തിരുവനന്തപുരം:( www.truevisionnews.com ) ലോകപ്രശസ്തമായ ആറ്റുകാൽ പൊങ്കാല മഹോത്സവം ഇന്ന് ആഘോഷിക്കുന്നു. ദേവിക്ക് പൊങ്കാല അർപ്പിക്കാനായി പതിനായിരക്കണക്കിന് ഭക്തരാണ് തിരുവനന്തപുരം നഗരത്തിന്റെ വിവിധ ഭാഗങ്ങളിൽ അണിനിരന്നിരിക്കുന്നത്. രാവിലെ 9.45-ന് ക്ഷേത്രത്തിലെ പണ്ടാരയടുപ്പിൽ തീ പകരുന്നത് മുതൽ നഗരം യാഗശാലയായി മാറും. ഉച്ചകഴിഞ്ഞ് 2.15-നാണ് നിവേദ്യ സമർപ്പണം നിശ്ചയിച്ചിരിക്കുന്നത്.
ഇന്നത്തെ പ്രത്യേകതയായി ചന്ദ്രഗ്രഹണം വരുന്നതിനാൽ ഉച്ചയ്ക്ക് 3.10 മുതൽ രാത്രി 7 വരെ ക്ഷേത്രത്തിൽ ദർശനത്തിന് നിയന്ത്രണമുണ്ടാകും. രാത്രിയിൽ കുത്തിയോട്ട ബാലന്മാരുടെ ചൂരൽക്കുത്ത് ചടങ്ങും തുടർന്ന് മണക്കാട് ധർമ്മശാസ്താ ക്ഷേത്രത്തിലേക്കുള്ള എഴുന്നള്ളത്തും നടക്കും.
നാളെ രാത്രി നടക്കുന്ന കുരുതി തർപ്പണത്തോടെ ഉത്സവത്തിന് സമാപനമാകും. പൊങ്കാല പ്രമാണിച്ച് തിരുവനന്തപുരം ജില്ലയ്ക്ക് ഇന്ന് പ്രാദേശിക അവധി നൽകിയിട്ടുണ്ട്. ഭക്തരുടെ സൗകര്യാർത്ഥം റെയിൽവേയും കെഎസ്ആർടിസിയും അധിക സർവീസുകൾ ഏർപ്പെടുത്തിയിട്ടുണ്ട്.
Devotional Attukal Pongala today in Ananthapuri
.jpeg)
