(https://moviemax.in/) സിനിമ പ്രൊമോഷനുകൾക്കിടയിലെ താരങ്ങളുടെ തമാശകളും രസകരമായ പ്രകടനങ്ങളും പലപ്പോഴും സോഷ്യൽ മീഡിയയിൽ തരംഗമാവാറുണ്ട്. അത്തരത്തിൽ ഇപ്പോൾ പ്രേക്ഷകരുടെ ശ്രദ്ധ പിടിച്ചുപറ്റുന്നത് നടി ദിവ്യ പ്രഭയുടെ ഒരു രസകരമായ വീഡിയോയാണ്. മലയാളത്തിന്റെ പ്രിയനടൻ ജയറാമിനെ താരം അനുകരിക്കുന്നതാണ് ഈ വീഡിയോയിലെ ഹൈലൈറ്റ്.
ദിവ്യ പ്രഭ പ്രധാന വേഷത്തിലെത്തിയ ഏറ്റവും പുതിയ ചിത്രം 'മസ്തിഷ്ക മരണം' എന്ന സിനിമയുടെ പ്രൊമോഷന്റെ ഭാഗമായി തിയറ്റർ സന്ദർശനം നടത്തുമ്പോഴായിരുന്നു ഈ തമാശ അരങ്ങേറിയത്. ചിത്രത്തിന്റെ സംവിധായകൻ കൃഷാന്ദും ദിവ്യ പ്രഭയും മറ്റ് അണിയറ പ്രവർത്തകരും തിയറ്ററിൽ എത്തിയപ്പോൾ, സിനിമ അവസാനിക്കാറായ സമയത്ത് ഒരാൾ വാതിൽ തുറന്ന് അകത്തേക്ക് പ്രവേശിക്കാൻ ശ്രമിച്ചു. ഉടൻ തന്നെ ജയറാം സിനിമകളിൽ സ്ഥിരമായി ചെയ്യാറുള്ള ആ പ്രത്യേക കൈ ആംഗ്യങ്ങളോടെ ദിവ്യ പ്രഭ അദ്ദേഹത്തെ തടയുകയായിരുന്നു. ജയറാമിന്റെ പരിചിതമായ ശൈലി ഒട്ടും ചോരാതെ ദിവ്യ അനുകരിച്ചതോടെ ചുറ്റുമുള്ളവർ ചിരിയടക്കാൻ പാടുപെട്ടു.
സമീപകാലത്ത് താന് കേന്ദ്ര കഥാപാത്രത്തെ അവതരിപ്പിച്ച ആശകള് ആയിരം എന്ന ചിത്രത്തിന്റെ പ്രൊമോഷന്റെ ഭാഗമായ തിയറ്റര് വിസിറ്റിനെത്തിയ ജയറാമിനെയാണ് ദിവ്യ പ്രഭ അനുകരിക്കാന് ശ്രമിച്ചതെന്ന് സിനിമാപ്രേമികള് വേഗത്തില് കണ്ടെത്തി. അവിടെയും ഇതേപോലെ പ്രദര്ശനം തീരാറായ സമയത്ത് ജയറാമും സംഘവും തിയറ്റര് ഡോറിന് അടുത്ത് എത്തുകയായിരുന്നു. കൂട്ടത്തിലാരോ സംസാരിക്കുമ്പോള് അത് നിര്ത്തിപ്പിക്കുന്നുണ്ട് ജയറാം. ഒപ്പം ക്ലൈമാക്സ് സമയത്തെ കാണികളുടെ റിയാക്ഷന് കേള്ക്കാന് തിയറ്ററിന് പുറത്ത് കാതോര്ക്കുകയും ചെയ്യുന്നു. ഇതാണ് അവസരം ലഭിച്ചപ്പോള് ദിവ്യ പ്രഭ ഇമിറ്റേറ്റ് ചെയ്യാന് ശ്രമിച്ചത്. ജയറാമിന്റെ വീഡിയോയുമായി ചേര്ത്തും ഈ വീഡിയോ പ്രചരിക്കുന്നുണ്ട്.
മലയാളത്തിലെ യുവ സംവിധായക നിരയില് വേറിട്ട വഴിയേ സഞ്ചരിക്കുന്ന കൃഷാന്ദിന്റെ ഏറ്റവും പുതിയ ചിത്രമാണ് മസ്തിഷ്ക മരണം. ഡിസ്ടോപ്പിയന് സൈബർ പങ്ക് ഗണത്തില് പെടുന്ന ചിത്രം ഈ വാരാന്ത്യത്തിലാണ് തിയറ്ററുകളില് എത്തിയത്. പോസിറ്റീവ് പ്രതികരണങ്ങളാണ് ചിത്രത്തിന് ആദ്യ ദിനങ്ങളില് ലഭിക്കുന്നത്. മസ്തിഷ്ക മരണം- എ ഫ്രാങ്കെന്ബൈറ്റിംഗ് ഓഫ് സൈമൺസ് മെമ്മറീസ് എന്നാണ് ചിത്രത്തിന്റെ മുഴുവൻ ടൈറ്റിൽ. അതേസമയം ഇടവേളയ്ക്ക് ശേഷം ജയറാമിന്റേതായി എത്തി തിയറ്ററുകളില് ശ്രദ്ധിക്കപ്പെട്ട ചിത്രമായിരുന്നു ആശകള് ആയിരം. ജയറാമും മകന് കാളിദാസും അച്ഛനും മകനുമായിത്തന്നെയാണ് ചിത്രത്തില് അഭിനയിച്ചത്. നീണ്ട 22 വര്ഷങ്ങള്ക്ക് ശേഷമാണ് ഇരുവരും ഒരുമിച്ച് ഒരു ചിത്രത്തില് എത്തിയത്.
https://www.youtube.com/shorts/-onzCknQmLE
Actress Divya Prabha imitates Jayaram; viral video spreads laughter on social media!
.jpeg)
