നാടിനെ കണ്ണീരിലാഴ്ത്തി വിയോഗം...: വാഹനാപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന കോഴിക്കോട് സ്വദേശി മരിച്ചു

കോഴിക്കോട്: (https://truevisionnews.com/) മലപ്പുറം കോട്ടക്കലിൽ വച്ചുണ്ടായ വാഹനാപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന കോഴിക്കോട് മാവൂർ സ്വദേശിയായ യുവാവ് മരിച്ചു. കുറ്റിക്കടവ് വളയന്നൂർ സ്വദേശി വടക്കേടത്ത് മിർഷാദ് (22) ആണ് മരിച്ചത്. കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ചൊവ്വാഴ്ച രാവിലെയോടെയായിരുന്നു അന്ത്യം.

കഴിഞ്ഞ ശനിയാഴ്ചയാണ് അപകടമുണ്ടായത്. മിർഷാദ് സഞ്ചരിച്ചിരുന്ന വാഹനം മറ്റൊരു വാഹനവുമായി കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ മിർഷാദിനെ ആദ്യം കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ആരോഗ്യനില വഷളായതിനെ തുടർന്ന് വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.

ഡ്രൈവിങ്ങിനിടയിലെ പ്രധാന മുൻകരുതലുകൾ

മൊബൈൽ ഫോൺ ഉപയോഗിക്കരുത്: ഡ്രൈവ് ചെയ്യുമ്പോൾ ഫോൺ ഉപയോഗിക്കുന്നത് (ഹാൻഡ്സ് ഫ്രീ / ബ്ലൂടൂത്ത് സംവിധാനങ്ങൾ ഉൾപ്പെടെ) ശ്രദ്ധ തിരിക്കാൻ ഇടയാക്കും.

Also read: 'ഒരു ജനാധിപത്യ രാജ്യം പൗരന്മാരോട് പ്രതികരിക്കേണ്ടത് ഇങ്ങനെയോ?' സിജെപി പ്രക്ഷോഭത്തിന് പിന്തുണയുമായി വിസ്മയ മോഹൻലാൽ

വേഗത നിയന്ത്രിക്കുക: റോഡിലെ വേഗപരിധി (Speed limit) പാലിക്കുക. ജനവാസ മേഖലകൾ, സ്‌കൂൾ പരിസരങ്ങൾ, വളവുകൾ എന്നിവിടങ്ങളിൽ വേഗത കുറയ്ക്കുക.

സുരക്ഷിത അകലം പാലിക്കുക: തൊട്ടുമുന്നിലെ വാഹനം പെട്ടെന്ന് ബ്രേക്ക് ചെയ്താലും കൂട്ടിയിടിക്കാതിരിക്കാൻ ആവശ്യമായ അകലം (3-second rule) നിലനിർത്തുക.

കൃത്യമായ ഇൻഡിക്കേറ്ററുകൾ: തിരിയുന്നതിനോ, ഓവർടേക്ക് ചെയ്യുന്നതിനോ, പാത മാറ്റുന്നതിനോ (Lane changing) മുൻപ് കൃത്യമായി ഇൻഡിക്കേറ്ററുകൾ ഉപയോഗിക്കുക.

സുരക്ഷിതമായ ഓവർടേക്കിങ്: വളവുകളിലും കലുങ്കുകളിലും പാലങ്ങളിലുമുള്ള ഓവർടേക്കിങ് പൂർണ്ണമായും ഒഴിവാക്കുക. മുൻപിലെ വഴി വ്യക്തമായി കാണാൻ സാധിക്കുമ്പോൾ മാത്രം ഓവർടേക്ക് ചെയ്യുക.

Content Highlight: Young Man Dies in Kottakkal Road Accident; Under Treatment in Kozhikode

#Kottakkal Accident #Kozhikode News #Road Accident Kerala #Malappuram News