കാസർകോട് : (https://truevisionnews.com/) കാസർകോട് മാന്യയിൽ റോഡ് മുറിച്ചുകടക്കുന്നതിനിടെ കാറിടിച്ച് ഒൻപത് വയസ്സുകാരൻ മരിച്ചു. ഏവിഞ്ചയിലെ സാദിഖ്-ഷംസീന ദമ്പതികളുടെ മകൻ ഷക്കീർ ആണ് അപകടത്തിൽപ്പെട്ടത്.
ശനിയാഴ്ച രാവിലെ മാതാവിനോടൊപ്പം പെരുന്നാൾ വസ്ത്രങ്ങൾ വാങ്ങാനായി കാസർകോട് ടൗണിലേക്ക് പോകാനായി ബസ് കാത്തുനിൽക്കുകയായിരുന്നു ഷക്കീർ. ഭിന്നശേഷിക്കാരനായ ഷക്കീർ പെട്ടെന്ന് റോഡ് മുറിച്ചുകടക്കാൻ ശ്രമിച്ചപ്പോഴാണ് അപകടം സംഭവിച്ചത്.
കേൾവിശക്തിയും സംസാരശേഷിയുമില്ലാത്ത ഷക്കീറിന് വാഹനത്തിന്റെ ശബ്ദം കേൾക്കാൻ കഴിഞ്ഞില്ല. മാന്യയിൽ നിന്നും കാസർകോട് ഭാഗത്തേക്ക് വരികയായിരുന്ന കാർ കുട്ടിയെ ഇടിച്ചുതെറിപ്പിക്കുകയായിരുന്നു.
9-year-old boy dies after being hit by car in front of his mother
