മലപ്പുറം:( www.truevisionnews.com ) കഴിഞ്ഞ പത്ത് വർഷമായി കേരളത്തിൽ വർഗീയ കലാപങ്ങൾ ഉണ്ടാകാത്തത് വർഗീയ ശക്തികൾക്കെതിരെ സർക്കാർ സ്വീകരിക്കുന്ന വിട്ടുവീഴ്ചയില്ലാത്ത നിലപാടുകൾ കൊണ്ടാണെന്ന് മുഖ്യമന്ത്രി പിണറായി വിജയൻ. സിപിഎം മലപ്പുറം ജില്ലാ കമ്മിറ്റി ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വർഗീയതയോട് ഒരു തരത്തിലുള്ള വിട്ടുവീഴ്ചയും പാർട്ടി കാണിക്കില്ലെന്നും അദ്ദേഹം വ്യക്തമാക്കി.
കേരളത്തിന്റെ വികസന മുന്നേറ്റത്തെക്കുറിച്ചും മുഖ്യമന്ത്രി പ്രസംഗത്തിൽ പരാമർശിച്ചു. നിക്ഷേപ സൗഹൃദ സംസ്ഥാനം എന്ന നിലയിൽ നിന്ന് നിക്ഷേപം നടത്താൻ അനുയോജ്യമായ ഏക സംസ്ഥാനമായി കേരളം മാറിയെന്ന് അദ്ദേഹം അവകാശപ്പെട്ടു. വർഗീയ ശക്തികൾ തലപൊക്കാൻ ശ്രമിക്കുമ്പോഴെല്ലാം ശക്തമായ നടപടികളിലൂടെ അത് അടിച്ചമർത്താൻ സർക്കാരിന് സാധിക്കുന്നുണ്ടെന്നും അദ്ദേഹം കൂട്ടിച്ചേർത്തു.
No compromise on communalism; Kerala has become the only destination for investors, says Pinarayi Vijayan
.jpeg)
