#Palakkad Crime #Minor Assault #Exorcism #Kerala Crime News #POCSO Case
മലപ്പുറം: ( https://truevisionnews.com/) പ്രേതബാധ ഒഴിപ്പിക്കലിന്റെ പേരിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ മലപ്പുറം സ്വദേശി പിടിയിൽ. മലപ്പുറം പൂക്കോട്ടൂർ വാഴയിൽ വീട്ടിൽ എം.സിറാജ് (55) ആണ് പാലക്കാട് ചിറ്റൂരിൽ വെച്ച് പൊലീസിന്റെ പിടിയിലായത്.
ഫാം നോക്കിനടത്താനെന്ന വ്യാജേന ചിറ്റൂരിൽ എത്തി പെൺകുട്ടിയുടെ കുടുംബവുമായി അടുപ്പം സ്ഥാപിച്ചാണ് ഇയാൾ തട്ടിപ്പും ക്രൂരതയും അരങ്ങേറിയത്. കുട്ടിക്ക് കടുത്ത പ്രേതബാധയുണ്ടെന്നും ഇത് ഉടൻ ഒഴിപ്പിച്ചില്ലെങ്കിൽ കുടുംബത്തിന് വലിയ ആപത്ത് വരുമെന്നും പറഞ്ഞ് കുടുംബത്തെ ഭയപ്പെടുത്തി വശത്താക്കുകയായിരുന്നു.
ഈ അന്ധവിശ്വാസത്തിന്റെ മറവിലാണ് 16 വയസ്സുകാരിയെ ഇയാൾ ക്രൂരമായ ചൂഷണത്തിന് ഇരയാക്കിയത്. ഇതിന്റെ മറവിലാണ് പെൺകുട്ടിയെ നിരന്തരം പീഡനത്തിനിരയാക്കിയത്. സംഭവത്തിൽ കുടുംബം നൽകിയ പരാതിയുടെ അടിസ്ഥാനത്തിൽ ചിറ്റൂർ പോലീസ് പ്രതിയെ വളരെ പെട്ടെന്ന് തന്നെ പിടികൂടുകയായിരുന്നു.
പ്രതിയെ ചോദ്യം ചെയ്തുവരികയാണെന്നും ഇയാൾ സമാനമായ രീതിയിൽ മറ്റ് തട്ടിപ്പുകൾ നടത്തിയിട്ടുണ്ടോ എന്ന് പരിശോധിക്കാൻ അന്വേഷണം ഊർജ്ജിതമാക്കിയിട്ടുണ്ടെന്നും പോലീസ് അറിയിച്ചു.
പ്രായപൂർത്തിയാകാത്ത കുട്ടികൾക്കെതിരായ ലൈംഗികാക്രമണങ്ങൾക്കും പീഡനങ്ങൾക്കുമെതിരെ ഇന്ത്യയിൽ അതിശക്തമായ നിയമനടടികളും കടുത്ത ശിക്ഷാവിധികളുമാണ് നിലവിലുള്ളത്.
കഠിനതടവ്: കുറ്റകൃത്യത്തിന്റെ ഗൗരവമനുസരിച്ച് കുറഞ്ഞത് 10 വർഷം മുതൽ ജീവപര്യന്തം വരെ കഠിനതടവ് ലഭിക്കാം. ചില പ്രത്യേക സാഹചര്യങ്ങളിൽ (ഉദാഹരണത്തിന് കുട്ടികളുടെ പ്രായം അല്ലെങ്കിൽ കുറ്റകൃത്യത്തിന്റെ സ്വഭാവം അനുസരിച്ച്) ജീവപര്യന്തം എന്നാൽ കുറ്റവാളിയുടെ സ്വാഭാവിക ജീവിതകാലം മുഴുവൻ ജയിലിൽ കഴിയുന്ന തരത്തിലുള്ള കടുത്ത ശിക്ഷയും ലഭിക്കാറുണ്ട്.
പിഴയീടാക്കൽ: തടവിനു പുറമെ കോടതി ഉയർന്ന തുക പിഴയായും വിധിക്കും. ഈ തുക ഇരയായ കുട്ടിക്ക് നഷ്ടപരിഹാരമായി നൽകാൻ നിയമത്തിൽ വ്യവസ്ഥയുണ്ട്.
ഭാരതീയ ന്യായ സംഹിത (BNS) / IPC വകുപ്പുകൾ: പോക്സോ നിയമത്തിന് പുറമെ തട്ടിക്കൊണ്ടുപോകൽ, ഭീഷപ്പെടുത്തൽ, വിശ്വാസവഞ്ചന തുടങ്ങിയ കുറ്റങ്ങൾക്കായി BNS പ്രകാരമുള്ള മറ്റ് തടവുശിക്ഷകളും ഒന്നിച്ച് അനുഭവിക്കേണ്ടി വരും.
Content Highlight: Man Arrested in Palakkad for Sexually Assaulting Minor Girl Under Pretext of Exorcism
#Palakkad Crime #Minor Assault #Exorcism #Kerala Crime News #POCSO Case
