ഒരേ ദിവസം ഇരട്ട ദുഃഖം...! സഹോദരന്റെ മരണവിവരമറിഞ്ഞ് എത്തിയ സഹോദരിയും കോഴിക്കോട് മരിച്ചു

കോഴിക്കോട്: ( www.truevisionnews.com ) ഒരു കുടുംബത്തിന് ഒരേ ദിവസം രണ്ട് ദുഃഖങ്ങൾ. സഹോദരന്റെ മരണവിവരമറിഞ്ഞെത്തിയ സഹോദരിയും കുഴഞ്ഞുവീണ് മരിച്ചു. ഫ്രാന്‍സിസ് റോഡ് മനന്തലപ്പാലം സ്വദേശി പി.ടി. നാസർ (50) ഇന്ന് രാവിലെയാണ് മരിച്ചത്.

ഈ വാർത്തയറിഞ്ഞ് വീട്ടിലെത്തിയ സഹോദരി വെസ്റ്റ് മാങ്കാവ് സ്വദേശി നസീമ (47) വീട്ടിൽ വെച്ച് കുഴഞ്ഞുവീഴുകയായിരുന്നു. ഉടൻ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

നാസറിന്റെ ഭാര്യ: തെസ്‌നിയ. മക്കൾ: സിയ ഫാത്തിമ, ഹയ ഫാത്തിമ. സഹോദരങ്ങൾ: മമ്മദ് കോയ, മൊയ്തീൻ കോയ, പരേതരായ ആലിക്കോയ, സിദ്ദീഖ്.നസീമ ചന്ദ്രിക ദിനപത്രം പന്നിയങ്കര മേഖല മുസ്‌ലിം ലീഗ് ജനറൽ സെക്രട്ടറി എം.വി നജീബിന്റെ ഭാര്യയാണ്.

മക്കൾ: ദഹബീന, മുഹമ്മദ് യാസിം - യൂത്ത് ലീഗ് പന്നിയങ്കര മേഖല ട്രഷറർ, നഷ്വിൻ നവ്വാഫ് - എംഎസ്എഫ് സൗത്ത് മണ്ഡലം സെക്രട്ടറി. മരുമകൻ: ഹാരിസ് ചേളാരി.രണ്ട് പേരുടെയും ഖബറടക്കം കണ്ണംപറമ്പ് കബർസ്ഥാനിൽ നടന്നു.

Content Highlight: Kozhikode: Sister Dies of Shock After Hearing Brother's Death News

#Kozhikode #Nasar #Naseema #Double Death #Death News #Kozhikode News #Sudden Death #Family Tragedy #Muslim League