ബോളിവുഡ് കിങ് ഖാന്റെ മകന് ആര്യന് ഖാന് ലഹരി മരുന്ന കേസിന് അറസ്റ്റിലാവും എന്ന് സ്വപ്നത്തില് പോലും ആരും കരുതിയില്ല. മകന് ഇത്തരത്തിലൊരു ജയില് വാസം ഷാരൂഖും കണക്ക് കൂട്ടിയതേ അല്ല. തന്റെ സിനിമാ തിരക്കുകള്ക്കിടയിലും കുടുംബത്തിന്റെ കാര്യം കൃത്യമായി നോക്കിയിട്ടും മകനെ ആപത്തില് നിന്ന് രക്ഷിക്കാന് ഷാരൂഖിന് കഴിഞ്ഞില്ല.
ഇനി ഈ ഒരു അവസ്ഥ ഉണ്ടാകാതിരിക്കാനുള്ള എല്ലാം മുന്കരുതലുകളും സ്വീകരിക്കാന് തന്നെയാണ് ഷാരൂഖ് ഖാന്റെയും ഭാര്യ ഗൗരി ഖാന്റെയും തീരുമാനം.
ഷാരൂഖ് ഖാന്റെ എല്ലാ കാര്യങ്ങളും വളരെ കൃത്യമായി നോക്കുന്ന ആളാണ് ബോഡിഗാര്ഡ് ആയ രവി. രവിയെ പോലൊരു ബോര്ഡി ഗാര്ഡ് ഇനി മകന് ആര്യന് ഖാനും വേണം. എവിടെ ചെന്നാലും മകന് സുരക്ഷ ഉറപ്പു വരുത്തുന്നതിനായി ഒരു ബോര്ഡി ഗാര്ഡിനെ നിര്ത്താന് തീരുമാനിച്ചിരിയ്ക്കുകയാണ് ഷാരൂഖും ഗൗരിയും.
ആര്യന് വഴി തെറ്റും എന്ന് ഭയക്കുന്നത് കൊണ്ട് മാത്രമല്ല, ഈ കേസിന് ശേഷം പുറത്തിറങ്ങുന്ന താരപുത്രനെ മാധ്യമങ്ങളില് നിന്നും പൊതു ജനങ്ങളില് നിന്നും സംരക്ഷിച്ചു നിര്ത്താന് ഒരു ബോഡി ഗാര്ഡ് അത്യാവശ്യമാണത്രെ.
ഒക്ടോബര് 2 ന് ആണ് ആര്യന് ഖാനെ ലഹരി മരുന്ന് കേസിന് അറസ്റ്റ് ചെയ്തത്. മുംബൈയിലെ ഒരു ഷിപ്പില് നടന്ന രഹരി മരുന്ന സത്കാരത്തില് പങ്കെടുത്ത ആര്യനില് നിന്നും ലഹരി പിടിച്ചെടുത്തിരുന്നു. എന്നാല് താര പുത്രന് ലഹരി മരുന്ന് ഉപയോഗിച്ചിരുന്നു എന്നതിന് തെളിവുകള് കിട്ടിയിട്ടില്ല എന്നാണ് വിവരം.
വാട്സ് ആപ്പും മറ്റും പരിശോധിച്ചതില് ലഹരി മരുന്ന് മാഫിയയുമായി ആര്യന് ബന്ധമുണ്ടെന്ന് കണ്ടെത്താനും കഴിഞ്ഞിട്ടില്ല. മയക്ക് മരുന്ന് കൈവശം വച്ച കുറ്റം ആര്യന് സമ്മതിച്ചിരുന്നു.
28 ദിവസത്തെ ജയില് വാസത്തിന് ശേഷം കഴിഞ്ഞ വെള്ളിയാഴ്ചയാണ് ആര്യന് ഖാന് പുറത്തിറങ്ങിയത്. പതിനാല് നിബന്ധനകളോടെയാണ് ജാമ്യം അനുവദിച്ചത്. പാസ് പോര്ട്ട് എന് ഡി പി എസ് കോര്ട്ടില് സമര്പ്പിയ്ക്കണം. ഇന്ത്യ വിട്ട് പുറത്ത് പോകണമെങ്കില് പ്രത്യേക കോടതിയുടെ അനുവാദവും വേണം.
എല്ലാ വെള്ളിയാഴ്ചയും നര്ക്കോട്ടിക്സ് കണ്ട്രോള് ബ്യൂറോയില് (എന് സി ബി) എത്തി ഒപ്പു വയ്ക്കണം. എന്നിങ്ങനെ പതിനാല് നിബന്ധനകളോടെയാണ് ജാമ്യം അനുവദിച്ചത്.
Content Highlight: Shah Rukh Khan and Gauri to put Aryan Khan on bodyguard
