്യവശാൽ, ഏറ്റവും ശക്തമായ ബന്ധങ്ങളിൽ സ്വയം വിശ്വസിക്കുന്നവർ പോലും അവിശ്വാസത്തിന്റെ പേരിൽ ഉലഞ്ഞുപോയേക്കാം. വിവാഹദിനത്തിനായി ആവേശത്തോടെ തയ്യാറെടുക്കുമ്പോൾ, ഒരു വധു തന്റെ സുഹൃത്തിനോട് ഒരു പന്തയം വെച്ചു, പ്രലോഭനങ്ങൾ നേരിടേണ്ടിവരുമ്പോൾ പോലും, തന്റെ ഭാവിവരൻ തന്നോടു മാത്രം നീതിപുലർത്തും എന്നായിരുന്നു അത്.
വിവാഹദിവസത്തിന് ആഴ്ചകൾക്ക് മുമ്പ്, തന്റെ ഭാവി ഭർത്താവിന് തന്നെക്കൂടാതെ മറ്റാരിലെങ്കിലും ഭ്രമം തോന്നുമോ എന്ന് പരിശോധിക്കാൻ അവൾ ഗ്ലാമറസ് സുന്ദരിയായ ഇൻസ്റ്റഗ്രാം ഇൻഫ്ലുവെൻസർ ലിഡിയ ലൂയിസയെ നിയമിച്ചു. നിർഭാഗ്യവശാൽ, കാര്യങ്ങൾ അവസാനിച്ചതും അവർക്കു നിരാശയാണ് ഉണ്ടായത്.
TikTok വഴി ലിഡിയ അടുത്തിടെ വിശദീകരിച്ചതുപോലെ, പേര് വെളിപ്പെടുത്താത്ത ബ്രസീലിയൻ വധു തന്റെ സുഹൃത്തായ ലൂയിസയയെ അഭിമുഖീകരിക്കുമ്പോൾ പോലും തന്റെ പ്രതിശ്രുത വരൻ വഴിതെറ്റില്ലെന്ന് വാതുവെച്ചിരുന്നു. ഖേദകരമെന്നു പറയട്ടെ, ഇത് യുവതി തോൽക്കുന്നതിൽ അവസാനിക്കുന്ന ഒരു പന്തയമായി മാറി.
ശ്രദ്ധ പിടിച്ചുപറ്റാൻ, ലിഡിയ ഇൻസ്റ്റഗ്രാമിൽ പ്രതിശ്രുത വരനെ പിന്തുടരാൻ തുടങ്ങി. അവന്റെ കുറച്ച് ഫോട്ടോകൾ ലൈക്ക് ചെയ്തു. അധികം താമസിയാതെ അയാൾ ഒരു സ്വകാര്യ സന്ദേശത്തിലൂടെ ലിഡിയയോട് പ്രതികരിച്ചു.
അവരുടെ സംഭാഷണത്തിനിടയിൽ, അവൻ ഇപ്പോൾ ആരുമായും ഡേറ്റിംഗ് നടത്തുന്നുണ്ടോ ഇല്ലയോ എന്ന് ലിഡിയ ആരാഞ്ഞു. കുറച്ച് ആഴ്‌ചകൾക്കുള്ളിൽ അവൻ വിവാഹിതനാവാൻ പോകുന്നുവെന്ന് ലിഡിയക്ക് നന്നായി അറിയാമായിരുന്നു. എന്നാൽ തീർത്തും ലാഘവത്തോടെ 'ഇല്ല' എന്ന് മറുപടി നൽകി! ആ മനുഷ്യൻ അവളുമായി ഒരു മീറ്റ് അപ്പ് ക്രമീകരിക്കാൻ ശ്രമിക്കുകയും ചെയ്തു.
വിവാഹവുമായി മുന്നോട്ടു പോവുകയാണോ, അതോ അവരുടെ ബന്ധം പൂർണ്ണമായും ഉപേക്ഷിച്ചോ ഇല്ലയോ എന്നത് വ്യക്തമല്ലെങ്കിലും, ബന്ധം മുന്നോട്ടു കൊണ്ടുപോയാൽ യുവതിക്ക് അയാളോട് അതേ വിശ്വാസം ഉണ്ടായിരിക്കാൻ സാധ്യതയില്ല.
#woman #hires #young #blonde #test #fidelity #her #fiance #gets #shocked
.jpeg)
