---
title: "ഹൃദയങ്ങൾ കീഴടക്കി 'ഹൃദയപൂർവ്വം'; ആദ്യ 24 മണിക്കൂറിൽ  18000 ടിക്കറ്റുകള്‍  വിറ്റുപോയെന്ന് റിപ്പോർട്ട്"
english_title: "'Heartfelt' wins hearts; Report says 18,000 tickets sold in first 24 hours"
publisher: "moviemax.in"
canonical_url: "https://moviemax.in/news/311233/heartfelt-wins-hearts-report-says-18000-tickets-sold-in-first-24-hours"
published_at: "2025-08-27T11:19:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68aea30465fc1_sdd.jpg"
keywords: []
---

# ഹൃദയങ്ങൾ കീഴടക്കി 'ഹൃദയപൂർവ്വം'; ആദ്യ 24 മണിക്കൂറിൽ  18000 ടിക്കറ്റുകള്‍  വിറ്റുപോയെന്ന് റിപ്പോർട്ട്

> **Lead Summary:** **[**തിയറ്ററുകളിൽ എത്താൻ പോകുന്ന മോഹൻലാൽ ചിത്രം 'ഹൃദയപൂർവം' പ്രേക്ഷകർ ഏറെ ആകാംഷയോടെ കാത്തിരിക്കുന്ന ഒന്നാണ്. മോഹൻലാലിനെ നായകനാക്കി സത്യൻ അന്തിക്കാട് സംവിധാനം ചെയ്ത ഒട്ടേറെ ഹിറ്റ് ചിത്രങ്ങൾ മലയാളത്തിനുണ്ടെന്നതാണ് ഇതിന് പ്രധാന കാരണം. പുതിയ ചിത്രത്തിൽ താടി ട്രിം ചെയ്ത്, സ്റ്റൈലൻ ലുക്കിലാണ് മോഹൻലാൽ എത്തുന്നത്. ഈ ചിത്രത്തിന് ക്ലീൻ യു സർട്ടിഫിക്കറ്റാണ് ലഭിച്ചിരിക്കുന്നത്. ഓഗസ്റ്റ് 28നാണ് സിനിമയുടെ റിലീസ്. ബുക്ക് മൈ ഷോയുടെ കണക്കുകൾ അനുസരിച്ച്, കഴിഞ്ഞ 24 മണിക്കൂറിനുള്ളിൽ 18000 ടിക്കറ്റുകളാണ് വിറ്റുപോയത്.

## Article Content

**[**തിയറ്ററുകളിൽ എത്താൻ പോകുന്ന മോഹൻലാൽ ചിത്രം 'ഹൃദയപൂർവം' പ്രേക്ഷകർ ഏറെ ആകാംഷയോടെ കാത്തിരിക്കുന്ന ഒന്നാണ്. മോഹൻലാലിനെ നായകനാക്കി സത്യൻ അന്തിക്കാട് സംവിധാനം ചെയ്ത ഒട്ടേറെ ഹിറ്റ് ചിത്രങ്ങൾ മലയാളത്തിനുണ്ടെന്നതാണ് ഇതിന് പ്രധാന കാരണം. പുതിയ ചിത്രത്തിൽ താടി ട്രിം ചെയ്ത്, സ്റ്റൈലൻ ലുക്കിലാണ് മോഹൻലാൽ എത്തുന്നത്. ഈ ചിത്രത്തിന് ക്ലീൻ യു സർട്ടിഫിക്കറ്റാണ് ലഭിച്ചിരിക്കുന്നത്. ഓഗസ്റ്റ് 28നാണ് സിനിമയുടെ റിലീസ്. ബുക്ക് മൈ ഷോയുടെ കണക്കുകൾ അനുസരിച്ച്, കഴിഞ്ഞ 24 മണിക്കൂറിനുള്ളിൽ 18000 ടിക്കറ്റുകളാണ് വിറ്റുപോയത്.

എങ്ങനെയുള്ളതായിരിക്കും മോഹൻലാല്‍ ചിത്രം എന്ന് സംവിധായകൻ സത്യൻ അന്തിക്കാട് നേരത്തെ വ്യക്തമാക്കിയിരുന്നു. പാൻ ഇന്ത്യൻ ഒന്നുമില്ല ജീവിതഗന്ധിയായ കഥയായിരിക്കും മോഹൻലാലിനെ നായകനാക്കി ആലോചിക്കുന്നത്. നേരത്തെ നേര് എന്ന ഒരു സിനിമ വൻ വിജയമായത് കാണിക്കുന്നത് നമ്മളില്‍ ഒരാളായി മോഹൻലാലിനെ കാണാൻ എല്ലാവരും ആഗ്രഹിക്കുന്നു എന്നതാണ് എന്നും സത്യൻ അന്തിക്കാട് അഭിപ്രായപ്പെട്ടിരുന്നു. എന്തായാലും പ്രേക്ഷകര്‍ കാണാനാഗ്രഹിക്കുന്ന മോഹൻലാല്‍ ചിത്രമായിരിക്കും ഹൃദയപൂര്‍വമെന്നാണ് പ്രതീക്ഷ. സന്ദീപ് ബാലകൃഷ്‍ണൻ എന്ന കഥാപാത്രമായിട്ടാണ് ചിത്രത്തില്‍ മോഹൻലാല്‍ ഉണ്ടാകുക. മാളവിക മോഹനനാണ് ചിത്രത്തിലെ നായിക. ബോക്സ് ഓഫീസില്‍ സത്യൻ അന്തിക്കാട് മോഹൻലാല്‍ ചിത്രം വൻ നേട്ടം കൊയ്യുമെന്നുമാണ് പ്രേക്ഷകരുടെ പ്രതീക്ഷ.

എന്നും എപ്പോഴും എന്ന സിനിമയാണ് ഒടുവില്‍ മോഹൻലാലിനെ നായക വേഷത്തില്‍ എത്തിച്ച് സത്യൻ അന്തിക്കാട് സംവിധാനം ചെയ്‍തത്. സംവിധായകൻ സത്യൻ അന്തിക്കാടിന്റെ മോഹൻലാല്‍ ചിത്രത്തില്‍ മഞ്‍ജു വാര്യരായിരുന്നു നായികയായി എത്തിയത്. ഇന്നസെന്റും ഒരു പ്രധാന വേഷത്തില്‍ ചിത്രത്തില്‍ എത്തിയിരുന്നു. തിരക്കഥ രഞ്‍ജൻ പ്രമോദായിരുന്നു എഴുതിയിരുന്നത്.

സംവിധായകൻ സത്യൻ അന്തിക്കാടിന്റേതായി ഒടുവിലെത്തിയ ചിത്രം മകള്‍ വൻ വിജയമായി മാറിയിരുന്നില്ല എന്നതിനാല്‍ മോഹൻലാലുമൊത്ത് എത്തുമ്പോള്‍ വലിയൊരു തിരിച്ചുവരവ് ലക്ഷ്യമിടുന്നു. മകളില്‍ ജയറാമായിരുന്നു നായകനായി വേഷമിട്ടത്. മീരാ ജാസ്‍മിൻ നായികയുമായി. മമ്മൂട്ടിയെ നായകനാക്കി ഒരു ചിത്രം സംവിധായകൻ സത്യൻ അന്തിക്കാട് ആലോചിച്ചിരുന്നുവെങ്കിലും ഉപേക്ഷിച്ചതായിട്ടാണ് മനസിലാകുന്നത്.

### Related Links & Sources
- [Original Story Source](https://moviemax.in/news/311233/heartfelt-wins-hearts-report-says-18000-tickets-sold-in-first-24-hours)