ചെന്നൈ:[moviemax.in] തെന്നിന്ത്യൻ സംഗീത മാന്ത്രികൻ ഇളയരാജയുടെ ജീവിതകഥ പറയുന്ന ബിഗ് ബജറ്റ് ചിത്രത്തെക്കുറിച്ചുള്ള അനിശ്ചിതത്വങ്ങൾക്ക് വിരാമമായി. അരുൺ മതേശ്വരൻ ചിത്രത്തിൽ നിന്ന് പിന്മാറിയെന്ന വാർത്തകൾ തെറ്റാണെന്നും അദ്ദേഹം തന്നെയാകും ചിത്രം സംവിധാനം ചെയ്യുക എന്നും അണിയറപ്രവർത്തകർ സ്ഥിരീകരിച്ചു. ധനുഷ് ഇളയരാജയായി വേഷമിടുന്ന ഈ ചിത്രം തമിഴ് സിനിമ ഏറെ പ്രതീക്ഷയോടെ കാത്തിരിക്കുന്ന ഒന്നാണ്.
നിലവിൽ ലോകേഷ് കനകരാജ് കേന്ദ്രകഥാപാത്രമാകുന്ന 'ഡിസി' എന്ന സിനിമയുടെ തിരക്കിലാണ് അരുൺ മതേശ്വരൻ. ഈ പ്രോജക്റ്റിന് ശേഷം ഉടൻ തന്നെ ഇളയരാജ ബയോപ്പിക്കിന്റെ ചിത്രീകരണം ആരംഭിക്കും.
'ക്യാപ്റ്റൻ മില്ലറി'ന് ശേഷം ധനുഷും അരുണും വീണ്ടും ഒന്നിക്കുന്ന ചിത്രം കൂടിയാണിത്. പ്രശസ്ത ക്യാമറാമാൻ നീരവ് ഷാ, പ്രൊഡക്ഷൻ ഡിസൈനർ മുത്തുരാജ് എന്നിവരും ഈ സ്വപ്ന പദ്ധതിയുടെ ഭാഗമാണ്.
Content Highlight: There is no change in Dhanush's film 'Ilaiyaraja'; Arun Mateswaran is the director
