കോഴിക്കോട്: (https://truevisionnews.com/) കോഴിക്കോട് താമരശ്ശേരിയില് സീബ്രാ ലൈനിലൂടെ റോഡ് മുറിച്ചു കടക്കാന് വിദ്യാര്ത്ഥികളെ സഹായിക്കുന്നതിനിടെ ഹോം ഗാര്ഡിനെ മിനി ലോറി ഇടിച്ചു തെറിപ്പിച്ചു. കോരങ്ങാട് ഗവണ്മെന്റ് ഹയര് സെക്കന്ററി സ്കൂളിന് സമീപത്ത് വെച്ചാണ് അപകടം. താമരശ്ശേരി പോലീസ് സ്റ്റേഷനിലെ ഹോം ഗാർഡായ ടി.ജെ. ഷാജിക്കാണ് പരിക്കേറ്റത്. ഇദ്ദേഹത്തെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
വിദ്യാര്ത്ഥികള്ക്ക് സീബ്രാ ലൈനിലൂടെ റോഡ് മുറിച്ച കടക്കാനായി വാഹനങ്ങള് നിയന്ത്രിക്കുന്നതിനിടയിലാണ് ഷാജിയെ മിനി ലോറി ഇടിച്ചത്. മിനി ലോറി അമിത വേഗത്തിലായിരുന്നുവെന്ന് നാട്ടുകാര് പറഞ്ഞു. ലോറി ഡ്രൈവറായ നടുവണ്ണൂര് മന്ദങ്കാവ് സ്വദേശി എന് പി സുജിത്തിനെ പൊലീസ് കസ്റ്റഡിയിലെടുത്തു.
Home Guard hit and run over by speeding lorry
