---
title: "'20 ദിവസം ഷൂട്ട് ചെയ്തു, സിനിമ കണ്ടപ്പോൾ ഞെട്ടിപ്പോയി'; ആ ചിത്രത്തിന്റെ ഭാഗമായതിൽ ഖേദമുണ്ടെന്ന് നടി ദിവി വാഥ്യ"
english_title: "'I shot for 20 days, I was shocked when I saw the movie'; Actress Divi Vathya says she regrets being a part of that film"
publisher: "moviemax.in"
canonical_url: "https://moviemax.in/news/349133/i-shot-for-20-days-i-was-shocked-when-i-saw-the-movie-actress-divi-vathya-says-she-regrets-being-a-part-of-that-film"
published_at: "2026-03-22T16:06:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/69bfc73878b01_Actress_Divi_Vathya_says_she_regrets_being_a_part_of_that_film.jpg"
keywords: []
---

# '20 ദിവസം ഷൂട്ട് ചെയ്തു, സിനിമ കണ്ടപ്പോൾ ഞെട്ടിപ്പോയി'; ആ ചിത്രത്തിന്റെ ഭാഗമായതിൽ ഖേദമുണ്ടെന്ന് നടി ദിവി വാഥ്യ

> **Lead Summary:** അല്ലു അർജുൻ-സുകുമാർ കൂട്ടുകെട്ടിൽ പുറത്തിറങ്ങി ആഗോള ബോക്സ് ഓഫീസിൽ 1500 കോടിയിലേറെ നേടി റെക്കോർഡ് കുറിച്ച 'പുഷ്പ 2' വിൽ അഭിനയിച്ചതിൽ നിരാശ പങ്കുവെച്ച് നടി ദിവി വാഥ്യ. ചിത്രത്തിന്റെ ഭാഗമായതിൽ ഇപ്പോൾ ഖേദിക്കുന്നുവെന്നും താൻ പ്രതീക്ഷിച്ച പ്രാധാന്യം സിനിമയിൽ ലഭിച്ചില്ലെന്നും നടി വെളിപ്പെടുത്തി. ഒരു അഭിമുഖത്തിനിടെയായിരുന്നു താരത്തിന്റെ ഈ തുറന്നുപറച്ചിൽ.

## Article Content

അല്ലു അർജുൻ-സുകുമാർ കൂട്ടുകെട്ടിൽ പുറത്തിറങ്ങി ആഗോള ബോക്സ് ഓഫീസിൽ 1500 കോടിയിലേറെ നേടി റെക്കോർഡ് കുറിച്ച 'പുഷ്പ 2' വിൽ അഭിനയിച്ചതിൽ നിരാശ പങ്കുവെച്ച് നടി ദിവി വാഥ്യ. ചിത്രത്തിന്റെ ഭാഗമായതിൽ ഇപ്പോൾ ഖേദിക്കുന്നുവെന്നും താൻ പ്രതീക്ഷിച്ച പ്രാധാന്യം സിനിമയിൽ ലഭിച്ചില്ലെന്നും നടി വെളിപ്പെടുത്തി. ഒരു അഭിമുഖത്തിനിടെയായിരുന്നു താരത്തിന്റെ ഈ തുറന്നുപറച്ചിൽ.

'കഥ പറഞ്ഞപ്പോൾ, അതൊരു വലിയ വേഷമായിരിക്കുമെന്നാണ് എന്നോട് പറഞ്ഞത്. എന്റെ കഥാപാത്രത്തിന് വലിയ പ്രാധാന്യം നൽകിക്കൊണ്ടുള്ള ടീസറായിരുന്നു പുറത്തുവിട്ടത്. അതിനുശേഷം എനിക്കും സ്വന്തം വേഷത്തെക്കുറിച്ച് വലിയ പ്രതീക്ഷകളുണ്ടായിരുന്നു. എന്നാൽ ചിത്രം പുറത്തിറങ്ങിയപ്പോൾ മാത്രമാണ്, അത്രയൊന്നുമില്ലെന്ന് എനിക്ക് മനസിലായത്. എനിക്ക് നിരാശതോന്നി. പക്ഷേ എന്റെ വേദന ആര് ശ്രദ്ധിക്കാനാ… സ്വയം ആശ്വസിപ്പിച്ചു മുന്നോട്ടുപോവേണ്ടിവരും. സിനിമ കണ്ടപ്പോൾ എനിക്ക് വലിയ വേദനതോന്നി. വലിയ വേഷമാണെന്ന് കരുതി എന്റെ പത്ത് സുഹൃത്തുക്കളുമായാണ് ഞാൻ ചിത്രം കാണാൻ പോയത്. 20 ദിവസം ഷൂട്ടിങ്ങും പത്തുദിവസം ഡബ്ബിങ്ങുമുണ്ടായിരുന്നു. നന്നായി അഭിനയിച്ചുവെന്ന് എനിക്ക് അറിയാം. പക്ഷേ, ചിത്രം കണ്ടപ്പോൾ ഞെട്ടിപ്പോയി', ദിവിയുടെ വാക്കുകൾ.

ചിത്രത്തിൽ മിന്നു ഉമാ ദേവി എന്ന ടെലിവിഷൻ റിപ്പോർട്ടറുടെ വേഷമാണ് ദിവി വാഥ്യ അവതരിപ്പിച്ചത്. തെലുങ്ക് ബിഗ് ബോസിലൂടെയാണ് നടി പ്രശസ്തയായത്. 'ഗോഡ്ഫാദർ' ഉൾപ്പെടെ ചിത്രങ്ങളിൽ അഭിനയിച്ചിട്ടുണ്ട്. ഫെബ്രുവരിയിൽ പുറത്തിറങ്ങിയ 'ഹണി' എന്ന ചിത്രത്തിലാണ് ഒടുവിൽ വേഷമിട്ടത്. ചിത്രത്തിലെ പ്രകടനത്തിന് മികച്ച നടനുള്ള 2024 ലെ ഗദ്ദർ തെലങ്കാന ഫിലിം അവാർഡ് ലഭിച്ചിരുന്നു. പുഷ്പ ആദ്യഭാഗം ആഗോളതലത്തില്‍ 350 കോടിയോളം രൂപയായിരുന്നു നേടിയിരുന്നത്. ഈ തുക രണ്ട് ദിവസം കൊണ്ട് പുഷ്പ 2 മറികടന്നിരുന്നു. ആദ്യദിനത്തില്‍ മാത്രം സിനിമ ആഗോളതലത്തില്‍ 294 കോടിയായിരുന്നു നേടിയത്. ഇതും റെക്കോര്‍ഡായിരുന്നു. എല്ലാ കോണുകളിൽ നിന്നും ഗംഭീര അഭിപ്രായങ്ങൾ ലഭിച്ച പുഷ്പ 2വിന് പക്ഷെ കേരളത്തിൽ വലിയ നേട്ടമുണ്ടാക്കാൻ സാധിച്ചിരുന്നില്ല. മോശം പ്രതികരണമായിരുന്നു സിനിമയ്ക്ക് ഇവിടെ നിന്നും ലഭിച്ചത്.

### Related Links & Sources
- [Original Story Source](https://moviemax.in/news/349133/i-shot-for-20-days-i-was-shocked-when-i-saw-the-movie-actress-divi-vathya-says-she-regrets-being-a-part-of-that-film)