(moviemax.in)കുറഞ്ഞ സിനിമകളിൽ അഭിനയിച്ച് നിരവധി ആരാധകരെ സൃഷ്ടിച്ച നടനാണ് ജോമോൻ ജ്യോതിർ. ഗുരുവായൂരമ്പലനടയിൽ, വാഴ, രോമാഞ്ചം തുടങ്ങിയ സിനിമകളിലൂടെയാണ് ജോമോൻ പ്രേക്ഷകരുടെ മനസ്സിൽ ഇടം നേടിയത്. അടുത്തിടെ പുറത്തിറങ്ങിയ 'വ്യസനസമേതം ബന്ധുമിത്രാദികൾ' എന്ന സിനിമയിൽ ജോമോൻ മികച്ച അഭിനയമാണ് കാഴ്ചവെച്ചത്.
സിനിമയിലേക്കുള്ള തന്റെ യാത്രയിൽ നേരിട്ട കഷ്ടപ്പാടുകളെക്കുറിച്ച് അദ്ദേഹം തുറന്നുപറഞ്ഞപ്പോൾ, മകന്റെ കഠിനാധ്വാനത്തെക്കുറിച്ച് പറഞ്ഞ് അഭിമാനിക്കുകയാണ് അമ്മ. സിനിമയിൽ ഒരു അവസരം ലഭിക്കാൻ താൻ നേരിട്ട ബുദ്ധിമുട്ടുകളെക്കുറിച്ചും അവതരണം ചെയ്യുന്നതിനേക്കുറിച്ചും ജോമോൻ സംസാരിച്ചു. എന്നാൽ എല്ലാ പ്രതിസന്ധി ഘട്ടങ്ങളിലും കുടുംബം നൽകിയ പിന്തുണയാണ് തന്നെ മുന്നോട്ട് നയിച്ചതെന്നും അദ്ദേഹം കൂട്ടിച്ചേർത്തു.
ചെറുപ്പത്തിൽത്തന്നെ കുടുംബത്തിന്റെ സാമ്പത്തിക ഉത്തരവാദിത്തങ്ങൾ ജോമോൻ ഏറ്റെടുത്തിരുന്നതായി അമ്മ പറഞ്ഞു. "അവന് 20 വയസ്സായപ്പോൾ തൊട്ടേ, വീട്ടിലെ കാര്യങ്ങളെല്ലാം അവൻ നോക്കും. ഗൾഫിൽ പോകാൻ പലരും നിർബന്ധിച്ചിട്ടും അവൻ പോയില്ല. ഈ ജോലി ചെയ്ത് ഞങ്ങൾക്ക് പണം കൊണ്ടുതന്നില്ലെങ്കിൽ അവന് വലിയ വിഷമമായിരുന്നു" - ജോമോന്റെ അമ്മ പറയുന്നു. മകന്റെ കഠിനാധ്വാനത്തെക്കുറിച്ചുള്ള വാക്കുകളിൽ ആ അമ്മയുടെ അഭിമാനം നിറഞ്ഞുനിന്നു.
Content Highlight: Mother is proud of actot Jomon Jyotir
