തിരുവനന്തപുരം:( www.truevisionnews.com ) വരാനിരിക്കുന്ന വോട്ടെടുപ്പിനും വിഷുവിനും മുന്നോടിയായി സംസ്ഥാനത്ത് ക്ഷേമ പെൻഷൻ വിതരണം വേഗത്തിലാക്കാൻ സർക്കാർ നടപടി തുടങ്ങി. മാർച്ചിലെ പെൻഷൻ തുക ഈ മാസം 25 മുതൽ വിതരണം ചെയ്യും.
ഏപ്രിൽ മാസത്തെ പെൻഷൻ മാർച്ച് 31 മുതൽ ഗുണഭോക്താക്കളിലേക്ക് എത്തിക്കാനാണ് ലക്ഷ്യമിടുന്നത്. പ്രതിമാസം 2,000 രൂപ വീതം ഏകദേശം 62 ലക്ഷം പേർക്കാണ് ഈ ആനുകൂല്യം ലഭിക്കുക. ഇതിൽ 26.62 ലക്ഷം പേർക്ക് ബാങ്ക് അക്കൗണ്ടുകൾ വഴിയും ബാക്കിയുള്ളവർക്ക് സഹകരണ ബാങ്കുകൾ വഴി നേരിട്ടും തുക കൈമാറും.മുൻ സർക്കാരുകളുടെ കാലത്തെക്കാൾ പെൻഷൻ തുക വർദ്ധിപ്പിച്ചതും വിതരണം ചെയ്ത ആകെ തുകയിലെ വർദ്ധനവും സർക്കാർ ഈ ഘട്ടത്തിൽ എടുത്തുപറയുന്നുണ്ട്.
Welfare pension distribution to start from 25th; April pension distribution to continue on 31st
