---
title: "'അപ്പൂപ്പന്റെ അതേ വാശിയാണ് എനിക്ക്;' വർഷങ്ങൾ നീണ്ട പിണക്കത്തെക്കുറിച്ച് രഞ്ജിനി ഹരിദാസ്"
english_title: "Ranjini Haridas on the years-long feud"
publisher: "moviemax.in"
canonical_url: "https://moviemax.in/news/348946/ranjini-haridas-on-the-years-long-feud"
published_at: "2026-03-21T13:22:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69be4edaea9e4_7.jpg"
keywords: []
---

# 'അപ്പൂപ്പന്റെ അതേ വാശിയാണ് എനിക്ക്;' വർഷങ്ങൾ നീണ്ട പിണക്കത്തെക്കുറിച്ച് രഞ്ജിനി ഹരിദാസ്

> **Lead Summary:** **[** മലയാളികൾക്ക് എന്നും പ്രിയങ്കരിയായ അവതാരക രഞ്ജിനി ഹരിദാസ് തന്റെ യൂട്യൂബ് ചാനലിലൂടെ പങ്കുവെച്ച കുടുംബവിശേഷങ്ങളാണ് ഇപ്പോൾ ശ്രദ്ധേയമാകുന്നത്. അമ്മയ്ക്കൊപ്പമുള്ള പുതിയ വ്ലോഗിൽ തന്റെ പ്രിയപ്പെട്ട അപ്പൂപ്പനെക്കുറിച്ചുള്ള ഹൃദ്യമായ ഓർമ്മകളാണ് താരം പങ്കുവെച്ചിരിക്കുന്നത്.

## Article Content

**[** മലയാളികൾക്ക് എന്നും പ്രിയങ്കരിയായ അവതാരക രഞ്ജിനി ഹരിദാസ് തന്റെ യൂട്യൂബ് ചാനലിലൂടെ പങ്കുവെച്ച കുടുംബവിശേഷങ്ങളാണ് ഇപ്പോൾ ശ്രദ്ധേയമാകുന്നത്. അമ്മയ്ക്കൊപ്പമുള്ള പുതിയ വ്ലോഗിൽ തന്റെ പ്രിയപ്പെട്ട അപ്പൂപ്പനെക്കുറിച്ചുള്ള ഹൃദ്യമായ ഓർമ്മകളാണ് താരം പങ്കുവെച്ചിരിക്കുന്നത്.

കുട്ടിക്കാലത്ത് താനും അപ്പൂപ്പനും തമ്മിലുണ്ടായിരുന്ന ആത്മബന്ധത്തെക്കുറിച്ചും പിന്നീട് വർഷങ്ങളോളം നീണ്ടുനിന്ന പിണക്കത്തെക്കുറിച്ചും രഞ്ജിനി മനസ്സ് തുറന്നു. ഏഴാം ക്ലാസിൽ പഠിക്കുമ്പോൾ ടിവി കാണുന്നതിനെച്ചൊല്ലി അപ്പൂപ്പനുമായി ഉണ്ടായ ഒരു ചെറിയ വഴക്ക് വലിയൊരു വാശിയിലേക്ക് വഴിമാറുകയായിരുന്നു.

അന്ന് അപ്പൂപ്പൻ വഴക്ക് പറഞ്ഞതോടെ താൻ സംസാരം നിർത്തിയെന്നും പിന്നീട് വർഷങ്ങൾ കഴിഞ്ഞാണ് തങ്ങൾ വീണ്ടും സംസാരിച്ചു തുടങ്ങിയതെന്നും രഞ്ജിനി ഓർത്തെടുത്തു. തന്റെ വാശിയുടെ ഉറവിടം അപ്പൂപ്പനാണെന്ന് തിരിച്ചറിഞ്ഞ നിമിഷമായിരുന്നു അതെന്നും താരം തമാശരൂപേണ പറഞ്ഞു.

പിണക്കങ്ങൾക്കിടയിലും അപ്പൂപ്പന് തന്നോടുണ്ടായിരുന്ന സ്നേഹം തിരിച്ചറിഞ്ഞത് മിസ് കേരള മത്സരത്തിൽ പങ്കെടുത്തപ്പോഴാണെന്ന് രഞ്ജിനി വെളിപ്പെടുത്തി. മത്സരത്തിന്റെ കേരള റൗണ്ടിനായി അപ്പൂപ്പൻ തന്റെ പക്കലുണ്ടായിരുന്ന നാല് പവന്റെ സ്വർണ്ണമാല സമ്മാനമായി നൽകി.

തന്റെ നേട്ടങ്ങളിൽ അപ്പൂപ്പൻ ഏറെ അഭിമാനിച്ചിരുന്നുവെന്നും പഴയ പിണക്കങ്ങളെല്ലാം സ്നേഹത്തിന് വഴിമാറിയെന്നും രഞ്ജിനി വ്ലോഗിലൂടെ ആരാധകരുമായി പങ്കുവെച്ചു.

### Related Links & Sources
- [Original Story Source](https://moviemax.in/news/348946/ranjini-haridas-on-the-years-long-feud)