---
title: "'ധ്യാൻ ചേട്ടനെ കളിയാക്കിയതല്ല, അത് ഞങ്ങളുടെ കമ്പനിയാണ് '; വിമർശകർക്ക് മറുപടിയുമായി അമീൻ"
english_title: "Amin and Dhyan Sreenivasan respond to critics"
publisher: "moviemax.in"
canonical_url: "https://moviemax.in/news/339152/amin-and-dhyan-sreenivasan-respond-to-critics"
published_at: "2026-01-30T15:01:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/697c7af6f0e62_MOVIEMAX1.jpg"
keywords: []
---

# 'ധ്യാൻ ചേട്ടനെ കളിയാക്കിയതല്ല, അത് ഞങ്ങളുടെ കമ്പനിയാണ് '; വിമർശകർക്ക് മറുപടിയുമായി അമീൻ

> **Lead Summary:** **[[moviemax.in] ]**സോഷ്യൽ മീഡിയയിലൂടെ ശ്രദ്ധേയനായി സിനിമയിലെത്തിയ അമീൻ, തന്റെ പഴയൊരു അഭിമുഖത്തെച്ചൊല്ലി ഉയർന്ന വിമർശനങ്ങൾക്ക് മറുപടിയുമായി രംഗത്തെത്തി. പുതിയ ചിത്രമായ 'പ്രകമ്പന'ത്തിന്റെ പ്രമോഷൻ പരിപാടിക്കിടെയാണ് താരം മനസ് തുറന്നത്.

## Article Content

**[[moviemax.in] ]**സോഷ്യൽ മീഡിയയിലൂടെ ശ്രദ്ധേയനായി സിനിമയിലെത്തിയ അമീൻ, തന്റെ പഴയൊരു അഭിമുഖത്തെച്ചൊല്ലി ഉയർന്ന വിമർശനങ്ങൾക്ക് മറുപടിയുമായി രംഗത്തെത്തി. പുതിയ ചിത്രമായ 'പ്രകമ്പന'ത്തിന്റെ പ്രമോഷൻ പരിപാടിക്കിടെയാണ് താരം മനസ് തുറന്നത്.

ധ്യാൻ ശ്രീനിവാസനൊപ്പം 'ഡിറ്റക്റ്റീവ് ഉജ്ജ്വലൻ' എന്ന സിനിമയുടെ അഭിമുഖങ്ങളിൽ പങ്കെടുത്തപ്പോൾ താൻ നൽകിയ തഗ് മറുപടികൾ വലിയ രീതിയിൽ തെറ്റിദ്ധരിക്കപ്പെട്ടുവെന്ന് അമീൻ പറയുന്നു. സിനിമയുടെ സെറ്റിലെ തമാശകളും സൗഹൃദവും അഭിമുഖത്തിലും തുടർന്നതാണ്.

എന്നാൽ വീഡിയോ കണ്ട പ്രേക്ഷകർക്ക് താൻ ഒരു സീനിയർ നടനെ ബഹുമാനിക്കാതെ പരിഹസിക്കുകയാണെന്നാണ് തോന്നിയത്. 'ബഹുമാനമില്ല', 'മുതിർന്ന നടനെ കളിയാക്കുന്നു' തുടങ്ങിയ വിമർശനങ്ങളാണ് അന്ന് കമന്റുകളായി ലഭിച്ചത്.

ഈ അനുഭവം ഉള്ളതുകൊണ്ടാണ് പുതിയ സിനിമയുടെ പ്രസ് മീറ്റിൽ താൻ ഏറെ അടക്കത്തോടും അച്ചടക്കത്തോടും ഇരിക്കുന്നതെന്നും താരം തമാശരൂപേണ പറഞ്ഞു. സാഗർ സൂര്യ, ഗണപതി എന്നിവർക്കൊപ്പം പ്രധാന വേഷത്തിൽ അമീൻ എത്തുന്ന 'പ്രകമ്പനം' എന്ന ചിത്രത്തിന്റെ വിശേഷങ്ങളും അദ്ദേഹം പങ്കുവെച്ചു.

സെറ്റിൽ ജൂനിയർ-സീനിയർ വ്യത്യാസമില്ലാതെയാണ് എല്ലാവരും ഇടപെട്ടതെന്നും ആ സൗഹൃദം സിനിമയിലെ കോമഡി രംഗങ്ങൾ മികച്ചതാക്കാൻ സഹായിച്ചുവെന്നും അമീൻ കൂട്ടിച്ചേർത്തു.

### Related Links & Sources
- [Original Story Source](https://moviemax.in/news/339152/amin-and-dhyan-sreenivasan-respond-to-critics)