---
title: "പ്രിയങ്കയ്ക്കും നിക്കിനും ജനിച്ചത് പെണ്‍ കുഞ്ഞോ അതോ ആണ്‍ കുഞ്ഞോ? ചര്‍ച്ചകളോട് പ്രതികരിച്ച് താരം "
english_title: "Was Priyanka and Nick born a girl or a boy? The actor in response to the discussions"
publisher: "moviemax.in"
canonical_url: "https://moviemax.in/news/22317/was-priyanka-and-nick-born-a-girl-or-a-boy-the-actor-in-response-to-the-discussions"
published_at: "2022-01-23T20:31:00+05:30"
category: "Bollywood"
language: "ml"
image: "https://moviemax.in/image-uploads/61ed6e79f04d0_PRIYANKA.jpg"
keywords: []
---

# പ്രിയങ്കയ്ക്കും നിക്കിനും ജനിച്ചത് പെണ്‍ കുഞ്ഞോ അതോ ആണ്‍ കുഞ്ഞോ? ചര്‍ച്ചകളോട് പ്രതികരിച്ച് താരം 

> **Lead Summary:** തങ്ങള്‍ മാതാപിതാക്കളായി എന്ന് അറിയിച്ചു കൊണ്ട് പ്രിയങ്ക ചോപ്രയും നിക്ക് ജൊനാസും പങ്കുവച്ച ട്വീറ്റ് ചര്‍ച്ചയാണ്. പലരും വിമര്‍ശിച്ചപ്പോഴും കുഞ്ഞ് പെണ്ണ് ആണോ അതോ ആണ് ആണോയെന്ന് അറിയാനുള്ള തിടുക്കത്തിലായിരുന്നു ആരാധകര്‍. ഇക്കാര്യത്തില്‍ സോഷ്യല്‍ മീഡിയയില്‍ സജീവ ചര്‍ച്ചകളും നടന്നിരുന്നു.

## Article Content

തങ്ങള്‍ മാതാപിതാക്കളായി എന്ന് അറിയിച്ചു കൊണ്ട് പ്രിയങ്ക ചോപ്രയും നിക്ക് ജൊനാസും പങ്കുവച്ച ട്വീറ്റ് ചര്‍ച്ചയാണ്. പലരും വിമര്‍ശിച്ചപ്പോഴും കുഞ്ഞ് പെണ്ണ് ആണോ അതോ ആണ് ആണോയെന്ന് അറിയാനുള്ള തിടുക്കത്തിലായിരുന്നു ആരാധകര്‍. ഇക്കാര്യത്തില്‍ സോഷ്യല്‍ മീഡിയയില്‍ സജീവ ചര്‍ച്ചകളും നടന്നിരുന്നു.

പ്രിയങ്കയ്ക്കും നിക്കിനും ജനിച്ചത് പെണ്‍കുട്ടിയാണെന്ന് ചില മാധ്യമങ്ങള്‍ റിപ്പോര്‍ട്ട് ചെയ്തിരുന്നു. ഇപ്പോഴിതാ ആ റിപ്പോര്‍ട്ടുകള്‍ ശരിവച്ച് രംഗത്തെത്തിയിരിക്കുകയാണ് നടിയും പ്രിയങ്കയുടെ കസിനുമായ മീര ചോപ്ര. പ്രിയങ്കയ്ക്ക് എന്നും കുറേ കുട്ടികള്‍ വേണമെന്നായിരുന്നു ആഗ്രഹം.

അവള്‍ ജീവിതത്തിലെ പുതിയ ഘട്ടത്തിലേക്ക് കടക്കുമ്പോള്‍ താന്‍ ഒരുപാട് സന്തോഷിക്കുന്നുണ്ട്. ഒരു പെണ്‍കുട്ടിയുടെ സൂപ്പര്‍ മദര്‍ ആവും അവള്‍. ജീവിതത്തിലെ നാളിതുവരെ എല്ലാ മേഖലയിലും അവള്‍ മികവ് തെളിയിച്ചിട്ടുണ്ട്. അമ്മയാവുക എന്നത് അതിനോടുള്ള കൂട്ടിച്ചേര്‍ക്കല്‍ മാത്രമാണ്.

അവളെ ഓര്‍ത്ത് തങ്ങളെല്ലാം അഭിമാനിക്കുകയും സന്തോഷിക്കുകയും ചെയ്യുന്നു എന്നാണ് മീര ഇന്ത്യ ടുഡേയോട് പ്രതികരിച്ചത്. പ്രിയങ്കയും നിക്കും ഒരു കുട്ടിയുണ്ടാകാനായി കഴിഞ്ഞ കുറച്ച് നാളുകളായി ഒരുപാട് ആഗ്രഹിച്ചിരുന്നു. എന്നാല്‍ രണ്ടു പേരുടേയും ജോലിത്തിരക്കുകള്‍ അതിന് തടസമായി മാറുകയായിരുന്നു.

ഈ തിരക്കുകളാണ് പ്രിയങ്കയേയും നിക്കിനേയും മറ്റ് സാധ്യതകള്‍ തേടാന്‍ പ്രേരിപ്പിച്ചത് എന്നാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്. അതേസമയം നിക്കും പ്രിയങ്കയും ആഗ്രഹിക്കുന്നത് രണ്ട് കുട്ടികളെയാണെന്നും സുഹൃത്തുക്കള്‍ പറഞ്ഞതായും റിപ്പോര്‍ട്ടുകള്‍ എത്തിയിരുന്നു.

### Related Links & Sources
- [Original Story Source](https://moviemax.in/news/22317/was-priyanka-and-nick-born-a-girl-or-a-boy-the-actor-in-response-to-the-discussions)