---
title: "ഡോൺ 3: രൺവീർ സിങ് പിന്മാറിയെന്ന വാർത്തയ്ക്ക് പുതിയ വഴിത്തിരിവ്"
english_title: "Don 3 Ranveer Singh"
publisher: "moviemax.in"
canonical_url: "https://moviemax.in/news/333022/don-3-ranveer-singh"
published_at: "2025-12-25T14:49:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/694d019206f5a_moviemax.jpg"
keywords: []
---

# ഡോൺ 3: രൺവീർ സിങ് പിന്മാറിയെന്ന വാർത്തയ്ക്ക് പുതിയ വഴിത്തിരിവ്

> **Lead Summary:** **[[moviemax.in]]** ഡോൺ സിനിമയുടെ മൂന്നാം ഭാഗത്തിൽ നിന്ന് രൺവീർ സിങ് പിന്മാറിയെന്ന വാർത്തയ്ക്ക് പുതിയ വഴിത്തിരിവ്. താരം സ്വമേധയാ പിന്മാറിയതല്ല, നിർമാതാക്കൾ അദ്ദേഹത്തെ ചിത്രത്തിൽ നിന്ന് ഒഴിവാക്കിയതാണെന്നതാണ് ഇപ്പോൾ പുറത്ത് വരുന്ന റിപ്പോർട്ടുകൾ.

## Article Content

**[[moviemax.in]]** ഡോൺ സിനിമയുടെ മൂന്നാം ഭാഗത്തിൽ നിന്ന് രൺവീർ സിങ് പിന്മാറിയെന്ന വാർത്തയ്ക്ക് പുതിയ വഴിത്തിരിവ്. താരം സ്വമേധയാ പിന്മാറിയതല്ല, നിർമാതാക്കൾ അദ്ദേഹത്തെ ചിത്രത്തിൽ നിന്ന് ഒഴിവാക്കിയതാണെന്നതാണ് ഇപ്പോൾ പുറത്ത് വരുന്ന റിപ്പോർട്ടുകൾ.

‘ധുരന്ധർ’ എന്ന ചിത്രത്തിന്റെ വൻവിജയത്തിന് പിന്നാലെ രൺവീർ ഡോൺ 3 വിട്ടുവെന്നായിരുന്നു ആദ്യം പ്രചരിച്ച വിവരം. എന്നാൽ ഇന്ത്യാ ടുഡേ റിപ്പോർട്ട് ചെയ്യുന്നത് പ്രകാരം, രൺവീർ പിന്മാറിയെന്ന വാർത്തകൾ യാഥാർത്ഥ്യമല്ല.

താരത്തിന്റെ അമിതമായ ആവശ്യങ്ങളാണ് നിർമാതാക്കളെ ഈ തീരുമാനത്തിലേക്ക് നയിച്ചതെന്നും റിപ്പോർട്ടിൽ പറയുന്നു. സിനിമയുമായി അടുത്ത ബന്ധമുള്ള ഒരാളുടെ വെളിപ്പെടുത്തൽ ഇങ്ങനെ:

> “തുടർച്ചയായ മൂന്ന് പരാജയ ചിത്രങ്ങൾക്ക് ശേഷം സംവിധായകൻ ഫർഹാൻ അക്തറും നിർമാതാവ് റിതേഷ് സിധ്വാനിയും രൺവീർ സിങ്ങിന് ഡോൺ 3-ൽ അവസരം നൽകി. താരമൂല്യം കുറഞ്ഞതായി കണ്ട് സഞ്ജയ് ലീലാ ബൻസാലി തന്റെ ‘ബൈജു ബാവ്ര’ താൽക്കാലികമായി മാറ്റിവച്ചപ്പോഴും ഫർഹാനും റിതേഷും രൺവീറിനെ പിന്തുണച്ചിരുന്നു.”

ഇതോടെയാണ് ഡോൺ 3-ലെ രൺവീർ സിങ് വിഷയത്തിൽ പുതിയ ചർച്ചകൾ ശക്തമാകുന്നത്.

### Related Links & Sources
- [Original Story Source](https://moviemax.in/news/333022/don-3-ranveer-singh)