( www.truevisionnews.com ) മഴക്കാലത്ത് മാത്രമല്ല ചൂട് കാലത്തും വീടുകളിൽ പാമ്പ് കയറാം. പാമ്പുകൾക്ക് അനുകൂലമായ സാഹചര്യം വീട്ടിലും പറമ്പിലും ഒഴിവാക്കുക എന്നതാണ് ശ്രദ്ധിക്കേണ് പ്രധാനപ്പെട്ട കാര്യം. പൊത്തുകൾ, മാളങ്ങള് എന്നിവ ഉണ്ടെങ്കിൽ അവ അടയ്ക്കുക.
- കരിയില, തടികള്, ഓല, കല്ലും കട്ടയും, പ്ലാസ്റ്റിക് വസ്തുക്കള് എന്നിവ കൂടി കിടക്കുന്ന സ്ഥലങ്ങള് പാമ്പുകള്ക്ക് പ്രിയമുള്ള ഇടങ്ങളാണ്. വീടിന്റെ പരിസരത്തോ ജനലുകള്ക്ക് അരികിലോ ഇവ കൂട്ടി ഇടരുത്.
- അടുക്കള, ജലസംഭരണി എന്നിങ്ങനെ തണുപ്പ് കൂടുതലുള്ള ഇടങ്ങളിൽ പ്രത്യേക ശ്രദ്ധ നൽകണം. വീടിനുള്ളിലേക്കുള്ള ഓവുചാലുകൾ ഇടയ്ക്കിടെ വൃത്തിയാക്കുകയും പരിശോധിക്കുകയും വേണം. ഇവ കൃത്യമായി അടച്ചുവയ്ക്കാനും ശ്രദ്ധിക്കുക.
- വീടിനു പുറത്തെ വെള്ളക്കെട്ടുകള്, കുളം, എന്നിവ പാമ്പുകളെ ആകര്ഷിക്കുന്നയാണ്. അവിടെയുള്ള ജീവികളെ ഇരപിടിക്കാന്കൂടിയാണിത്. പല്ലികള്, എലികള്, ചെറിയ പക്ഷികള് എന്നിവയുടെയെല്ലാം സാന്നിധ്യം തിരിച്ചറിയാന് പാമ്പുകള്ക്കാകും.
- വീടിന്റെ പരിസരത്ത് പട്ടികൂടുകള്, കോഴിക്കൂട് എന്നിവ ഉണ്ടെങ്കില് ശ്രദ്ധിക്കുക. വീട്ടില് വളര്ത്തുമൃഗങ്ങള് ഉണ്ടെങ്കില് അവയ്ക്ക് നല്കുന്ന ഭക്ഷണത്തിന്റെ മിച്ചം കഴിക്കാന് എലികള് വരാന് സാധ്യത ഏറെയാണ്. ഇവയെ പിടികൂടാന് പാമ്പുകളും ഇവിടേക്ക് എത്താം.
- വീടിനും തോട്ടത്തിനും സംരക്ഷണവേലി കെട്ടുന്നതും പാമ്പുകള് വരാതെ സംരക്ഷിക്കും. പാമ്പുകൾക്ക് അലോസരം ഉണ്ടാക്കുന്ന ചില മണങ്ങളുണ്ട്. പാമ്പുശല്യമുള്ള പ്രദേശങ്ങളിൽ വെളുത്തുള്ളി ചതച്ചിടുന്നതും കുന്തിരിക്കം പുകയ്ക്കുന്നതും പാമ്പുകളെ അകറ്റാം.
- വീട്ടിൽ ഇടുന്ന ചവിട്ടിയും ശ്രദ്ധിക്കാതെ പോകരുത്. ഇതിനടിയിൽ പാമ്പ് ചുരുണ്ടുകിടക്കുന്ന സംഭവങ്ങൾ നിങ്ങൾ കേട്ടിട്ടുണ്ടാകാം. അതുകൊണ്ട് എന്നും ശ്രദ്ധയോടെ ചവിട്ടി കുടഞ്ഞിടണം.
- വീടിനോട് ചേര്ന്ന മരച്ചില്ലകള് വെട്ടിമാറ്റുക, പൂന്തോട്ടപരിപാലനത്തിനിടെ ശ്രദ്ധയോടെ ചെടിച്ചട്ടികളും മറ്റും നീക്കുകയോ മാറ്റുകയോ ചെയ്യുക, വീടിനോട് ചേര്ന്ന് വിറകോ കല്ലോ മറ്റോ അടുക്കിവെക്കുന്നത് ഒഴിവാക്കുക
Snake infestation, things to watch out for
