(moviemax.in) നിതേഷ് തിവാരി സംവിധാനം ചെയ്യുന്ന ബിഗ് ബജറ്റ് ചിത്രം 'രാമായണ'ത്തിലെ ലുക്കുകൾ എന്ന പേരിൽ പ്രചരിക്കുന്ന സായി പല്ലവിയുടെയും രൺബീർ കപൂറിന്റെയും ചിത്രങ്ങൾക്ക് പിന്നിലെ സത്യാവസ്ഥ വെളിപ്പെടുന്നു.
സീതയുടെ ലുക്കിലുള്ള സായി പല്ലവിയെ രൂക്ഷമായി വിമർശിച്ചവർക്ക് മറുപടിയെന്നോണം, ഇപ്പോൾ പ്രചരിക്കുന്ന ചിത്രങ്ങൾ പൂർണ്ണമായും എഐ (AI) സാങ്കേതികവിദ്യ ഉപയോഗിച്ച് നിർമ്മിച്ചവയാണെന്ന് വ്യക്തമായിരിക്കുകയാണ്.
മുൻപ് സ്റ്റാർ പ്ലസിൽ സംപ്രേഷണം ചെയ്തിരുന്ന 'സിയ കെ റാം' എന്ന സീരിയലിലെ ദൃശ്യങ്ങളെ ആർട്ടിഫിഷ്യൽ ഇന്റലിജൻസ് വഴി മാറ്റം വരുത്തിയാണ് സിനിമയിലെ ചോർന്ന ദൃശ്യങ്ങൾ എന്ന പേരിൽ പ്രചരിപ്പിച്ചത്.
സായി പല്ലവി സീതയുടെ വേഷത്തിന് അനുയോജ്യയല്ലെന്നും ബോളിവുഡ് നടിമാരെയായിരുന്നു പരിഗണിക്കേണ്ടിയിരുന്നതെന്നും ചൂണ്ടിക്കാട്ടി സോഷ്യൽ മീഡിയയിൽ വലിയ തോതിലുള്ള സൈബർ ആക്രമണം നടന്നിരുന്നു.
മൃണാൾ താക്കൂർ ഉൾപ്പെടെയുള്ളവരുടെ പേരുകൾ നിർദ്ദേശിച്ചുകൊണ്ടായിരുന്നു വിമർശകരുടെ കമന്റുകൾ. എന്നാൽ ഇതെല്ലാം വ്യാജ ചിത്രത്തിന്റെ അടിസ്ഥാനത്തിലുള്ളവയാണെന്ന് ഇപ്പോൾ തെളിഞ്ഞിട്ടുണ്ട്.
ഹോളിവുഡ് നിലവാരത്തിലുള്ള നിർമ്മാണ ശൈലിയിലാണ് 'രാമായണ' ഒരുങ്ങുന്നത്. സായി പല്ലവി സീതയായും രൺബീർ കപൂർ രാമനായും എത്തുന്ന ചിത്രത്തിൽ സണ്ണി ഡിയോൾ (ഹനുമാൻ), രവി ഡൂബൈ (ലക്ഷ്മണൻ) എന്നിവരും പ്രധാന വേഷങ്ങൾ കൈകാര്യം ചെയ്യുന്നു.
'മാഡ് മാക്സ്' ഫെയിം ഗൈ നോറിസ് ആക്ഷൻ രംഗങ്ങൾ ഒരുക്കുന്ന ഈ ചിത്രം ഐമാക്സ് ഫോർമാറ്റിലാണ് ചിത്രീകരിക്കുന്നത്. നമിത് മൽഹോത്രയും യാഷും ചേർന്ന് നിർമ്മിക്കുന്ന സിനിമയുടെ ഒന്നാം ഭാഗം 2026 ദീപാവലിക്കും രണ്ടാം ഭാഗം 2027 ദീപാവലിക്കും തിയറ്ററുകളിലെത്തുമെന്നാണ് പ്രതീക്ഷിക്കുന്നത്.
The shocking twist behind the film 'Ramayana'
.jpeg)
.jpg)
