---
title: "'4.5 ​ഗ്യാങ്' ; മലയാളത്തിലെ അടുത്ത ഡാർക്ക് കോമഡി ആക്ഷൻ സിരീസ് ഒടിടി റിലീസിന്  ഒരുങ്ങുന്നു "
english_title: "4.5 Gang Malayalam next dark comedy action series is gearing up for an OTT release"
publisher: "moviemax.in"
canonical_url: "https://moviemax.in/news/310183/45-gang-malayalam-next-dark-comedy-action-series-is-gearing-up-for-an-ott-release"
published_at: "2025-08-22T10:55:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68a8005bbf9ea_5486.jpg"
keywords: []
---

# '4.5 ​ഗ്യാങ്' ; മലയാളത്തിലെ അടുത്ത ഡാർക്ക് കോമഡി ആക്ഷൻ സിരീസ് ഒടിടി റിലീസിന്  ഒരുങ്ങുന്നു 

> **Lead Summary:** **** '4.5 ​ഗ്യാങ്' എന്ന പേരിലുള്ള പുതിയ മലയാളം ഒറിജിനൽ വെബ് സീരീസ് സോണി ലിവ്വിൽ സ്ട്രീമിങ് ആരംഭിക്കുന്നു. കൃഷാന്ദാണ് ഈ ഡാർക്ക് കോമഡി ആക്ഷൻ സിരീസ് സംവിധാനം ചെയ്തിരിക്കുന്നത്. യഥാർത്ഥ സംഭവങ്ങളെ അടിസ്ഥാനമാക്കിയുള്ള ഈ സിരീസ് ഈ മാസം 29-ന് റിലീസ് ചെയ്യും.

## Article Content

**** '4.5 ​ഗ്യാങ്' എന്ന പേരിലുള്ള പുതിയ മലയാളം ഒറിജിനൽ വെബ് സീരീസ് സോണി ലിവ്വിൽ സ്ട്രീമിങ് ആരംഭിക്കുന്നു. കൃഷാന്ദാണ് ഈ ഡാർക്ക് കോമഡി ആക്ഷൻ സിരീസ് സംവിധാനം ചെയ്തിരിക്കുന്നത്. യഥാർത്ഥ സംഭവങ്ങളെ അടിസ്ഥാനമാക്കിയുള്ള ഈ സിരീസ് ഈ മാസം 29-ന് റിലീസ് ചെയ്യും.

സിരീസിന്റെ കഥ നടക്കുന്നത് തിരുവനന്തപുരത്താണ്. സമൂഹത്തിൽ തങ്ങൾക്ക് ലഭിക്കാത്ത ബഹുമാനത്തിനായി ഒരു ക്ഷേത്രത്തിലെ ഉത്സവം നടത്താൻ ശ്രമിക്കുന്ന നാല് യുവാക്കളുടെയും ഒരു പൊക്കം കുറഞ്ഞ വ്യക്തിയുടെയും കഥയാണ് ഇതിന്റെ ഇതിവൃത്തം. നഗരത്തിലെ പാൽ, പുഷ്പ വ്യാപാരത്തിലെ അധോലോകം നിയന്ത്രിക്കുന്ന ഒരു ​ക്രൂരനായ ​ഗുണ്ടാസംഘമാണ് അവരുടെ ഈ ശ്രമത്തിന് തടസ്സം നിൽക്കുന്നത്.

ജഗദീഷ്, ഇന്ദ്രൻസ്, വിജയരാഘവൻ, ഹക്കിം ഷാ, ദർശന രാജേന്ദ്രൻ എന്നിവരാണ് ഈ സിരീസിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഇവർക്ക് പുറമെ സഞ്ജു ശിവറാം, വിഷ്ണു അഗസ്ത്യ, സച്ചിൻ, ശാന്തി ബാലചന്ദ്രൻ, നിരഞ്ജ് മണിയൻപിള്ള, ശ്രീനാഥ് ബാബു, ശംഭു മേനോൻ, പ്രശാന്ത് അലക്സ്, രാഹുൽ രാജഗോപാൽ തുടങ്ങിയ യുവതാരങ്ങളും സിരീസിൽ അഭിനയിക്കുന്നു.

മാൻകൈൻഡ് സിനിമാസാണ് ഈ വെബ് സീരീസ് നിർമ്മിച്ചിരിക്കുന്നത്. മലയാളത്തിന് പുറമെ തമിഴ്, തെലുങ്ക്, ഹിന്ദി ഭാഷകളിലും ഇത് ലഭ്യമാകും.

### Related Links & Sources
- [Original Story Source](https://moviemax.in/news/310183/45-gang-malayalam-next-dark-comedy-action-series-is-gearing-up-for-an-ott-release)