ഒന്നും വിചാരിക്കല്ലേ, സമയമില്ല കേട്ടോ...! മുഖ്യമന്ത്രിയെ കാണാൻ ഇന്നും സമയം ലഭിച്ചില്ല; കൂടിക്കാഴ്ച ഉപേക്ഷിച്ച് എ.ഡി. തോമസും അജയ് ജുവലും

തിരുവനന്തപുരം: (https://truevisionnews.com/) ആലപ്പുഴ രക്ഷാപ്രവർത്തനവുമായി ബന്ധപ്പെട്ട ഗണ്മാൻമാർ മർദ്ദിച്ച കേസിൽ നടപടി ആവശ്യപ്പെട്ട് മുഖ്യമന്ത്രിയെ കാണാൻ പോയ യൂത്ത് കോൺഗ്രസ് നേതാക്കളായ എ ഡി തോമസ് എംഎൽഎയ്ക്കും അജയ് ജുവൽ കുര്യാക്കോസിനും ഇന്നും സമയം ലഭിച്ചില്ല. തുടർന്ന് ഇരുവരും കൂടിക്കാഴ്ച ഉപേക്ഷിച്ചു.

എഡിജിപി അജിത്കുമാറിനെതിരായ നടപടി വൈകുന്നതിൽ പ്രതിഷേധം അറിയിക്കാനാണ് ഇരുവരും മുഖ്യമന്ത്രിയെ നേരിൽ കാണാൻ തീരുമാനിച്ചത്. ഇന്നലെ തന്നെ കൂടിക്കാഴ്ചയ്ക്കായി ഇരുവരും തിരുവനന്തപുരത്തേക്ക് പുറപ്പെട്ടിരുന്നു. എന്നാൽ അന്ന് മുഖ്യമന്ത്രി സമയം അനുവദിച്ചിരുന്നില്ല. "ഇന്ന് മണ്ഡലത്തിൽ എത്തുമ്പോൾ കാണാം" എന്നായിരുന്നു ഓഫീസിൽ നിന്നുള്ള ഉറപ്പ്.

ആ ഉറപ്പിന്റെ അടിസ്ഥാനത്തിൽ എ ഡി തോമസ് എംഎൽഎയും അജയ് ജുവൽ കുര്യാക്കോസും ഇന്ന് എറണാകുളത്തേക്ക് വരാൻ തയ്യാറെടുത്തു. എന്നാൽ ഉച്ചവരെ ഏത് സമയത്താണ് കൂടിക്കാഴ്ചയെന്ന് മുഖ്യമന്ത്രിയുടെയോ ഓഫീസിന്റെയോ ഭാഗത്ത് നിന്ന് ഒരു വിവരവും ലഭിച്ചില്ല.

പല തവണ ഫോണിൽ ബന്ധപ്പെടാൻ ശ്രമിച്ചെങ്കിലും സാധിച്ചില്ല. ഒടുവിൽ "ഇന്ന് സമയമില്ല, കൂടിക്കാഴ്ച മറ്റൊരു ദിവസത്തേക്ക് മാറ്റാം" എന്ന അറിയിപ്പാണ് ലഭിച്ചത്. ഇതോടെയാണ് ഇരുവരും കൂടിക്കാഴ്ച ഉപേക്ഷിച്ചത്. കെഎസ്‌യുവിന്റെ ജില്ലാ സെക്രട്ടറി സ്ഥാനത്തിരിക്കുമ്പോഴാണ് ഗണ്മാൻമാരുടെ മർദനത്തിന് എ ഡി തോമസ്‌ എംഎൽഎ ഇരയാകുന്നത്.

Also read: സുധിയുടെ മരണ ശേഷം രേണുവിന്റെ ഓട്ടം കണ്ട ചിലരുടെ കണ്ണ് തട്ടിയോ? ഇനി നാല് കീമോയും ഓപ്പറേഷനും, ലക്ഷങ്ങൾ വേണം; രേണു സുധി

യുഡിഎഫ് മന്ത്രിസഭയുടെ ആദ്യ തീരുമാനമായിരുന്നു രക്ഷാപ്രവർത്തന കേസിൽ എസ്ഐടി. മുൻ മുഖ്യമന്ത്രിയുടെ ഗൺമാൻമാരുടെ മർദനമേറ്റ എ ഡി തോമസും അജയ് ജൂവൽ കുര്യാക്കോസും സർക്കാർ നടപടികളെ പ്രതീക്ഷയോടെയാണ് കണ്ടത്. എസ് ഐ ടി അന്വേഷണം പൂർത്തിയാക്കി റിപ്പോർട്ട് സമർപ്പിച്ചിട്ടും നടപടി വൈകുന്നതോടെ കടുത്ത അതൃപ്തിയിലാണ് ഇരുവരും.

Content Highlight: Youth Congress Leaders AD Thomas and Ajay Jewel Denied CM Meeting Again

#Youth Congress #Kerala CM #Alappuzha Case #ADGP Ajith Kumar #SIT Report