---
title: "#viral | എന്തൊക്കെയാ ഇവിടെ നടക്കുന്നെ ...! അവിശ്വസനീയം, സ്വപ്നത്തിൽ കണ്ട നമ്പറുള്ള ലോട്ടറി ടിക്കറ്റെടുത്തു, യുവതിയെ തേടിയെത്തിയ ഭാ​ഗ്യം"
english_title: "#Lottery #ticket #with #number #seen #dream #luck #came #youngwoman"
publisher: "moviemax.in"
canonical_url: "https://moviemax.in/news/262545/lottery-ticket-with-number-seen-dream-luck-came-youngwoman"
published_at: "2025-01-10T22:51:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/678157475ea38_viral.jpg"
keywords: []
---

# #viral | എന്തൊക്കെയാ ഇവിടെ നടക്കുന്നെ ...! അവിശ്വസനീയം, സ്വപ്നത്തിൽ കണ്ട നമ്പറുള്ള ലോട്ടറി ടിക്കറ്റെടുത്തു, യുവതിയെ തേടിയെത്തിയ ഭാ​ഗ്യം

> **Lead Summary:** ** ലോട്ടറി**യടിക്കുക എന്നത് ഏറ്റവും വലിയ ഭാ​ഗ്യങ്ങളിൽ ഒന്നായിട്ടാണ് നാം കണക്കാക്കുന്നത്. എന്നാൽ, ആ ഭാ​ഗ്യം അങ്ങനെ എല്ലാവർക്കും കിട്ടണം എന്നില്ല. എന്തായാലും, ആ ഭാ​ഗ്യം കിട്ടിയ ഒരാളാണ് മേരിലാൻഡിലെ പ്രിൻസ് ജോർജ്ജ് കൗണ്ടിയിൽ നിന്നുള്ള ഈ യുവതി. എന്നാൽ, സമ്മാനമടിച്ച നമ്പർ എങ്ങനെയാണ് യുവതി തെരഞ്ഞെടുത്തത് എന്ന കാര്യമാണ് ഇപ്പോൾ ആളുകളെ അമ്പരപ്പിക്കുന്നത്.

## Article Content

** ലോട്ടറി**യടിക്കുക എന്നത് ഏറ്റവും വലിയ ഭാ​ഗ്യങ്ങളിൽ ഒന്നായിട്ടാണ് നാം കണക്കാക്കുന്നത്. എന്നാൽ, ആ ഭാ​ഗ്യം അങ്ങനെ എല്ലാവർക്കും കിട്ടണം എന്നില്ല. എന്തായാലും, ആ ഭാ​ഗ്യം കിട്ടിയ ഒരാളാണ് മേരിലാൻഡിലെ പ്രിൻസ് ജോർജ്ജ് കൗണ്ടിയിൽ നിന്നുള്ള ഈ യുവതി. എന്നാൽ, സമ്മാനമടിച്ച നമ്പർ എങ്ങനെയാണ് യുവതി തെരഞ്ഞെടുത്തത് എന്ന കാര്യമാണ് ഇപ്പോൾ ആളുകളെ അമ്പരപ്പിക്കുന്നത്.

താൻ ലോട്ടറി ടിക്കറ്റ് എടുക്കുന്നതിന് മുമ്പ് കണ്ട സ്വപ്നത്തിലെ നമ്പറുള്ള ടിക്കറ്റാണ് തിരഞ്ഞെടുത്തത് എന്നും ആ ടിക്കറ്റിനാണ് തനിക്ക് സമ്മാനം അടിച്ചതെന്നും യുവതി പറയുന്നു. ഒക്‌സൺ ഹിൽ സിപ്പ് ഇൻ മാർട്ടിൽ നിന്ന് 9-9-0-0-0 എന്ന നമ്പറുകളുള്ള ടിക്കറ്റാണ് യുവതി വാങ്ങിയത്. യുവതിയുടെയും ഭർത്താവിന്റെയും പേരുകൾ വെളിപ്പെടുത്തിയിട്ടില്ല.

തങ്ങൾ അന്ന് ഒരുപാട് വൈകിയിരുന്നു, എങ്കിലും ലോട്ടറി എടുക്കണമെന്നും സ്വപ്നത്തിൽ താൻ കണ്ട അതേ നമ്പർ എടുക്കണമെന്നും തനിക്ക് നിർബന്ധമുണ്ടായിരുന്നു, അങ്ങനെയാണ് ആ നമ്പറിലുള്ള ടിക്കറ്റ് തെരഞ്ഞെടുത്തത് എന്നും യുവതി പറയുന്നു.

ആ നമ്പറുകൾ യുവതിയെ ചതിച്ചില്ല. അവർക്ക് $50,000 (ഏകദേശം 43 ലക്ഷം രൂപ) സമ്മാനം നേടിക്കൊടുത്തു. എന്നാൽ, ഇവരുടെ ഭർത്താവിന് പോലും ഇക്കാര്യം വിശ്വസിക്കാൻ സാധിക്കുന്നുണ്ടായിരുന്നില്ല. അവൾ പറഞ്ഞപ്പോൾ താൻ വിശ്വസിച്ചില്ല. എന്നാൽ, ആ നമ്പറുകൾ തങ്ങൾക്ക് സമ്മാനം നേടിത്തന്നു എന്നാണ് ഭർത്താവ് പറയുന്നത്.

എന്നാൽ, ആ സമ്മാനത്തുക കൊണ്ട് എന്ത് ചെയ്യണം എന്ന് ഇവർ തീരുമാനിച്ചിട്ടില്ല. അവൾക്കിഷ്ടപ്പെട്ട എന്തും എന്നാണ് യുവതിയുടെ ഭർത്താവ് പറയുന്നത്. എന്നാൽ, കൊച്ചുമക്കൾക്ക് കുറച്ചധികം ക്രിസ്മസ് സമ്മാനങ്ങൾ നൽകിയിട്ടുണ്ട് എന്നും ഇവർ പറയുന്നു.

### Related Links & Sources
- [Original Story Source](https://moviemax.in/news/262545/lottery-ticket-with-number-seen-dream-luck-came-youngwoman)