#kirstendunst | 'ചുംബന രംഗം റാെമാന്റിക്കല്ല, ശ്വസിക്കാൻ കഴിഞ്ഞിരുന്നില്ല, ഷൂട്ട് ചെയ്തപ്പോഴുണ്ടായ ബുദ്ധിമുട്ട്'; സ്പെെഡർ മാൻ നായിക പറഞ്ഞത്

Dec 11, 2024 04:32 PM | By Jain Rosviya

(moviemax.in) ഹോളിവുഡ് പ്രേക്ഷകർക്ക് മറക്കാനാകാത്ത ആക്ഷൻ, റൊമാന്റിക് രംഗങ്ങൾ സ്പെെഡർമാൻ ഫ്രാഞ്ചെെസുകൾ എന്നും നൽകിയിട്ടുണ്ട്.

സ്പെെഡർമാന് ഒന്നിലേറെ ഭാഗങ്ങൾ പിന്നീട് വന്നെങ്കിലും പ്രേക്ഷക മനസിൽ ഏറ്റവും വലിയ സ്ഥാനം നേടിയത് ഒന്നാം ഭാഗം തന്നെയാണ്.

Also read: മാമാട്ടിയെ മീനാക്ഷി മനപൂർവം മറന്നോ ...? അന്ന് കാരണം തിരക്കിയപ്പോൾ പറഞ്ഞത് ...! മഹാലക്ഷ്മിക്ക് പിറന്നാൾ ആശംസയുമായി കാവ്യ

2002 ൽ പുറത്തിറങ്ങിയ ഈ ചിത്രം സംവിധാനം ചെയ്തത് സാം റെയ്മിയാണ്. ടോബി മഗെയ്ർ പീറ്റർ പാർക്കറായെത്തി. നായികയായ മേരി ജെയ്ൻ വാട്സണെ അവതരിപ്പിച്ചത് പ്രശസ്ത നടി കിർസ്റ്റൺ ഡൺസ്റ്റ് ആണ്.

പീറ്റർ പാർക്കർ-മേരി പ്രണയം സ്പെെ‍ഡ‍ർമാനിലെ പ്രധാന ഹെെലെറ്റുകളിലൊന്നായിരുന്നു. അനശ്വരമായി മാറിയ ഒരുപിടി റൊമാന്റിക് രംഗങ്ങൾ ചിത്രത്തിലുണ്ട്. ഇതിലൊന്നാണ് ഇവർ തമ്മിലുള്ള ചുംബന രംഗം.

തലകീഴായി തൂങ്ങി നിൽക്കുന്ന സ്പെെഡർമാനെ മേരി ചുംബിക്കുന്ന രംഗം ഐക്കോണിക്കായി മാറി. ഇന്നും ഈ പ്രണയ രംഗം സ്പെെഡർമാർ ആരാധകരുടെ മനസിലുണ്ട്.

Also read: കാർന്നോര് കളിച്ച് നടക്കുന്നയാളാണ് ഞാൻ, പി ആർ കിട്ടി? ഭർത്താവിന്റെ ഭാഗത്ത് നിന്ന് അങ്ങനൊരു വീഡിയോ എനിക്ക് വേണ്ട -ലക്ഷ്മി

Also read: ഞാൻ അല്ലാ....വാട്സ്ആപ്പ് കോളിലെ ശബ്ദം എഐയുടേത് , വിവാദമായ ചാറ്റിനോട് പ്രതികരിച്ച് നടന്‍ അജ്മല്‍ അമീര്‍

എന്നാൽ ബിഗ് സ്ക്രീനിൽ കണ്ടത് പോലെ അത്ര മനോഹരമായിരുന്നില്ല ഈ സീൻ ഷൂട്ട് ചെയ്യുമ്പോഴുള്ള സാഹചര്യം. ഇതേക്കുറിച്ച് നടി കിർസ്റ്റൺ ഡൺസ്റ്റ് ഒരിക്കൽ സംസാരിച്ചിട്ടുണ്ട്.

പ്രശസ്തമായ ചുംബനങ്ങളുടെ പുസ്തകം എനിക്ക് സംവിധായകൻ തന്നു. ഈ സീൻ പ്രത്യേകയുള്ളതായിരിക്കണമെന്ന് അദ്ദേഹം ആഗ്രഹിച്ചിരുന്നു. പക്ഷെ ഷൂട്ടിംഗ് ദയനീയമായിരുന്നെന്ന് കിർസ്റ്റൺ ഓർത്തു.

ഷൂട്ടിംഗിനിടെ ടോബിക്ക് ശ്വസിക്കാൻ ബുദ്ധിമുട്ടുണ്ടായിരുന്നെന്ന് കിർസ്റ്റൺ ഡൺസ്റ്റ് ഓർത്തു. മഴ പെയ്യുന്നുണ്ട്. ടോബി തണുത്ത് മരവിച്ചു. ശ്വസിക്കാൻ കഴിഞ്ഞിരുന്നില്ല.

Also read: 'പോഞ്ഞിക്കരയും പിള്ളേരും വരുന്നുണ്ട്'....! ജനപ്രിയ നായകൻ ദിലീപിന്റെ കല്യാണ രാമനും റീ റിലീസിന് ഒരുങ്ങുന്നു

ടോബിയുടെ ജീവൻ നിലനിർത്തുന്നത് പോലെയാണ് തനിക്ക് ആ സീൻ ചെയ്യുമ്പോൾ തോന്നിയതെന്ന് കിർസ്റ്റൺ പറഞ്ഞു. അതേസമയം ഐക്കോണിക് നിമിഷമായിരുന്നു അതെന്നും കരിയറിൽ ഇങ്ങനെയാെരു സീനിന്റെ ഭാഗമായതിൽ സന്തോഷമുണ്ടെന്നും അന്ന് നടി പറഞ്ഞു.

ഈ ചുംബന രംഗത്തിന് പുരസ്കാരങ്ങളും ലഭിച്ചിട്ടുണ്ട്. എംടിവി മൂവി ആന്റ് ടിവി അവാർഡ്സ് 2003 ൽ പുരസ്കാരം മികച്ച ചുംബന രംഗത്തിനുള്ള പുരസ്കാരം നേടിയത് ഈ രംഗമാണ്.

ഷൂ‌ട്ടിംഗിനിടെ ടോബിയും കിർസ്റ്റണും പ്രണയത്തിലായിരുന്നു. ഒരു വർഷത്തിന് ശേഷം ഇവർ പിരിഞ്ഞു. എറ്റേർണൽ സൺഷെെൻ, സ്പോട്ലെസ് മൈൻഡ്, ഓൾ ഗുഡ് തിങ്ക്സ് തുടങ്ങിയവയാണ് സ്പെെഡർമാന് പുറമെയുള്ള കിർസ്റ്റൺ ഡൺസ്റ്റ്ണിന്റെ ശ്രദ്ധേയ സിനിമകൾ.

പവർ ഓഫ് ദ ഡോക് എന്ന സിനിമയിലെ പ്രകടനത്തിന് ഓസ്കാർ നോമിനേഷനും കിർസ്റ്റണിന് ലഭിച്ചിരുന്നു. സിവിൽ വാർ ആണ് ഈ വർഷം പുറത്തിറങ്ങിയ കിർസ്റ്റണിന്റെ സിനിമ.

'#kiss #scene #not #romantic #difficult #shoot #Said #heroine #SpiderMan