---
title: "'വിരൽ കടിച്ച് വിവാദം!'— പ്രഭുദേവയുടെ 'വൂൾഫ്' സിനിമയിലെ പാട്ട് സോഷ്യൽ മീഡിയയിൽ തീപിടിക്കുന്നു!"
english_title: "LatestTamilSongs AnasuyaBharadwaj HariCharan prabhudevasongs "
publisher: "moviemax.in"
canonical_url: "https://moviemax.in/news/325134/latesttamilsongs-anasuyabharadwaj-haricharan-prabhudevasongs"
published_at: "2025-11-09T16:12:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/691070c4895ca_prabhudeva.jpg"
keywords: []
---

# 'വിരൽ കടിച്ച് വിവാദം!'— പ്രഭുദേവയുടെ 'വൂൾഫ്' സിനിമയിലെ പാട്ട് സോഷ്യൽ മീഡിയയിൽ തീപിടിക്കുന്നു!

> **Lead Summary:** > ** ചു**വടുകളിലൂടെ വികാരങ്ങൾ പറയാൻ കഴിയുമെന്ന് തെളിയിച്ച വ്യക്തിയാണ് പ്രഭുദേവ. വാക്കുകൾക്കു പകരം നൃത്തം കൊണ്ട് ഹൃദയങ്ങളെ തൊട്ട മനുഷ്യൻ. പ്രഭുദേവയുടെ പുതിയ ചിത്രം വൂൾഫിലെ “സാസ സാസ” എന്ന ഗാനം ഇപ്പോൾ സമൂഹമാധ്യമങ്ങളിൽ വിവാദത്തിന്റെ ചൂടിലാണ്.

## Article Content

> ** ചു**വടുകളിലൂടെ വികാരങ്ങൾ പറയാൻ കഴിയുമെന്ന് തെളിയിച്ച വ്യക്തിയാണ് പ്രഭുദേവ. വാക്കുകൾക്കു പകരം നൃത്തം കൊണ്ട് ഹൃദയങ്ങളെ തൊട്ട മനുഷ്യൻ. പ്രഭുദേവയുടെ പുതിയ ചിത്രം വൂൾഫിലെ “സാസ സാസ” എന്ന ഗാനം ഇപ്പോൾ സമൂഹമാധ്യമങ്ങളിൽ വിവാദത്തിന്റെ ചൂടിലാണ്.

> ഗാനത്തിന്റെ അവസാന ഭാഗത്താണ് നടി ശ്രീഗോപിക, നായകനായ പ്രഭുദേവയുടെ കാൽവിരലിൽ കടിക്കുന്ന രംഗമുണ്ട്. നിഗൂഢത നിറഞ്ഞ ആ രംഗം കാണികളെ ഞെട്ടിച്ചിരിക്കുകയാണ്. നിരവധി പേർ ഈ രംഗം "അശ്ലീലതയുടെ അതിർത്തി കടന്നതാണെന്ന്" സോഷ്യൽ മീഡിയയിൽ കമൻ്റ് ചെയ്തു. "ബ്ലൂ ഫിലിം തലത്തിൽ ചിത്രീകരിച്ച രംഗം","ഇത് പ്രഭുദേവയുടെ നിലവാരമല്ല", "ഇങ്ങനെ കാണികളെ ആകർഷിക്കാനാണ് ശ്രമം" തുടങ്ങിയവയാണ് പ്രേക്ഷകരുടെ പൊതുവായ പ്രതികരണം.

> ഗാനത്തിൽ പ്രഭുദേവ, അനസൂയ ഭരദ്വാജ്, റായ് ലക്ഷ്മി, ശ്രീഗോപിക എന്നിവരാണ് അഭിനയിക്കുന്നത്. പാട്ട് റൊമാന്റിക് സ്വഭാവത്തിലുള്ളതാണെങ്കിലും അതിൽ നിഗൂഢത ചേർന്നിരിക്കുന്നു എന്നതാണ് വിമർശനത്തിന്റെ കാരണമായി മാറിയിരിക്കുന്നത്. വീഡിയോയിൽ കാണുന്ന ചില ഷോട്ടുകൾ "കുടുംബമായി ഇരുന്ന് കാണാൻ പറ്റാത്തതാണെന്ന്" പ്രേക്ഷകർ അഭിപ്രായപ്പെടുന്നു.

> നായികമാരുടെ കുടുംബം ഈ വീഡിയോ കണ്ടാൽ എങ്ങനെയായിരിക്കും പ്രതികരിക്കുകയെന്ന ചോദ്യവും നിരന്തരം കമൻ്റുകളിൽ നിറഞ്ഞു. വിനു വെങ്കിടേഷ് ആണ് ചിത്രത്തിൻ്റെ സംവിധായകൻ. നായികയായി എത്തുന്നത് മലയാളി താരം അഞ്ചു കുര്യൻ ആണെന്ന് റിപ്പോർട്ടുകൾ പറയുന്നു. ആക്ഷൻ-ത്രില്ലർ സ്വഭാവത്തിലാണ് ചിത്രം ഒരുങ്ങുന്നത്. .എന്നാൽ ഇപ്പോൾ ചിത്രം റിലീസ് ചെയ്യുന്നതിനു മുമ്പേ “സാസ സാസ” എന്ന പാട്ട് തന്നെ 'വൂൾഫ്'നെ വാർത്തകളുടെ ലോകത്ത് മുൻപന്തിയിലെത്തിച്ചിരിക്കുകയാണ് ,പക്ഷെ അതും നല്ല രീതിയിലുള്ള കാരണങ്ങൾകൊണ്ടല്ല.

> ചിലർ പറയുന്നത് "പ്രഭുദേവയുടെ മാർക്കറ്റ് ഇടിഞ്ഞു, അതിനാൽ വിവാദങ്ങളിലൂടെ ശ്രദ്ധ പിടിക്കാനാണ് ശ്രമം" എന്നാണ്. അല്ലെങ്കിൽ ഇത് സിനിമയിലെ വെറും ഒരു സീൻ മാത്രമോ? എന്തായാലും, പ്രഭുദേവയുടെ കാൽവിരലിൽ നിന്നാരംഭിച്ച ഈ വിവാദം ഇപ്പോൾ സിനിമാ ലോകത്ത് വലിയ ചർച്ചയായിരിക്കുകയാണ്.

### Related Links & Sources
- [Original Story Source](https://moviemax.in/news/325134/latesttamilsongs-anasuyabharadwaj-haricharan-prabhudevasongs)