---
title: "'ഞാനെപ്പോഴാടോ തന്നെ ഉപേക്ഷിച്ചത്?'; ഡിവോഴ്സ് വാർത്തകൾക്ക് പിന്നിലെ സത്യാവസ്ഥ വെളിപ്പെടുത്തി ഭഗത്"
english_title: "Bhagat reveals the truth behind the divorce news"
publisher: "moviemax.in"
canonical_url: "https://moviemax.in/news/347637/bhagat-reveals-the-truth-behind-the-divorce-news-new"
published_at: "2026-03-14T12:33:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69b50a78c946a_Bhagat_reveals_the_truth_behind_the_divorce_news.jpg"
keywords: []
---

# 'ഞാനെപ്പോഴാടോ തന്നെ ഉപേക്ഷിച്ചത്?'; ഡിവോഴ്സ് വാർത്തകൾക്ക് പിന്നിലെ സത്യാവസ്ഥ വെളിപ്പെടുത്തി ഭഗത്

> **Lead Summary:** മലയാളി സിനിമാ പ്രേമികൾക്ക് ഏറെ സുപരിചിതനായ നടൻ ഭഗത് മാനുവൽ വീണ്ടും വെള്ളിത്തിരയിൽ സജീവമാകുന്നു. വിനീത് ശ്രീനിവാസൻ സംവിധാനം ചെയ്ത 'മലർവാടി ആർട്സ് ക്ലബ്ബ്' എന്ന ചിത്രത്തിലൂടെ അരങ്ങേറ്റം കുറിച്ച ഭഗത്, പിന്നീട് ശ്രദ്ധേയമായ നിരവധി കഥാപാത്രങ്ങളെ അവതരിപ്പിച്ചിട്ടുണ്ട്. മിഥുൻ മാനുവൽ തോമസ് സംവിധാനം ചെയ്യുന്ന 'ആട് 3' ആണ് താരത്തിന്റേതായി ഇനി പുറത്തിറങ്ങാനിരിക്കുന്ന ഏറ്റവും വലിയ പ്രോജക്റ്റ്.

## Article Content

മലയാളി സിനിമാ പ്രേമികൾക്ക് ഏറെ സുപരിചിതനായ നടൻ ഭഗത് മാനുവൽ വീണ്ടും വെള്ളിത്തിരയിൽ സജീവമാകുന്നു. വിനീത് ശ്രീനിവാസൻ സംവിധാനം ചെയ്ത 'മലർവാടി ആർട്സ് ക്ലബ്ബ്' എന്ന ചിത്രത്തിലൂടെ അരങ്ങേറ്റം കുറിച്ച ഭഗത്, പിന്നീട് ശ്രദ്ധേയമായ നിരവധി കഥാപാത്രങ്ങളെ അവതരിപ്പിച്ചിട്ടുണ്ട്. മിഥുൻ മാനുവൽ തോമസ് സംവിധാനം ചെയ്യുന്ന 'ആട് 3' ആണ് താരത്തിന്റേതായി ഇനി പുറത്തിറങ്ങാനിരിക്കുന്ന ഏറ്റവും വലിയ പ്രോജക്റ്റ്.

ആട് പരമ്പരയിലെ ഭഗത്തിന്റെ പ്രിയപ്പെട്ട കഥാപാത്രമായ കൃഷ്ണൻ മന്ദാരം വീണ്ടും എത്തുമ്പോൾ വലിയ പ്രതീക്ഷയിലാണ് ആരാധകർ. മാർച്ച് 19-ന് ചിത്രം തിയേറ്ററുകളിൽ പ്രദർശനത്തിനെത്തും. ഷാജി പാപ്പനും സംഘവും നടത്തുന്ന പുതിയ സാഹസങ്ങളിൽ മന്ദാരവും സുപ്രധാന പങ്കുവഹിക്കുന്നുണ്ടെന്നാണ് സൂചനകൾ.

ഇതിനിടെ ഭ​ഗത് മാനുവൽ തന്റെ ഡിവോഴ്സിനെ കുറിച്ച് പറഞ്ഞ കാര്യങ്ങൾ ഏറെ ശ്രദ്ധനേടിയിരുന്നു. തന്റെ ആദ്യത്തെ വിവാഹത്തെ കുറിച്ചായിരുന്നു ഭ​ഗത് ഇത് പറഞ്ഞത്. എന്നാൽ നിലവിലുള്ള ഭാര്യയുടേയും കുട്ടികളുടെയും ഫോട്ടോകൾ വച്ചാണ് പലരും വാർത്തകൾ കൊടുത്തത് എന്ന് ഭ​ഗത് പറയുന്നു. 'ഞാനെപ്പോഴാടോ തന്നെ ഉപേക്ഷിച്ചത്' എന്നാണ് ഭാര്യ ഷെലിൻ ചെറിയാൻ ചോദിച്ചതെന്നും ഭ​ഗത് പറയുന്നുണ്ട്. ദി നെക്സ്റ്റ് 14 മിനിറ്റിനോട് ആയിരുന്നു നടന്റെ പ്രതികരണം.

> "ആ അഭിമുഖത്തിന് താഴെ വന്ന കമന്റ്സ് കണ്ടപ്പോഴാണ് ഇത്രയും ആൾക്കാർ എന്നെ സ്നേഹിക്കുന്നുണ്ടെന്ന് മനസിലായത്. ഞാൻ നശിച്ച് പോകരുതെന്ന് ആ​ഗ്രഹിക്കുന്ന ഒരു കൂട്ടം ആളുകൾ ഇന്നും ഉണ്ട്. സത്യം പറഞ്ഞാൽ നന്ദിയുണ്ട കേട്ടോ. ആ കമന്റുകൾ വായിക്കുമ്പോൾ ഭയങ്കര ബലമാണ്. അതിനിടയ്ക്ക് വേറെ കമന്റുകളും ഉണ്ട്. ?താർത്ഥത്തിൽ സംഭവം എന്താണെന്ന് അറിയോ ? ഞാനെന്റെ ആദ്യത്തെ ജീവിതത്തെ കുറിച്ച് സംസാരിച്ചതാണ്. ഞാൻ കുറച്ച് ഇമോഷണലായിരുന്നു.

> അതിന്റെ പേരിൽ അവിടെന്ന് ഇവിടെന്നൊക്കെ കട്ട് ചെയ്ത് എന്റെ മക്കളുടേയും ഭാര്യയുടേയും ഫോട്ടോകൾ വച്ച് വാർത്തയിറക്കി. ഡിവോഴ്സായി, ഇവന് ഇത് തന്നെ വേണം എന്നൊക്കെ പറഞ്ഞവരുണ്ട്. ഇതൊക്കെ കഴിഞ്ഞിട്ട് ഭാര്യ എനിക്കൊരു സാധനം അയച്ചു തന്നു. ഞാനെപ്പോഴാടോ തന്നെ ഉപേക്ഷിച്ച് പോയത് ? എന്നാണ് അവൾ ചോദിച്ചത്. ഞാൻ പറഞ്ഞു അത് പഴയതാണെന്ന്. ദൈവത്തെ ഓർത്ത് പിള്ളേരുടെ ഫോട്ടോ വച്ചുള്ള പരിപാടി നിർത്തണം", എന്നായിരുന്നു ഭ​ഗത് മാനുവൽ പറഞ്ഞത്.

### Related Links & Sources
- [Original Story Source](https://moviemax.in/news/347637/bhagat-reveals-the-truth-behind-the-divorce-news-new)