---
title: "ആലാപനത്തിലും ഷെയ്ന്‍ നിഗം തരംഗം; 'ഹാലി'ലെ പ്രണയ ഗാനം പുറത്ത്"
english_title: "Shane Nigam is also making waves in singing; Love song from 'Hali' out"
publisher: "moviemax.in"
canonical_url: "https://moviemax.in/news/311981/shane-nigam-is-also-making-waves-in-singing-love-song-from-hali-out"
published_at: "2025-08-30T12:39:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68b2a3cfde251_hgh.jpg"
keywords: []
---

# ആലാപനത്തിലും ഷെയ്ന്‍ നിഗം തരംഗം; 'ഹാലി'ലെ പ്രണയ ഗാനം പുറത്ത്

> **Lead Summary:** [നവാഗതനായ വീര സംവിധാനം ചെയ്യുന്ന ഷെയിൻ നിഗം ചിത്രം 'ഹാൽ' സിനിമയിലെ പ്രണയം തുളുമ്പുന്ന 'കല്യാണ ഹാൽ...' എന്ന ഗാനം പുറത്തിറങ്ങി. നന്ദഗോപൻ വി ഈണമിട്ട് ബിൻസ് എഴുതിയ ഈ മനോഹര ഗാനം ആലപിച്ചിരിക്കുന്നത് ഷെയിൻ നിഗം തന്നെയാണ്.

## Article Content

[നവാഗതനായ വീര സംവിധാനം ചെയ്യുന്ന ഷെയിൻ നിഗം ചിത്രം 'ഹാൽ' സിനിമയിലെ പ്രണയം തുളുമ്പുന്ന 'കല്യാണ ഹാൽ...' എന്ന ഗാനം പുറത്തിറങ്ങി. നന്ദഗോപൻ വി ഈണമിട്ട് ബിൻസ് എഴുതിയ ഈ മനോഹര ഗാനം ആലപിച്ചിരിക്കുന്നത് ഷെയിൻ നിഗം തന്നെയാണ്.

ഷെയിൻ നിഗത്തിന്റെ കരിയറിലെ വലിയ മുതൽമുടക്കിൽ ഒരുങ്ങുന്ന ഈ ബിഗ് ബജറ്റ് ചിത്രത്തിൽ സാക്ഷി വൈദ്യയാണ് നായികയായി എത്തുന്നത്. സിനിമയുടെ വേൾഡ് വൈഡ് റിലീസ് സെപ്റ്റംബർ 12-നാണ്. ഗാനം ഇതിനകം തന്നെ പ്രേക്ഷക ശ്രദ്ധ നേടിക്കഴിഞ്ഞു.

ജോണി ആന്‍റണി, നത്ത്, വിനീത് ബീപ്‍കുമാർ, കെ. മധുപാല്‍, സംഗീത മാധവൻ നായർ, ജോയ് മാത്യു, നിഷാന്ത് സാഗര്‍, നിയാസ് ബെക്കർ, റിയാസ് നർമകല, സുരേഷ് കൃഷ്ണ, രവീന്ദ്രൻ, സോഹൻ സീനുലാൽ, മനോജ് കെ.യു, ഉണ്ണിരാജ, ശ്രീധന്യ തുടങ്ങിയവരും ചിത്രത്തില്‍ ശ്രദ്ധേയ വേഷങ്ങളില്‍ എത്തുന്നുണ്ട്. മലയാളത്തിന് പുറമെ ഹിന്ദി, തെലുങ്ക്, തമിഴ്, കന്നഡ എന്നീ ഭാഷകളിലായി ഒരേ സമയം റിലീസ് ചെയ്യുന്ന ചിത്രം ഒരു കംപ്ലീറ്റ് കളർഫുൾ എന്‍റർടെയ്നർ ആയിരിക്കുമെന്നാണ് സൂചന. ബോളിവുഡിലെ ശ്രദ്ധേയ ഗായകൻ അങ്കിത് തിവാരി മലയാളത്തിലേക്ക് ആദ്യമായി എത്തുന്ന സിനിമ കൂടിയാണിത്.

സിനിമയുടെ ഫസ്റ്റ് ലുക്കും മോഷൻ പോസ്റ്ററും പാട്ടും റിലീസ് അനൗൺസ്മെന്‍റ് പോസ്റ്ററും അടുത്തിടെ പുറത്തിറങ്ങിയിരുന്നത് ശ്രദ്ധേയമായിരുന്നു. 90 ദിവസമാണ് ഹാലിന്‍റെ ചിത്രീകരണം നീണ്ടുനിന്നത്. സംഗീതത്തിന് പ്രാധാന്യം നൽകി എത്തുന്ന ചിത്രം ജെ വി ജെ പ്രൊഡക്ഷൻസിന്‍റെ ബാനറിലാണ് ഒരുങ്ങുന്നത്. ഹാലിന്‍റെ രചന നിർവഹിച്ചിരിക്കുന്നത് നിഷാദ് കോയയാണ്. ഓർഡിനറി, മധുര നാരങ്ങ, തോപ്പിൽ ജോപ്പൻ, ശിക്കാരി ശംഭു എന്നീ ചിത്രങ്ങൾക്ക് ശേഷം നിഷാദ് കോയ രചന നിർവഹിക്കുന്ന സിനിമയാണ് 'ഹാൽ'. തിങ്ക് മ്യtസിക്കാണ് മ്യൂസിക് പാർട്നർ.

### Related Links & Sources
- [Original Story Source](https://moviemax.in/news/311981/shane-nigam-is-also-making-waves-in-singing-love-song-from-hali-out)