'വെറുതെ വെറിപിടിക്കേണ്ട കാര്യമില്ല, സദാചാരമില്ലായ്മ നടത്തിയത് യഥാർത്ഥത്തിൽ ഈ യൂട്യൂബർ അല്ലേ?'; ദയ സുജിത്തിനെ പിന്തുണച്ച് ഭാഗ്യലക്ഷ്മി

( https://moviemax.in/) നടി മഞ്ജു പിള്ളയുടെ മകൾ ദയ സുജിത്തിന്റെ വസ്ത്രധാരണത്തെ അപമര്യാദയായ ഭാഷയിൽ വിമർശിച്ച യൂട്യൂബർ ഷഫീന ബീവിക്കെതിരെ ഡബ്ബിംഗ് ആർട്ടിസ്റ്റും സാമൂഹിക പ്രവർത്തകയുമായ ഭാഗ്യലക്ഷ്മി രൂക്ഷമായ വിമർശനവുമായി രംഗത്തെത്തി.ഒരു യൂട്യൂബ് വീഡിയോയിലൂടെയാണ് ദയയുടെ വസ്ത്രധാരണത്തെ കുറിച്ച് ഷഫീന ബീവി മോശമായ പരാമർശങ്ങൾ നടത്തിയത്.

ഇതിനെതിരെയാണ് ഭാഗ്യലക്ഷ്മി തന്റെ പ്രതിഷേധം രേഖപ്പെടുത്തിയത്. "ഇത്തരത്തിൽ മോശം ഭാഷ ഉപയോഗിക്കുന്നതാണോ സദാചാരം? മലിനമായ പദപ്രയോഗങ്ങളും ചേഷ്ടകളുമാണ് ആ യൂട്യൂബർ നടത്തിയത്. ആദ്യം അവർ സ്വന്തം പ്രവർത്തികൾ ഒന്ന് നോക്കണം. മറ്റുള്ളവർ പറയുന്നത് കേട്ട് ജീവിക്കാൻ നമുക്ക് കഴിയില്ല.

ഓരോരുത്തർക്കും അവരുടേതായ ഇഷ്ടങ്ങളും പാഷനുകളും ഉണ്ട്. ദയ ഒരു ധൈര്യമുള്ള പെൺകുട്ടിയാണ്. അവൾക്ക് അവളുടെതായ ഇഷ്ടങ്ങളുണ്ട്. അതനുസരിച്ച് ജീവിക്കാനുള്ള സ്വാതന്ത്ര്യം അവൾക്കുണ്ട്. അതിന് വെറുതെ വെറിപിടിക്കേണ്ട കാര്യമില്ല. എത്ര സ്ത്രീകളെയാണ് ഇത്തരത്തിൽ നിങ്ങൾ തേജോവധം ചെയ്യുന്നത്?" എന്ന് ഭാഗ്യലക്ഷ്മി ചോദിച്ചു.

ഈ വിഷയത്തിൽ നിയമപരമായി മുന്നോട്ട് പോകണമെന്നും ഭാഗ്യലക്ഷ്മി ആവശ്യപ്പെട്ടു. "സദാചാരമില്ലായ്മ നടത്തിയത് യഥാർത്ഥത്തിൽ ഈ യൂട്യൂബർ അല്ലേ? അത്രയും മോശം വാക്കുകളാണ് അവർ ഉപയോഗിച്ചത്. ആ പെൺകുട്ടി ഇതിനെതിരെ നടപടി എടുക്കണം" എന്നും അവർ കൂട്ടിച്ചേർത്തു.

അതേസമയം, ഷഫീന ബീവിയെ വിമർശിക്കുന്നവരോടും ഭാഗ്യലക്ഷ്മിക്ക് ചില കാര്യങ്ങൾ പറയാനുണ്ടായിരുന്നു. വിമർശിക്കുക എന്നതാണ് ഉദ്ദേശമെങ്കിൽ അത് മാന്യമായി ചെയ്യണമെന്നും, ആ സ്ത്രീയുടെ വീഡിയോ പകുതിയോളം കാണിച്ച് പിന്നീട് അഭിപ്രായം പറയുന്നത് വ്യൂവർഷിപ്പ് കൂട്ടാനുള്ള ശ്രമാണെന്നും അവർ സംശയം പ്രകടിപ്പിച്ചു.

Also read: 'ജനനായകൻ' റീലോഡഡ്; ആരാധകരെ ആവേശത്തിലാക്കി ദളപതിയുടെ ചിത്രം പുതിയ രൂപത്തിൽ ജൂലൈ 23-ന് തിയേറ്ററുകളിലേക്ക്

"അത്തരം വീഡിയോകൾ പ്രചരിപ്പിക്കുന്നത് ആ പെൺകുട്ടിയെ കൂടുതൽ വേദനിപ്പിക്കും. നമ്മൾ എന്തിനാണ് ആ വിഷ്വലുകൾക്ക് പ്രാധാന്യം കൊടുക്കുന്നത്? വിമർശനം ആവശ്യമാണെങ്കിൽ വാക്കുകളിൽ മാത്രം ഒതുക്കണം" എന്നും ഭാഗ്യലക്ഷ്മി പറഞ്ഞു.സോഷ്യൽ മീഡിയയിലെ സദാചാര പോലീസിംഗിനെതിരെ നേരത്തെയും ശക്തമായി പ്രതികരിച്ചിട്ടുള്ള ആളാണ് ഭാഗ്യലക്ഷ്മി. സ്ത്രീകൾക്ക് അവരുടെ ഇഷ്ടപ്രകാരം ജീവിക്കാനുള്ള അവകാശമുണ്ടെന്ന നിലപാടിലാണ് അവർ ഉറച്ചു നിൽക്കുന്നത്.

Content Highlight: Bhagyalakshmi Slams YouTuber For Trolling Manju Pillai Daughter Daya Sujith

#Bhagyalakshmi #Daya Sujith #Manju Pillai #YouTuber Troll #Kerala Cinema