തൃശൂർ:( www.truevisionnews.com ) ചാലക്കുടിയിൽ ലിവിങ് ടുഗദർ പങ്കാളിയായ യുവതിയെ ക്രൂരമായി വധിക്കാൻ ശ്രമിച്ച കേസിൽ പേരാമ്പ്ര സ്വദേശി ശരത്ത് വിഷ്ണുവിനെ (34) പോലീസ് അറസ്റ്റ് ചെയ്തു. വിവാഹവാഗ്ദാനം നൽകി ഒന്നരവർഷമായി ഒപ്പം താമസിപ്പിച്ചിരുന്ന യുവതിയെ സംശയത്തിന്റെ പേരിലാണ് ഇയാൾ ആക്രമിച്ചത്.
വെള്ളാംഞ്ചിറയിലെ വാടകവീട്ടിൽ വെച്ച് നടന്ന അതിക്രമത്തിന് പുറമെ, യുവതിയുടെ സ്വകാര്യ ചിത്രങ്ങൾ പ്രചരിപ്പിക്കുമെന്ന ഭീഷണിയും ഇയാൾ നടത്തിയിരുന്നു. ചാലക്കുടിയിൽ 'റെഡ് ചില്ലീസ്' എന്ന പേരിൽ അനധികൃത സ്പാ നടത്തിവരികയായിരുന്ന പ്രതി, അവിടെ ജീവനക്കാരിയായിരുന്ന യുവതിയെ തന്റെ നിയന്ത്രണത്തിൽ നിർത്താൻ നിരന്തരം ശ്രമിച്ചിരുന്നു. തൃശ്ശൂർ റൂറൽ ജില്ലാ പോലീസ് മേധാവിയുടെ നേതൃത്വത്തിലുള്ള പ്രത്യേക സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
Spa owner arrested in Thrissur for attempting to set woman on fire
