പുതിയ സന്തോഷം പങ്കുവെച്ച് സ്റ്റാർ മാജിക്കിലെ അനുക്കുട്ടി

പുതിയ സന്തോഷം പങ്കുവെച്ച് സ്റ്റാർ മാജിക്കിലെ അനുക്കുട്ടി
Nov 27, 2021 12:04 PM | By Divya Surendran

സീരിയല്‍ നടിയാണെങ്കിലും ഫ്‌ളവേഴ്‌സ് ചാനലിലെ സ്റ്റാര്‍ മാജിക്കിലൂടെ ജനശ്രദ്ധ നേടി എടുത്ത താരമാണ് അനുമോള്‍. അനുക്കുട്ടി എന്ന പേരിലൂടെയാണ് സ്റ്റാര്‍ മാജിക്കില്‍ നടി അറിയപ്പെടുന്നത്. നിഷ്‌കളങ്കത നിറഞ്ഞ അനുവിന്റെ സംസാരവും പ്രവൃത്തികളുമാണ് ആരാധകരെ ഏറ്റവും കൂടുതല്‍ സ്വാധീനിച്ചത്. അനുവിന്റെ പേരില്‍ ഫാന്‍സ് ഗ്രൂപ്പുകളടക്കം സോഷ്യല്‍ മീഡിയയിലുണ്ട്. ഇപ്പോഴിതാ തന്നെ തേടി എത്തിയ സന്തോഷത്തെ കുറിച്ചാണ് ഇന്‍സ്റ്റാഗ്രാം പേജിലൂടെ പങ്കുവെച്ച കുറിപ്പിലൂടെ നടി സൂചിപ്പിച്ചിരിക്കുന്നത്.

ഇത്രയും കാലത്തെ കരിയറിനിടയില്‍ ആദ്യമായി തന്നെ തേടി എത്തിയ പുരസ്‌കാര നേട്ടത്തിലെ സന്തോഷമാണ് അനുമോള്‍ പറയുന്നത്. അനുവിനെ കൂടാതെ സ്റ്റാര്‍ മാജിക്കിലെ നാല് പേര്‍ക്ക് കൂടി അംഗീകാരം ലഭിച്ചിരുന്നു. ഇങ്ങനൊരു ദിവസം മനസ് കൊണ്ട് താന്‍ ഏറെ ആഗ്രഹിച്ചിരുന്നതാണെന്നാണ് നടിയിപ്പോള്‍ പറയുന്നത്. അനുവിന്റെ പുതിയ വിശേഷങ്ങള്‍ വായിച്ചറിയാം...


ഒരുപാട് സന്തോഷം നിറഞ്ഞ ദിവസം ആയിരുന്നു നവംബര്‍ 23 മനസു കൊണ്ട് ഒരുപാട് ആഗ്രഹിച്ചിരുന്നു ഇങ്ങനെ ഒരു ദിനം കഴിഞ്ഞ 4 വര്‍ഷമായി നിങ്ങളുടെ മുന്‍പില്‍ ഓരോ വേഷത്തിലും ഓരോ ഭാവത്തിലും എത്തുന്നുണ്ട്. അതില്‍ എല്ലാം നിങ്ങള്‍ തന്ന സപ്പോര്‍ട്ട് ആണ് എന്നെ ഇന്ന് ഈ മണപ്പുറം മിന്നലൈ ഫിലിം ആന്‍ഡ് ടിവി അവാര്‍ഡ് ദി ബെസ്റ്റ് കോമേഡിയന്‍ ഫ്രം സ്റ്റാര്‍ മാജിക് അവാര്‍ഡിന് അര്‍ഹയാക്കിയത് എന്ന് അഭിമാനത്തോടെ ഞാന്‍ വിശ്വസിക്കുന്നു.

ഒപ്പം എന്നും എന്റെ ഇഷ്ട്ടങ്ങളോടൊപ്പം നിന്ന എന്റെ അച്ഛനും അമ്മയ്ക്കും കുടുംബത്തിനും എന്റെ ഷോ ഡയറക്ടര്‍ അനൂപ് ചേട്ടനും ലക്ഷ്മി ചേച്ചിക്കും എന്റെ എല്ലാം ആയ സഹപ്രവര്‍ത്തകര്‍ക്കും എന്നെ സപ്പോര്‍ട്ട് ചെയ്ത എല്ലാവര്‍ക്കും ഈ അവാര്‍ഡ് നിങ്ങള്‍ ഓരോരുത്തര്‍ക്കുമായി സമര്‍പ്പിക്കുന്നു. ഇത്തരത്തില്‍ ഉള്ള ഓരോ പുരസ്‌കാരങ്ങളും എന്നെ പോലുള്ള ആര്‍ട്ടിസ്റ്റുകള്‍ക്കും പ്രവര്‍ത്തിക്കുവാന്‍ കൂടുതല്‍ ഊര്‍ജവും പ്രചോദനവും നല്‍കുന്ന ഒന്നാണ്. നിങ്ങള്‍ എല്ലാവരും ഇതുവരെ തന്ന സ്‌നേഹത്തിനും പിന്തുണയ്ക്കും ഒരിക്കല്‍ കൂടി ഒരുപാട് നന്ദി... എന്നുമാണ് സോഷ്യല്‍ മീഡിയ പേജില്‍ പങ്കുവെച്ച കുറിപ്പില്‍ അനു എഴുതിയിരിക്കുന്നത്.

പുരസ്‌കാരം ഏറ്റുവാങ്ങുമ്പോഴുള്ളതും ശേഷം മാതാപിതാക്കളുടെയും അവാര്‍ഡിന് അര്‍ഹരായ സ്റ്റാര്‍ മാജിക്കിലെ സഹപ്രവര്‍ത്തകരുടെ കൂടെയും നില്‍ക്കുന്ന ചിത്രങ്ങളായിരുന്നു അനുമോള്‍ പങ്കുവെച്ചത്. ഒപ്പം തനിക്ക് ഈ അംഗീകാരം നേടാനായതിന്റെ സന്തോഷവും നടി പങ്കുവെച്ചു. ഷിയാസ് കരീം, ബിനീഷ് ബാസ്റ്റിന്‍, എന്നിവരടക്കം സ്റ്റാര്‍ മാജിക്കിലെ നിരവധി താരങ്ങളും ആരാധകരുമെല്ലാം അനുമോള്‍ക്ക് ആശംസ അറിയിച്ച് എത്തിയിരിക്കുകയാണ്. ഇത്തവണ സ്റ്റാര്‍ മാജിക്കിന് നാല് അവാര്‍ഡുകളാണ് ലഭിച്ചിരിക്കുന്നത്.


മികച്ച ഷോ ഡയറക്ടര്‍ക്കുള്ള അവാര്‍ഡ് സ്റ്റാര്‍ മാജിക്കിന്റെ സംവിധായകന്‍ അനൂപ് ജോണിനും മികച്ച അവതാരകയായി ലക്ഷ്മി നക്ഷത്രയും മികച്ച പുരുഷ കോമഡി താരമായി ബിനു അടിമാലിയും തിരഞ്ഞെടുക്കപ്പെട്ടു. മികച്ച വനിത കോമഡി താരം ആയിട്ടാണ് അനുമോള്‍ക്കും അംഗീകാരം ലഭിച്ചത്. മികച്ച പ്രതിനായികയ്ക്കുള്ള അംഗീകാരം സ്റ്റാര്‍ മാജിക്കിലൂടെ ശ്രദ്ധേയായ ജസീലയ്ക്കും കിട്ടിയിരുന്നു. സിനിമ ടെലിവിഷന്‍ രംഗത്ത് മികച്ച പ്രകടനം കാഴ്ച വെക്കുന്ന പ്രതിഭകള്‍ക്കാണ് മണപ്പുറം മിന്നലൈ ഫിലിം ആന്‍ഡ് ടിവി അവാര്‍ഡ് ഏര്‍പ്പെടുത്തിയിരിക്കുന്നത്. നാനൂറോളം എപ്പിസോഡുകള്‍ സംവിധാനം ചെയ്യാന്‍ സാധിച്ചതിന്റെ സന്തോഷമാണ് സംവിധായകന്‍ അനൂപ് ജോണ്‍ വേദിയില്‍ പങ്കുവെച്ചത്.

Anukkutty in Star Magic sharing new happiness

Next TV

Related Stories
'വിചിത്രമായ ഭർത്താവ് സങ്കൽപ്പ'വുമായി പൂജിത മേനോൻ

Jan 19, 2022 10:53 AM

'വിചിത്രമായ ഭർത്താവ് സങ്കൽപ്പ'വുമായി പൂജിത മേനോൻ

ഇപ്പോൾ അമൃത ടിവിയിലെ റെഡ് കാർപെറ്റിൽ അതിഥിയായി എത്തിയ താരം വിശേഷങ്ങൾ...

Read More >>
ഞാന്‍ ക്യു നില്‍ക്കാറില്ല, ബാറില്‍ പോയി സാധനം വാങ്ങുന്നയാളാണ്;  ശ്രീവിദ്യ

Jan 17, 2022 10:20 PM

ഞാന്‍ ക്യു നില്‍ക്കാറില്ല, ബാറില്‍ പോയി സാധനം വാങ്ങുന്നയാളാണ്; ശ്രീവിദ്യ

ഇപ്പോഴിതാ സിനിമയിലും സാന്നിധ്യം അറിയിക്കുകയാണ് ശ്രീവിദ്യ. ധ്യാന്‍ ശ്രീനിവാസന്‍ നായകനായി എത്തുന്ന പുതിയ സിനിമയായ സത്യം മാത്രമേ ബോധിപ്പിക്കൂ എന്ന...

Read More >>
തമാശക്കൂട്ടുകളുമായി സീ കേരളത്തില്‍ 'എരിവും പുളിയും' തുടങ്ങി

Jan 17, 2022 08:57 PM

തമാശക്കൂട്ടുകളുമായി സീ കേരളത്തില്‍ 'എരിവും പുളിയും' തുടങ്ങി

തമാശക്കൂട്ടുകളുമായി സീ കേരളത്തില്‍ 'എരിവും പുളിയും' തുടങ്ങി...

Read More >>
തന്റെ ആ സിനിമ കണ്ട് അച്ഛന്‍ പറഞ്ഞത് ഇങ്ങനെ; തുറന്ന്‍ പറഞ്ഞ് താരം

Jan 17, 2022 11:10 AM

തന്റെ ആ സിനിമ കണ്ട് അച്ഛന്‍ പറഞ്ഞത് ഇങ്ങനെ; തുറന്ന്‍ പറഞ്ഞ് താരം

ഇപ്പോള്‍ സാധിക വേണുഗോപാലിന്റെ ഒരു അഭിമുഖമാണ്...

Read More >>
അഭിനയം ഉപേക്ഷിക്കില്ല... വളരെ പെട്ടെന്ന് തന്നെ തിരികെ വരും; പൈങ്കിളി

Jan 16, 2022 10:51 PM

അഭിനയം ഉപേക്ഷിക്കില്ല... വളരെ പെട്ടെന്ന് തന്നെ തിരികെ വരും; പൈങ്കിളി

അഭിനയം ഉപേക്ഷിക്കില്ലെന്നും വളരെ പെട്ടെന്ന് തന്നെ തിരികെ എത്തുമെന്നും പ്രമുഖ മാധ്യമാറ്റത്തിനു നൽകിയ അഭിമുഖത്തിൽ...

Read More >>
അഞ്ജുവിന് മുന്നില്‍ മനസ് തുറന്ന് ശിവന്‍

Jan 16, 2022 12:34 PM

അഞ്ജുവിന് മുന്നില്‍ മനസ് തുറന്ന് ശിവന്‍

ഇപ്പോഴിതാ സ്വാന്തനത്തിന്റെ പുതിയ പ്രെമോ വീഡിയോ ആണ് വൈറലാകുന്നത്. തന്റെ പ്രണയം അഞ്ജുവിനോട് തുറന്ന് പറയുന്ന ശിവനെയും വീഡിയോയില്‍...

Read More >>
Top Stories