സംസ്ഥാന ചലച്ചിത്ര പുരസ്കാരത്തില് മികച്ച സ്വഭാവ നടനുള്ള പുരസ്ക്കാരം കരസ്ഥമാക്കിയ നടനാണ് ഫഹദ്ഫാസില്. 'കുമ്പളങ്ങി നൈറ്റ്സി'ലെ 'ഷമ്മി' എന്ന കഥാപാത്രമാണ് അദ്ദേഹത്തിന് മികച്ച സ്വഭാവനടനുള്ള സംസ്ഥാന പുരസ്കാരം നേടിക്കൊടുത്തിരിക്കുന്നത്. യുവപ്രേക്ഷകര്ക്കിടയില് തരംഗമായി മാറിയ കഥാപാത്രമായിരുന്നു 'ഷമ്മി'. 'ഷമ്മി ഹീറോയാടാ ഹീറോ' തുടങ്ങിയ, കഥാപാത്രത്തിന്റെ സംഭാഷണങ്ങളൊക്കെ പ്രേക്ഷകര്ക്കിടയില് വലിയ സ്വീകാരിത നേടിയിരുന്നു.
'കുമ്പളങ്ങി നൈറ്റ്സി'ലെ 'ഷമ്മി' ആയുള്ള ഫഹദിന്ററെ പ്രകടനത്തെക്കുറിച്ച് അവാര്ഡ് നിര്ണ്ണയ ജൂറിയുടെ വിലയിരുത്തല്............................
"ആണധികാരത്തിന്റെ നിര്ദയമായ സമീപനങ്ങളും കപടനാട്യങ്ങളും അതിഭാവുകത്വത്തിന്റെ സ്പര്ശമില്ലാതെ സ്വാഭാവികമായി അഭിനയിച്ചു ഫലിപ്പിച്ച പ്രകടന മികവിന്". 50,000 രൂപയും ശില്പവും പ്രശസ്തിപത്രവും അടങ്ങുന്നതാണ് പുരസ്കാരം" ഫഹദ് ഫാസില്, നസ്രിയ നസിം, ദിലീഷ് പോത്തന്, ശ്യാം പുഷ്കരന് എന്നിവര് ചേര്ന്നാണ് 'കുമ്പളങ്ങി നൈറ്റ്സ്' നിര്മ്മിച്ചത്. 25,000 രൂപയും ശില്പവും പ്രശസ്തിപത്രവും വീതം ചിത്രത്തിന്റെ നിര്മ്മാതാക്കള്ക്ക് ലഭിക്കും.
ചിത്രത്തിന്റെ സംവിധായകനായ മധു സി നാരായണന് ഒരു ലക്ഷം രൂപയും ശില്പവും പ്രശസ്തിപത്രവും ലഭിക്കും. കലാമൂല്യചിത്ര'മെന്നാണ് കുമ്പളങ്ങി നൈറ്റ്സ് അവാര്ഡ് നിര്ണ്ണയ ജൂറിയുടെ വിലയിരുത്തല്.
Content Highlight: Fahadh Faasil won the Best Actor award at the State Film Awards
